ᐄᑉᕈᐃᓄᑦ 1
1
ᒎᑎᐅᑉ ᐅᖃᐅᓯᖓ ᐃᕐᓂᕐᒥᒍᑦ
1ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ; 2ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ. 3ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.
ᒎᑎᐅᑉ ᐃᕐᓂᖓᑕ ᐊᔪᖏᑦᑐᕐᔪᐊᖑᓂᖓ
4ᐂᖏᓕᓂᑦ ᐊᔪᖏᓐᓂᕐᓴᕐᔪᐊᖑᑎᑕᐅᓯᒪᕗᖅ ᐊᑎᖃᕐᑎᑕᐅᓪᓗᓂᓗ ᐂᖏᓖᑦ ᑍᔭᐅᒍᓯᖏᓐᓂᑦ ᐱᐅᓂᕐᓴᒥᒃ. 5#ᐃᓐᖏᕈᑦ 2:7; ᓴᒧᐃᓕ ᐂᑉᐸᖏᑦ 7:14; ᑯᕉᓂᑲ ᓯᕗᓪᓖᑦ 17:13.ᒎᑎ ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᕐᓯᒪᖏᒻᒪᑦ,
“ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ.”
ᐅᖃᓚᐅᕐᓯᒪᖏᓐᓂᕗᕐᓗ ᐂᖏᓕᓄᑦ,
“ᐊᑖᑕᒋᓂᐊᕐᐹᖓ, ᐅᕙᖓᓗ ᐃᕐᓂᕆᓂᐊᕐᐸᕋ.”
6 #
ᒨᓯᓯ ᑕᓪᓕᒪᖏᑦ 32:43. ᐊᒻᒪᓗ, ᐃᕐᓂᕐᑖᕆᐅᕈᑎᓂ ᑎᓕᓕᕋᒥᐅᒃ ᓯᓚᕐᔪᐊᕐᒧᑦ, ᐅᖃᓚᐅᕐᐳᖅ,
“ᒎᑎᐅᑉ ᐂᖏᓕᖁᑎᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᑦ.”
7 #
ᐃᓐᖏᕈᑦ 104:4. ᒎᑎᓕ ᐂᖏᓕᓂᒃ ᐅᖃᐅᓯᖃᓚᐅᕐᐳᖅ,
“ᐂᖏᓕᖁᑎᓂ ᐊᓄᕆᓐᖑᕐᑎᑉᐰᑦ,
ᐱᔨᓂᓗ ᐃᑯᐊᓚᔪᓐᖑᕐᑎᓪᓗᒋᑦ.”
8 #
ᐃᓐᖏᕈᑦ 45:6,7. ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ,
“ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ,
ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.
9ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”
10 #
ᐃᓐᖏᕈᑦ 102:25-27. ᓱᓕᓗ ᐅᖃᓚᐅᕆᕗᖅ,
“ᐃᕝᕕᑦ, ᐊᑕᓃᖅ, ᐱᒋᐊᕐᓂᖓᓂᑦ ᓄᓇᕐᔪᐊᖅ ᐱᓐᖑᕐᑎᓚᐅᕐᐸᑦ,
ᕿᓔᓪᓗ ᐊᒡᒐᖕᓄᑦ ᓴᓇᓚᐅᕐᐸᑎᑦ.
11ᑖᒃᑯᐊᓕ ᓄᖑᑦᓱᒫᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ;
ᑖᒃᑯᐊᓗ ᐊᑕᖏᕐᓗᑎᒃ ᓄᑕᐅᔪᓐᓃᕐᐸᓪᓕᐊᔪᒫᕐᐳᑦ ᐊᓐᓄᕌᑎᑐᑦ,
12ᐅᓕᒡᔪᐊᑎᑐᑦ ᐃᒧᔪᒫᕐᐸᑎᑦ, ᑕᕝᕙ ᐊᓯᑦᔨᕐᕈᒫᕐᐳᑦ.
ᐃᕝᕕᓪᓕ ᑖᓐᓇᐅᑦᓮᓐᓇᕐᐳᑎᑦ, ᐊᕐᕌᒍᑎᓪᓗ ᐃᓱᓕᓐᓂᐊᓐᖏᓚᑦ.”
13 #
ᐃᓐᖏᕈᑦ 110:1. ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᕐᓯᒪᓐᖏᓚᖅ ᐃᒫᒃ:
“ᑕᓕᕐᐱᓐᓄᑦ ᐃᖏᓕᕆᑦ,
ᐊᑭᕋᕐᑐᕐᑎᖕᓂᒃ ᐃᑎᒐᖕᓄᑦ ᐃᑯᕐᕋᓕᐅᑦᔨᖅᑳᕐᑎᓐᓇᖓ.”
14ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.
Currently Selected:
ᐄᑉᕈᐃᓄᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
