ᐄᑉᕈᐃᓄᑦ 1
1
ᒎᑎᐅᑉ ᐅᖃᐅᓯᖓ ᐃᕐᖕᓂᕐᖕᒥᒍᑦ
1ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᖅᑕᕗᑦ ᐅᓄᖅᑐᐃᖅᓱᕐᓗᓂ ᐅᖃᕐᕕᒋᖃᑦᑕᓚᐅᕐᖕᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ; 2ᐅᓪᓗᓂᓕ ᑭᖑᓪᓕᕐᖕᓂ ᐅᖃᓪᓚᒡᕕᒋᓚᐅᖅᐹᑎᒍᑦ ᐃᕐᖕᓂᕐᖕᒥᒍᑦ, ᑖᓐᓇ ᓱᓇᓕᒫᑦᓯᐊᕐᖕᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᖅᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᖅᑎᓚᐅᖅᐹ. 3ᑖᓐᓇ ᒎᑎᐅᑉ ᐱᓐᓇᕐᖕᓇᕐᖕᓂᕐᔪᐊᖓᓂᒃ ᓴᖅᑭᔮᖅᑎᑦᓯᓚᐅᖅᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᖕᒥᓄᑦ ᐱᔪᓐᓇᕐᖕᓂᖃᖅᑐᒧᑦ. ᐊᔪᕐᖕᓃᑦ ᓴᓗᒻᒪᖅᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᖅᑐᓚᐅᖅᑐᖅ ᐊᖓᔪᖅᑳᕐᔪᐊᑉ ᑕᓕᖅᐱᐊᓄᑦ ᖁᑦᓯᖕᓂᕐᖕᒥ.
ᒎᑎᐅᑉ ᐃᕐᖕᓂᖓᑕ ᐊᔪᖏᑦᑐᕐᔪᐊᖑᓂᖓ
4ᐂᖏᓕᓂᑦ ᐊᔪᖏᓐᓂᖅᓴᕐᔪᐊᖑᑎᑕᐅᓯᒪᕗᖅ ᐊᑎᖃᖅᑎᑕᐅᓪᓗᓂᓗ ᐂᖏᓖᑦ ᑍᔭᐅᒍᓯᖏᓐᓂᑦ ᐱᐅᓂᖅᓴᒥᒃ. 5#ᐃᓐᖏᕈᑦ 2:7; ᓴᒧᐃᓕ ᐂᑉᐸᖏᑦ 7:14; ᑯᕉᓂᑲ ᓯᕗᓪᓖᑦ 17:13.ᒎᑎ ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᖅᓯᒪᖏᒻᒪᑦ,
“ᐃᕐᖕᓂᕆᕙᒋᑦ, ᐅᓪᓗᒥ ᐃᕐᖕᓂᖅᑖᕆᕙᒋᑦ.”
ᐅᖃᓚᐅᖅᓯᒪᖏᓐᓂᕗᕐᓗ ᐂᖏᓕᓄᑦ,
“ᐊᑖᑕᒋᓂᐊᖅᐹᖓ, ᐅᕙᖓᓗ ᐃᕐᖕᓂᕆᓂᐊᖅᐸᕋ.”
6 #
ᒨᓯᓯ ᑕᓪᓕᒪᖏᑦ 32:43. ᐊᒻᒪᓗ, ᐃᕐᖕᓂᖅᑖᕆᐅᕈᑎᓂ ᑎᓕᓕᕋᒥᐅᒃ ᓯᓚᕐᔪᐊᕐᖕᒧᑦ, ᐅᖃᓚᐅᖅᐳᖅ,
“ᒎᑎᐅᑉ ᐂᖏᓕᖁᑎᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᑦ.”
7 #
ᐃᓐᖏᕈᑦ 104:4. ᒎᑎᓕ ᐂᖏᓕᓂᒃ ᐅᖃᐅᓯᖃᓚᐅᖅᐳᖅ,
“ᐂᖏᓕᖁᑎᓂ ᐊᓄᕆᓐᖑᖅᑎᑉᐰᑦ,
ᐱᔨᓂᓗ ᐃᑯᐊᓚᔪᓐᖑᖅᑎᓪᓗᒋᑦ.”
8 #
ᐃᓐᖏᕈᑦ 45:6,7. ᐃᕐᖕᓂᕐᓕ ᐱᓪᓗᒍ ᐅᖃᓚᐅᖅᐳᖅ,
“ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᖅᐳᖅ,
ᐊᑕᓂᐅᕖᓪᓗ ᐊᐅᓚᓐᓂᐊᖅᐸᑦ ᐊᔭᐅᑉᐱᐊᕐᖕᓄᑦ ᓇᓛᒎᑦᓯᐊᖅᑐᒥᒃ.
9ᓇᓛᒎᕐᖕᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᖅᓱᖅᑎᓚᐅᖅᐹᑎᑦ, ᐅᖅᓱᒧᑦ ᖁᕕᐊᓱᖕᓂᕐᖕᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᖅᓴᒥᒃ.”
10 #
ᐃᓐᖏᕈᑦ 102:25-27. ᓱᓕᓗ ᐅᖃᓚᐅᕆᕗᖅ,
“ᐃᕝᕕᑦ, ᐊᑕᓃᖅ, ᐱᒋᐊᕐᖕᓂᖓᓂᑦ ᓄᓇᕐᔪᐊᖅ ᐱᓐᖑᖅᑎᓚᐅᖅᐸᑦ,
ᕿᓔᓪᓗ ᐊᒡᒐᖕᓄᑦ ᓴᓇᓚᐅᖅᐸᑎᑦ.
11ᑖᒃᑯᐊᓕ ᓄᖑᑦᓱᒫᖅᐳᑦ, ᐃᕝᕕᓪᓕ ᑍᒤᖏᓐᓇᕐᖕᓂᐊᖅᐳᑎᑦ;
ᑖᒃᑯᐊᓗ ᐊᑕᖏᕐᓗᑎᒃ ᓄᑕᐅᔪᓐᓃᖅᐸᓪᓕᐊᔪᒫᖅᐳᑦ ᐊᓐᓄᕌᑎᑐᑦ,
12ᐅᓕᒡᔪᐊᑎᑐᑦ ᐃᒧᔪᒫᖅᐸᑎᑦ, ᑕᕝᕙ ᐊᓯᑦᔨᕐᕈᒫᖅᐳᑦ.
ᐃᕝᕕᓪᓕ ᑖᓐᓇᐅᑦᓮᓐᓇᖅᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᓐᖏᓚᑦ.”
13 #
ᐃᓐᖏᕈᑦ 110:1. ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᖅᓯᒪᓐᖏᓚᖅ ᐃᒫᒃ:
“ᑕᓕᖅᐱᓐᓄᑦ ᐃᖏᓕᕆᑦ,
ᐊᑭᕋᖅᑐᖅᑎᖕᓂᒃ ᐃᑎᒐᖕᓄᑦ ᐃᑯᕐᕋᓕᐅᑦᔨᖅᑳᖅᑎᓐᓇᖓ.”
14ᐂᖏᓖᓪᓕ ᐊᓂᕐᖕᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᖅᑎᐅᖁᓪᓗᒋᑦ ᐱᐅᓕᔭᐅᓂᕐᖕᒥᒃ ᑭᖑᕐᖑᑦᔨᓂᐊᖅᑐᓄᑦ.
Currently Selected:
ᐄᑉᕈᐃᓄᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.