Sekpɔgɔ 4
4
Dɔgrebɔ Wuluu
1N biiri, yɛ kyɛlle woŋ a yɛ saa yelwuluu,
a eŋ toori velaa a toɔ̃ nyɛ yelbammo;
2bonso, N korɔ yɛ la begɛ naŋ soma:
yɛ tɔɔ wa zagra a N wuluu bara.
3N naŋ da waa bidɔɔ a be N saa zie,
a waa bibile, a e N ma bi-yenaa,
4 #
Bag 18:5
o da wuli ma la, a yeli ko ma,
“Vɛŋ ka fo sukyiri nyɔge N yelbie taa kpeɛŋaa;
taa a N nɔɛ velaa a taa nyɔvore.
5Bɔ yɛŋ; bɔ yelbammo; tɔɔ wa inne bee a leɛrɛ puori
yire a N noɔre yelbie eŋɛ.
6Tɔɔ wa zagra o bara, o na kaara fo la,
nɔŋ O kyɛ O na guuro fo la.
7A yɛŋ piiluu la a ŋa: Bɔ yɛŋ,
fo bomboɔre zaa poɔ, bɔ yelbammo.
8Taa o ne nimizeɛ, o na zɛge fo la;
o na ko fo la emmo ka fõõ wa kori o.
9 #
Sek 1:9
O na de la dapaaloŋ zu-gyiri leŋ fo zu;
o na de la nazupili naŋ veɛlɛ vɔgle fo.”
Yelteɛbo Kyaare Ne A Sobi-meŋɛ Kyɛmmo
10 #
Sek 3:2
N bidɔɔ, kyɛlle woŋ kyɛ sage de a N yelbie,
ka a fo nyɔvore yuomo na e yaga.
11 #
Yiel 32:8; 27:11 N wuli fo la yɛŋ sori;
N de fo la tu ne sori naŋ tori.
12Ka fõõ wa kyɛnɛ, fo gbɛɛ koŋ tagra gɛrɛ puori;
ka fõõ wa zoro, fo koŋ ŋmɛ gbɛre.
13Nyɔge yelwuluu taa velaa, a ta sage ka o gaa;
gu o taa, bonso, ona la a fo nyɔvore.
14 #
Sek 1:10; Yiel 1:1 Tɔɔ wa kpeɛrɛ a nenfaare sori poɔ,
a ta wa kyɛnɛ a yelbe-erebɛ sobie poɔ.
15Bale o bare; a tɔɔ wa kyɛnɛ o zu,
leɛ puori yi o zie a kyɛnɛ gɛrɛ.
16Bonso, ba kontoɔ̃ gbiri ka ba naŋ ba e yelfaa;
ba maŋ kɔŋ la goɔŋ te ta saŋ ba naŋ e ka neɛ kaŋ ŋmɛ gbɛre le.
17Ba maŋ di la potuoluŋ bondirii,
kyɛ nyu kpaŋkpaŋkpeɛ̃õ dãã.
18Kyɛ a nemmenne sori waa ŋa zinyaa-paalaa kyaane,
naŋ maŋ kyaana a wa te kyaane o zaa te ta ŋmenaa saŋ.
19 #
Sek 13:9; 24:20 A nenfaare sori waa ŋa ligruŋ kpoŋ;
ba ba maŋ baŋ bon ba naŋ ŋmɛ le.
20N bidɔɔ, kyɛlle woŋ a N yelbie velaa;
eŋ toori woŋ a N yelyelii.
21Ta vɛŋ ka a yi fo niŋeŋ gaa;
gu a taa fo sukyiri poɔ.
22 #
Sek 3:8, 13-16 Bonso, a waa la nyɔvore ko a banaŋ naŋ nyɛ a,
kyɛ waa sammo ko a ba eŋgama.
23Taa fo sukyiri a kaara o zu velaa,
bonso, o poɔŋ la ka a nyɔvore kɔnnimiri bulo yire.
24Bare a fo yelgɔnnɔ zaa yeluu,
a vɛŋ ka yelfoglo yeluu waa tɔɔre ne fo.
25Vɛŋ ka fo nimie tori kaara niŋe daadaa,
ka a fo niŋe tori kyɛ ka fo kaara.
26 #
Hib 12:13
Vɛŋ ka a fo gbɛkyɛnne tori,
a fo yɛlɛ zaa sereŋ na nyɛ la eebo.
27 #
Begɛ 5:32
Tɔɔ wa bala gɛrɛ doloŋ bee gɔɔ seŋ,
ŋmaa fo gbɛre yi yelfaare poɔ.
Dagaare First Bible © The Bible Society of Ghana, 2025.