1 Yohana 3
3
Abaana baNyasaye
1Lolekhwo obuheeli obwa Seefwe yakhuheele shinga olwa buli, mbu ifwe okhulangwa mbu abaana baNyasaye; ne nolwa khuli khurio. Ne niko akachila eshialo nishirakhumanya ta, okhuba shishiamumanya ye ta. 2Abaheelwa banje, bulaano khuli abaana baNyasaye, ne khushili okhufwimbulilwa shinga olwa khuliba. Khumanyile mbu ye olwa aliba nafwimbuulwe, khulifwanana ninaye; shichila khulimulola shinga olwa ali. 3Buli mundu ouli nobunaayi buno obuli khuye, yeesiiya omwene, shinga ye olwa ali omusiiyikhu.
4Buli mundu oukholanga ebionoono, abeetsanga omukhayi wamalako; obwonooni nibwo obukhayi bwamalako. 5Ne mumanyile mbu yabakalwa ebulafu khulwa okhuyiniaho obwonooni; kata muye mubulamwo obwonooni bwosi. 6Oumenyanga muye shiyoonoonanga ta; owonoonanga shiabeetsanga namuluutsi kata okhumumanya tawe.
7Baana batii inywe, mwirecheshe omundu yesi aleshe okhumushiamia. Oukholanga akobulunjishi niye omulunjishi, shinga ye olwa ali omulunjishi. 8Oukholanga akobwonooni nowaSetani; okhuba Setani yoonoonanga okhurula khukhuchaaka. Ne niko akachila Omwana waNyasaye yabakalwa ebulafu, mbu amalilane enulimo chiaSetani.
9Oweebulwa nende Nyasaye shiakholanga ebionoono ta, shichila imela yaNyasaye yimenyanga muye; kata shianyala okhwonoonanga ta, shichila yeebulwa nende Nyasaye. 10Mwikhuwa lino nimwo omwa abaana baNyasaye bamanyishilanga, khandi nende abaana baSetani; mbu ourakholanga akobulunjishi shiali owaNyasaye tawe, kata oyo ouraheelanga omwana wabwe ta yesi ario.
Heelanenje
11Shichila lino nilio likhuwa elia mwahulila okhurula khukhuchaaka, mbu khuheelanenje; 12khuraba shinga Kaini, owali owomubii oyo, niyeera omwana wabwe, ta. Ne yamwira mbushiina? Shichila ebikhole bibie omwene biali ebibii, ne ebia omwana wabwe nabio biali ebiobuIunjishi.
13Baana beefwe, murahuka eshialo nishiba nishimukiya ta. 14Khumanyile shinga olwa khwarula mukhufwa nikhwinjila mubulamu, shichila khuheelanga abalangwa mbu abaana beefwe. Ouraheelanga ta amenyanga mukhufwa. 15Oukiya omwana wabwe nomwiri; ne mumanyile mbu abulaho omwiri yesi owa obulamu bwobumeli bumenyanga muye. 16Mwikhuwa lino nimwo omwa khumanyiile obuheeli, mbu shichila yahaana obulamubwe khulweefwe; neefu khukhoyile okhuhaana obulamu bweefwe khulwabo abalangwa mbu abaana beefwe. 17Ne ouba nali nemiandu echiomushialo shino, nalola omwana wabwe nali mubutambi, ne namwikalila omwoyokwe, obuheeli bwaNyasaye bumenya burie muye?
Okhuba neikholo nyumu imbeli waNyasaye
18Baana batii inywe, khuleshenje okhuheeIanga namakhuwa kata nolulimi bionyene ta; ne khuheelenje nebikhole nobwatoto. 19Mwikhuwa lino nimwo omwa khulamanyila shinga olwa khuli abobwatoto, nikhulema omwoyo imbeliwe 20mwikhuwa liosi elia emioyo chikhukhalachilangamwo eshiina; shichila Nyasaye ashila emioyo chieefwe, naye yamanya kosi.
21Abaheelwa banje, emioyo chieefwe nichiba nichirakhukhalachila eshiina ta, khuba abeikholo nyumu imbeli waNyasaye; 22ne eshia khusaba shiosi khunyoolanga khuye, okhuba khuhulilanga amalakoke, nikhukholanga ako aka achama. 23Lino nilio lilakolie, mbu khusuubilile eliira liOmwanawe Yesu Kristo, nende okhuheelana, shinga olwa yakhulaka. 24Ouhulilanga amalakoke amenyanga muye, ne naye muye. Ne mwikhuwa lino nimwo omwa khumanyila shinga olwa amenyanga mwifwe, khulwa Roho oyo owa yakhuheelesia.
Currently Selected:
1 Yohana 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
