1 Yohana 1
1
Likhuwa liobulamu
1Aka khumuboolelakhwo niko akalinjiho okhurula khukhuchaaka, aka khwahulila, aka khwalola netsimoni tsieefwe, aka khwahenga, aka khwatiilakhwo namakhono keefwe, akali khwikhuwa liobulamu. 2Ne obulamu obwo bwabakalwa ebulafu; neefu khwalola, nikhurumbula akobuloli, nikhumuboolela akobulamu bwobumeli obwo, obwalinjiho ewaSeefwe, nibukhubakalilwa. 3Akeenako aka khwalola naka khwahulila khumuboolela inywe, mbu mwesi musanjilane nineefwe. Nabwo obusanjilani bweefwe nobwokhusanjilana nende Seefwe khandi nende Omwanawe Yesu Kristo. 4Ne khuhandiika amakhuwa kano mbu obusangaali bweefwe bube obulamba.
Nyasaye niye obulafu
5Ne kano niko amakhuwa keene aka khwahulila khuye nikhumurumbulila, mbu Nyasaye niye obulafu, ne muye shishilimwo eshiilima shiosi ta. 6Nikhuba nikhusunga mbu khusanjilananga ninaye, ne nikhuchendanga mushiilima, khubeehanga, nikhurakhola akobwatoto ta; 7ne nikhuba nikhuchenda mubulafu, shinga ye olwa ali mubulafu, kho khuba nikhusanjilananga abeene nabeene, amabanga kaYesu Omwanawe nako kakhusiiyanga khubwonooni bwosi.
8Nikhuba nikhusunga mbu shikhulikhwo nobwonooni bwosi ta, kho khwikaatia abeene, nabwo obwatoto bubula mwifwe. 9Ne nikhuba nikhwiyama ebionoono bieefwe, ye nomwisiikwa khandi omulunjishi okhukhuleshela ebionoono bieefwe, nokhukhusiiya khububii bwosi. 10Nikhuba nikhusunga mbu shikhwayoonoona ta, khumukhola ye mbu nomubeeyi; ne likhuwalie nalio libula mwifwe.
Currently Selected:
1 Yohana 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
