Sekpɔgɔ 3
3
Yelteɛbo Kyaare Ne Naaŋmen Dɛlloo Ane O Emmo Yɛlɛ
1N bidɔɔ, ta inni a N wuluu,
kyɛ vɛŋ ka a N nɔɛ be fo sukyiri poɔ;
2 #
Sek 4:10; Bag 18:5 bonso, a na ko fo la nyɔvo-tɔɔre
ane bondaanoŋ yaga.
3 #
Sek 6:21; 7:3; Begɛ 6:8; Gyɛ 31:33 Ta vɛŋ ka kpimaroo ane yelmennoŋ bare fo;
leŋ a mare fo kɔkɔreŋ,
sɛge a eŋ fo sukyiri poɔ.
4 #
Luk 2:52
A lɛ ka fo na nyɛ zunoɔ ane yosoŋ
Naaŋmen ane nensaalba zie.
5Dɛlle a DAANA ne fo sukyiri zaa,
kyɛ ta dɛlle fo meŋɛ yelbammo.
6Fo yel-erre zaa poɔ, a eŋnɛ a DAANA,
a DAANA na e la ka fo sobie zaa tori.
7 #
Aza 5:21
Ta waa yɛmbaŋna fo meŋɛ nimieŋ;
zoro a DAANA, kyɛ tage yi faaloŋ zaa poɔ.
8 #
Sek 4:22
A lɛ na e la sammo ko fo eŋgane
ane faŋ-paalaa ko fo eŋɛ.
9 #
Yiib 23:19
Eŋnɛ a DAANA ne fo boma zaa
ane fo boŋkoɔre bompaala zaa;
10lɛ la ka fo bugri zaa na paale ne boma yaga,
ka fo dãã-woore zaa paale a te puro yaara.
11 #
Gyob 5:17-19; Hib 12:5-6 N bidɔɔ, ta zagre a DAANA toori tagoo
bee a vɛŋ ka fo nuuri yoɔre ne a O kpaamo,
12 #
Yuo 3:19
bonso, soba na a DAANA naŋ nɔŋ la ka O maŋ dɛnne
aŋa saa naŋ maŋ dɛnnɛ o bidɔɔ na o naŋ nɔŋ lɛ.
Bondaanoŋ Naŋ Waa Meŋɛ
13 #
Mat 13:44
Zunoɔdeme la banaŋ naŋ taa yɛŋ,
ane banaŋ naŋ taa yɛlɛ bammo tɛgɛ,
14 #
Sek 8:10, 19 bonso, o tɔnɔ seɛ la salem-pelaa,
ka o san-yɔɔ seɛ yaga gaŋ salema.
15 #
Mat 13:45-46
O taa la yuori gaŋ peɛmɛ boma,
ka bonzaa fo naŋ boɔrɔ koŋ baŋ manne ne o.
16 #
Sek 3:2
Nyɔvo-tɔɔre be la o nudoloŋ poɔ;
ka bondaanoŋ ane emmo be o nugɔɔ poɔ.
17O sobie waa la popeɛloŋ yɛlɛ sobie,
ka o sobilii zaa e maaroŋ sobie.
18O waa la teɛ naŋ terɛ nyɔvore ko banaŋ naŋ nyɔge o taa;
ba boɔlɔ la banaŋ naŋ kpimare o zunoɔdeme.
Naaŋmen Yɛŋ A Boma Iruu Poɔ
19 #
Sek 8:24-30
A DAANA de la yɛŋ iri ne a tendaa;
O yelbammo poɔ la ka O tu kyɛ iri a saluoni;
20O yɛmbammo poɔ la ka a maŋkponni puri yaare,
kyɛ ka a sagama bara meɛloŋ ka a lere.
Guubu Naŋ Waa Meŋɛ
21N bidɔɔ, ta vɛŋ ka a yɛlɛ ama muri yi fo niŋeŋ:
taa yɛŋ naŋ soma ane meŋɛ bantaabo,
22 #
Sek 1:9
a na waa la nyɔvore ko a fo seɛ
kyɛ waa veɛloŋ peɛmɛ a fo kɔkɔre eŋɛ.
23A lɛ ka fo pãã na kyɛnɛ a fo soriŋ ka a guuro fo velaa zaa,
ka fo koŋ ŋmɛ gbɛre.
24 #
Yiel 3:5; 4:8 Ka fõõ wa zeŋ teŋɛ, fo koŋ zoro dabeɛ̃;
ka fõõ wa gaŋ, a fo goɔŋ na noma la.
25Ta zoro dabeɛ̃ ka saamo wa uri wa,
bee ka sasekpoŋ wa ŋmeɛrɛ a potuo deme;
26 #
Sek 10:29
bonso, a DAANA na la fo guuro,
O na gu fo la ka bonzaa koŋ nyɔge fo gbɛre.
27Ta zagre ka fo e soŋ ko banaŋ a naŋ seŋ ka fo e soŋ ko ba,
a saŋ fo naŋ taa a faŋ a na e a ko ba.
28Tɔɔ wa yele korɔ fo tɔsoba, “Gaa kyɛ leɛ wa
bieo ka N ko fo”; ka fõõ taa a bonna o naŋ boɔrɔ.
29Ta nare faaloŋ kyaare ne fo tɔsoba
naŋ kpeɛrɛ peɛle fo a sage de fo di.
30Tɔɔ wa zɔɔrɔ ne neɛzaa ka a ba taa yeli naŋ so,
saŋ na neɛzaa naŋ ba e fo faaloŋ zaa.
31Ta erɛ nyuuri ne kpaŋkpaŋkpeɛ̃õ deme
tɔɔ wa tɔglɔ ba yel-erre meŋ;
32 #
Yiel 25:14
bonso, a nentulimo bama waa la kyiiruŋ kpoŋ a DAANA zie,
kyɛ noba naŋ tori be la O guubu poɔ.
33A DAANA kaa-emmo be la a potuo deme yiri poɔ,
kyɛ ka O maaloo be a nemmenne yiri poɔ.
34 #
Sek 1:26; 1 Pit 5:5 Banaŋ naŋ erɛ noba laara, a DAANA meŋ erɛ ba la laara,
kyɛ maala banaŋ naŋ sigre bamenne.
35A yɛmbaŋna na nyɛ la emmo,
kyɛ ka a tookoŋwoŋ-yɛlɛ deme naŋ boli di vi.
Currently Selected:
Sekpɔgɔ 3: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.