Sekpɔgɔ 2
2
Yɛŋ Tɔnɔ Yɛlɛ
1N bidɔɔ, ka fõõ sage de n yelbie,
a de n nɔɛ eŋ fo sukyiri poɔ aŋa naboma,
2a yuo fo toori ko yɛŋ,
a de fo sukyiri zaa dɛlle yɛlɛ bammo tɛgɛ,
3 #
Gye 1:5
ka fõõ sereŋ kono a boɔrɔ yɛlɛ bammo,
a duori fo kɔkɔre yɛlɛ bammo tɛgɛ eŋɛ,
4ka fõõ bɔ o aŋa salem-pelaa,
a bɔ o aŋa naboma naŋ sɔgle,
5fo pãã na baŋ la a DAANA zoobu tɛgɛ
a nyɛ a Naaŋmen yɛmbammo.
6Bonso, a DAANA la terɛ yɛŋ;
a O noɔre poɔ la ka yɛmbammo ane yɛlɛ bammo tɛgɛ yire.
7 #
Wul 7:29
O maŋ biŋ la yɛŋ ko banaŋ naŋ tori;
a DAANA la a zɔɔzɔɔ-nyaa-bompigraa ko banaŋ naŋ kyɛnɛ a ba taa saanaa zaa,
8a guuro a yelmennoŋ deme ba sobie poɔ,
a guuro banaŋ naŋ taa Naaŋmennoŋ ba yel-erre poɔ.
9A lɛ ka fo pãã na baŋ mennoŋ ane sɛrɛɛdiibu naŋ tori
ane lɛ yɛlɛ naŋ sentaa tɛgɛ, ane sori zaa naŋ soma;
10bonso, yɛŋ na wa kpɛ la fo sukyiri poɔ,
ka yɛmbammo na e bon fo seɛ naŋ nɔŋ.
11Yɛmbaŋ-yɛlɛ na kaara la fo zu velaa,
ka yɛlɛ bammo tɛgɛ guuro fo.
12O na faa fo la yi faaloŋ sori poɔ,
a faa fo yi banaŋ naŋ yele yelfaare zie,
13banaŋ naŋ zagre a nemmenne sori bare,
kyɛ te kyɛnɛ lige sobie poɔ,
14banaŋ naŋ kyellɛ yelfaare eebo eŋɛ,
a nɔŋ faaloŋ eebo sobie,
15banaŋ sobie naŋ gɔŋ
ka ba yel-erre ba tori.
16 #
Sek 6:24; 7:5; 5:3 Yɛŋ na faa fo la yi pɔg-gyɛnterɛ zie,
a faa fo yi pɔge naŋ tonɔ moɔrɔ toma nɔnoɔ zie,
17o naŋ zagre o pɔloŋ saŋ serɛ bare
kyɛ inni a noɔre o naŋ da eŋ Naaŋmen zie;
18 #
Sek 5:5-6
bonso, o yiri sobiri taa la noba sigre gɛrɛ ne kũũ poɔ,
ka o sobie gɛrɛ kpeemɛ teŋɛ;
19banaŋ naŋ maŋ gaa o zie daŋ ba leɛ wa,
bee a leɛ toɔ̃ yi tu a nyɔvore sobie.
20Azuiŋ kyɛnɛ a nensonne sobiri poɔ,
a kyɛnɛ a yelmeŋɛ deme sobie poɔ.
21 #
Yiel 37:9, 29; Mat 5:5 Bonso, a nentorri yoŋ la na kpeɛrɛ a teŋɛ poɔ,
ka noba naŋ ba sãã yelzaa na be o poɔŋ;
22 #
Yiel 37:10, 22 kyɛ ba na ŋmaa la a potuo deme yi a teŋɛŋ bare,
kyɛ vɔ a daware deme ne ba nyaga bare.
Currently Selected:
Sekpɔgɔ 2: DGA
Highlight
Copy
Compare
Share
Want to have your highlights saved across all your devices? Sign up or sign in
Dagaare First Bible © The Bible Society of Ghana, 2025.