1 Abatsesalonika 3
3
1Ne niko akachila, olwa khwamala khukhaywe okhwifwila khandi, khwalola mbu nobulayi okhutong'a fwenyene eAtsene, 2nikhuruma Timotseo, omwana weefwe khandi omukholi oukhola nende Nyasaye halala mukeinjiili yaKristo, mbu amuralisie namutinyisia mubusuubili bweenywe; 3mbu omundu yesi aleshe okhusikukha khulwa obusandibwi obuliho; abeene mumanyile mbu khwareebwaho khulwabwo. 4Okhuba toto mwene, olwa khwali nikhuliho nineenywe, khwamuboolela khale mbu khwitsa okhusandibwa; ne kamala kabe kario; shinga olwa mumanyile. 5Khandi niko akachila isie, olwa ndakhaywa okhwifwila khandi, ndarumana okhumanya akobusuubili bweenywe, mbu haundi omurecheshi yakhaba namuteemile, okhunyakhana khweefwe nikhuba okhwabutswa.
6Ne bulaano buno, Timotseo yakhoola narula khwinywe, nakhuleerela amakhuwa amalayi akobusuubili bweenywe nobuheeli bweenywe, nakhuboolela shinga olwa mukhwitsulilanga bulayi tsindaalo tsiosi, amahoofu nikamulia khwifwe, shinga olwa kakhuliitsanga ifwe khwinywe. 7Ne niko akachilile, baana beefwe, nikhulemile omwoyo halubeka Iweenywe mumatinyu keefwe kosi nobusandibwi, khulwa obusuubili bweenywe. 8Okhuba bulaano khuli mwoyo, inywe nimuba nimusimbiila muMwami. 9Shichila ni Orio yeimbia shi eya khwakhanyala okhukalusilia Nyasaye khulweenywe khulwa obusangaali obwa khusangaalanga khulweenywe imbeli waNyasaye weefwe? 10Eshilo neshiteere khusaayanga muno, mbu khumulole mumoni, nikhuusia ako akaleemile mubusuubili bweenywe.
11Kho bulaano Nyasaye weefwe ouli Seefwe omwene, halala nOmwami Yesu, akhwikulile injila okhuula ewa muli. 12Khandi Omwami amunyalile okhumeetekha nimushilaana obuheeli, abeene khubeene, nende khubandu bosi, shinga ifwe olwa khuli khwinywe, 13mbu aralisie emioyo chieenywe, chibule eshikha mubutakatifu imbeli waNyasaye weefwe, niye Seefwe, khukhwitsa khwOmwami weefwe Yesu halala nabatakatifube bosi.
Currently Selected:
1 Abatsesalonika 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
