ᐄᑉᕈᐃᓄᑦ 2

ᐱᐅᓕᔭᐅᓂᐅᑉ ᐱᓪᓚᕆᐅᓂᖓ

1ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ. 2ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ. 3ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ. 4ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᐱᐅᓕᔭᐅᕕᒃᓴᒧᑦ ᐅᕙᑦᑎᓐᓂᒃ ᑕᓯᐅᕐᓯᔪᖅ

5ᐂᖏᓖᑦ ᐊᐅᓚᑦᓯᔨᒃᓴᓐᖑᕐᑎᓚᐅᖏᒻᒪᒋᑦ ᓯᓚᕐᔪᐊᕐᒧᑦ ᐱᔪᒫᕐᑐᒧᑦ, ᑕᒪᑐᒧᖓ ᐅᖃᐅᓯᕆᔭᑦᑎᓐᓄᑦ. 6#ᐃᓐᖏᕈᑦ 8:4-6.ᐊᒡᓚᖕᓂᓕ ᐅᖃᕐᓯᒪᔪᖃᕐᐳᖅ:

“ᐃᓄᒃ ᓱᓇᐅᖕᒪᑦ, ᑍᒫᒃ ᐃᓱᒪᒋᒐᕕᐅᒃ?

ᐃᓅᓪᓗ ᐃᕐᓂᖓ, ᑍᒫᒃ ᑲᒪᒋᒐᕕᐅᒃ?

7ᑖᓐᓇ ᐂᖏᓕᓂᑦ ᐃᓱᒪᓇᖏᓂᕐᓴᐅᑎᓚᐅᕐᐸᑦ,

ᐱᓐᓇᕐᓇᕐᓂᕐᔪᐊᒥᒡᓗ ᐅᐱᒋᔭᐅᓂᕐᒥᒡᓗ ᓂᐊᖂᓯᕐᓗᒍ.

8ᑕᒤᓐᓄᓪᓗ ᐊᐅᓚᑦᓯᔨᓐᖑᕐᑎᓚᐅᕐᐹ.”

ᐅᖃᕐᓯᒪᕗᖅ ᑖᓐᓇ ᐊᐅᓚᑦᓯᔨᓐᖑᕐᑎᓚᐅᕐᐹ ᑕᒤᓐᓄᑦ, ᑖᓐᓇ ᐅᖃᐅᓯᖃᕐᐳᖅ ᓱᓇᓕᒫᓂᒃ ᐊᐅᓚᑦᓯᓕᕐᓂᖓᓂᒃ. ᓱᓕᓕ, ᑕᑯᓚᐅᓐᖏᓚᒍᑦ ᑕᒤᓐᓄᑦ ᓈᓚᒃᑕᐅᓕᕐᓂᖓᓂᒃ. 9ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ. 10ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

11ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ. 12#ᐃᓐᖏᕈᑦ 22:22.ᐅᖃᓚᐅᕐᐳᖅ,

“ᐱᓂᐊᕐᓂᑎᑦ ᐅᖃᐅᓯᕆᔪᒪᕙᒃᑲ ᐅᒃᐱᖃᑎᓐᓄᑦ,

ᐃᓚᒌᒃᑐᓪᓗ ᑲᑎᓐᖓᑎᓪᓗᒋᑦ ᓂᕐᑐᕐᓂᐊᕐᐸᒋᑦ.”

13 # ᐂᓮᐊᓯ 8:17; ᐂᓮᐊᓯ 8:18. ᐊᒻᒪ ᐅᖃᓚᐅᕆᕗᖅ, “ᑖᓐᓇ ᑕᑎᒋᔪᒪᕙᕋ.” ᐊᒻᒪ ᐅᖃᓚᐅᕆᕗᖅ, “ᑕᑯᒋᑦ ᐅᕙᓃᑉᐳᖓ, ᕿᑐᕐᖓᐅᔪᓂ ᒎᑎᐅᑉ ᑐᓂᓚᐅᕐᑕᖏᓐᓂ ᐅᕙᓐᓄᑦ.”

14ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ, 15ᑕᒪᑐᒨᓇᓗ ᑕᒪᕐᒥᒃ ᐊᓂᑎᓚᐅᕐᐰᑦ ᐃᓅᓯᓕᒫᒥᓂ ᑎᒍᔭᐅᓯᒪᓚᐅᕐᑐᑦ ᑐᖁᒥᒃ ᐃᕐᓯᒋᔭᖃᕐᓂᕐᒧᑦ. 16#ᐂᓮᐊᓯ 41:8,9.ᓇᓗᓇᖏᑦᓯᐊᕐᐳᕐᓕ ᐂᖏᓕᓂᒃ ᐃᑲᔪᓚᐅᖏᒻᒪᑦ ᐂᑉᕋᕼᐋᒻᓕ ᑭᖑᕚᖏᑦ ᐃᑲᔪᓚᐅᕐᐰᑦ. 17ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ. 18ᓇᖕᒥᓂᖅ ᐋᓐᓂᐊᑎᑕᐅᓪᓗᓂ ᐱᐅᓐᖏᑐᒧᑦ ᐱᔪᒥᓵᕐᑕᐅᓯᒪᒐᒥ, ᐃᑲᔪᕈᓐᓇᕐᐰᑦ ᐆᒃᑐᕐᓗᒃᑕᐅᓇᕐᑐᒦᑐᑦ.

Currently Selected:

ᐄᑉᕈᐃᓄᑦ 2: EAIB

Highlight

Compare

Copy