1 Abatsesalonika 2
2
Obukhalabani bwaPaulo mubaTsesalonika
1Shichila inywe abeene, baana beefwe, mumanyile mbu okhwinjila khweefwe eweenywe shikhwalolekha mbu nokhwabutswa, tawe. 2Ne nikhumalile okhusaalila olwambeli nikhukholelwa amatinyu aketsisoni eFilipi shinga olwa mumanyile, khwamuboolela akeinjiili yaNyasaye chimini-yaineitswonimu Nyasaye weefwe, mumayinjeamanji. 3Shichila obuchesiyii bweefwe shiburula mubukori kata mushifwabwi, kata shibulimwo obukaatiita; 4ne shinga olwa khwafuchiililwa nende Nyasaye okhwechekhwa injiili, nilwo olwa khuboola; shinga abachamisia abandu ta, habula Nyasaye, outeemanga emioyo chieefwe. 5Okhuba shikhwanyoolekha olundi lwosi nikhwikhoonyela amakhuwa akobulombelesii, shinga olwa mumanyile, kata akeshibeehele shielikhalikhali ta; Nyasaye nomuloli. 6Kata shikhwakhaaba oluyali okhurula khubandu, kata khwinywe kata khubandi ta; nebutswa khwakhanyalile okhumumiina, nikhuli khurio abarume baKristo. 7Ne khwali hakari weenywe nikhuli abaholo shinga nyinabaana olwa atembelesia abaanabe omwene. 8Nineefwe fwesi khurio, olwa khwamwenya nobuheeli obunji, shikhwachama okhumukabila injiili yaNyasaye yonyene ta, habula nende emioyo chieefwe chiene, shichila mwali nimwikholile abolukoosi muno khwifwe. 9Mwitsulile, baana beefwe, eminyakhano chieefwe nende amatinyu; khwakholanga eshilo neshiteere, mbu khuleshe okhumusitohela, nikhumwilwatsila injiili yaNyasaye. 10Inywe muli abaloli, kata Nyasaye yesi, shinga olwa khweeyila mubutakatifunobulunjishi, aharali eshikha ta, khwinywe abali abobusuubili. 11Khandi mumanyile shinga olwa khwamukholela buli mulala khwinywe, shinga sabwe olwa akholela abaana bebe; khwamwitsusia, nikhumutinyisia nende okhumulachilisia, 12mbu muchende habwene shinga olwa kakhoyeele abandu baNyasaye, oumulanganga okhwinjila mubwamibwe nomuluyalilwe.
13Khandi niko akachilanga nikhurakonelanga ta okhumuupila Nyasaye orio khulwa likhuwa lino, mbu olwa mwanyoola likhuwa elia mwahulila khwifwe, nilio likhuwa liaNyasaye, shimwalifuchiilila shinga likhuwa elirula mubandu ta, habula shinga olwa lili toto, mbu likhuwa liaNyasaye, oukholelanga mwinywe abali abobusuubili. 14Shichila, baana beefwe, mweekhola abalondi beikhola yetsikanisa tsiaNyasaye etsili mubuYahudi muKristo Yesu; okhuba inywe mwanyasibwa nabaluyia beenywe amakhuwa malala nakeenako aka balia banyasilibwa nabaYahudi, 15abeera Omwami Yesu nende abanabii bosi, nibakhwilusia ifwe. Shibamuchamisia Nyasaye ta; khandi bafukulanga abandu bosi, 16okhuba bakhukaaninjia mbu khurasunjila Abamahanga, mbu bahonibwe, ta. Boosinjia eshichelo shiobwonooni bwabwe tsindaalo tsiosi; ne oburima tsana bwamala bwabatuukhana.
Paulo yeekomba okhubakoonya abelkanisa yebweneyo khandi
17Ne, baana beefwe, ifwe olwa khwali shinga abamufwilwa eshise, okhubaho khwonyene, ne mumwoyo ta, khwarakhwo omwoyo muno muno okhumulola mumoni, khulwa amahoofu amanji. 18Shichila khwali nikhwenya okhumwitsila; isie Paulo khulwanje ndeenya khandi nakhandi; ne Setani yakhuyinjila. 19Okhuba obunaayi bweefwe buli heena, kata obusangaali, kata olusimbi lwokhwiyitsiala? Shimuli inywe abeene, imbeli wOmwami weefwe Yesu, khukhwitsakhwe? 20Shichila ninywe oluyali Iweefwe khandi obusangaali bweefwe.
Currently Selected:
1 Abatsesalonika 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
