ᐃᔅᑕᐅᑉ ᐊᒡᓚᖏᑦ 1
1
ᑯᐃᓐ ᕚᔅᑎᐅᑉ ᓇᕐᕈᓇᖅᑎᑦᓯᓂᖓ ᐊᖓᔪᖅᑳᕐᔪᐊᕐᖕᒥᒃ ᔨᕆᒃᓯᒥᒃ
1 #
ᐄᓱᕋ 4:6. ᐊᕼᐊᓱ-ᐃᕋᔅ ᐊᖓᔪᖅᑳᕐᔪᐊᖑᑎᓪᓗᒍ ᐃᒤᑦᑐᖃᓚᐅᖅᐳᖅ; ᐊᕼᐊᓱᐃᕋᔅ ᓄᓇᓕᖕᓄᑦ 127ᓄᑦ ᐊᕕᒃᑐᖅᓯᒪᔪᓄᑦ ᐊᖓᔪᖅᑳᕐᔪᐊᖑᓚᐅᖅᐳᖅ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, 2ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᖅᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.
3ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᖅᑎᑦᓯᓚᐅᖅᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᖕᓂᖃᖅᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ. 4ᕿᒥᕐᕈᔭᐅᑎᑦᓯᕗᖅ ᐅᓪᓗᒐᓴᖕᓂᒃ ᐊᖓᔪᖅᑲᐅᕕᖓᑕ ᐊᔪᖏᑦᑐᕐᔪᐊᖑᓂᖓᓂᒃ ᐅᐱᓐᓇᖅᑐᕐᔪᐊᖑᓂᖓᓂᒡᓗ, ᐅᓪᓗᓂᒃ 180ᓂᒃ.
5ᐅᓪᓗᐃᑦ ᑖᒃᑯᐊ ᓈᖕᒪᑕ, ᐊᖓᔪᖅᑳᕐᔪᐊᖅ ᓂᕆᕕᒃᔪᐊᖅᑎᑦᓯᓕᖅᐳᖅ ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ ᐅᓪᓗᓂᒃ 7ᓂᒃ, ᐱᓪᓚᕆᖕᓂᒃ ᐱᓪᓚᕆᐅᖏᑦᑐᓂᒡᓗ, ᐊᖓᔪᖅᑳᕐᔪᐊᖃᕐᕕᐅᑉ ᐱᕈᖅᓰᕕᖁᑎᖓᓂ. 6ᑕᕝᕙᓂ ᖃᓪᓗᓈᖅᑕᑦᓯᐊᓂᒃ ᖃᑯᖅᑕᓂᒃ ᑐᖑᔪᖅᑕᓂᒡᓗ ᑖᓗᑕᖃᖅᐳᖅ ᑖᒃᑯᐊᓗ ᓂᕕᖓᕕᖃᖅᐳᑦ ᐊᑦᓱᓈᓂᒃ ᑕᑯᒥᓇᖅᑐᓂᒃ ᐊᐅᐸᓪᓚᕆᒃᑐᓂᒃ ᓯᐅᓪᕕᕆᓂᒃ ᐳᑐᓕᖕᓂᒃ ᕿᓚᒃᓯᒪᕕᖃᖅᓗᑎᒃ ᖃᓪᓗᓈᖅᑕᓂᒃ ᓵᑦᑐᓂᒃ ᓇᐸᔪᖏᑦ ᐅᔭᕋᐅᓪᓗᑎᒃ ᑕᑯᒥᓇᖅᑑᕗᑦ, ᐃᒃᓯᕙᐅᑕᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᓇᔪᖅᑕᖓ ᓇᑎᖃᖅᐳᖅ ᐅᔭᕋᖕᒥᒃ ᐊᓚᐹᓯᑕᒥᒃ ᐊᑎᓕᖕᒥᒃ ᑕᑯᒥᓇᖅᑐᐊᓗᖕᓂᒃ, ᖃᑯᖅᑕᓂᒃ ᕿᕐᖕᓂᖅᑕᓂᒡᓗ ᓯᑎᔪᓂᒃ ᕿᓪᓕᖅᑐᒥᒃ ᐅᔭᕋᖕᓂᒃ ᓇᑎᖃᖅᐳᖅ. 7ᐃᒥᕐᖕᓂᐊᖅᑕᖏᓐᓂᒃ ᑐᓐᓂᐅᖅᑬᕗᑦ ᒎᓘᓂᒃ ᐃᒥᐅᑎᖃᖅᓗᑎᒃ, ᐃᒥᐅᑎᓕᒫᖏᓪᓗ ᐊᑐᓂᑦ ᐊᑦᔨᒌᒃᑐᖃᓐᖏᓚᑦ, ᕔᓂᒥᒡᓗ ᐊᒥᒐᖅᓯᓐᖏᓚᑦ, ᐊᖓᔪᖅᑳᕐᔪᐊᑉ ᐊᔪᖅᓴᖏᓐᓂᖓ ᒪᓕᒡᓗᒍ. 8ᓇᓪᓕᐊᓐᓂᒡᓘᓐᓃᑦ ᖃᓄᑎᒋ ᐃᒥᕆᐊᖃᕐᖕᓂᖏᓐᓂᒃ ᐱᖁᔭᖅᑕᖃᓚᐅᓐᖏᓚᖅ; ᐊᖓᔪᖅᑳᕐᔪᐊᑉ ᐱᔨᓂ ᐃᒡᓗᕐᔪᐊᒥᓃᑦᑐᑦ ᐅᖃᐅᑎᓯᒪᓚᐅᕐᖕᒪᒋᑦ, ᑕᕝᕙᓃᑦᑐᑦ ᐊᑐᓂᑦ ᓈᒻᒪᒋᔭᒥᖕᓂᒃ ᐃᒥᕈᓐᓇᖅᑎᑕᐅᖁᓪᓗᒋᑦ.
9ᐊᖓᔪᖅᑳᕐᔪᐊᓪᓗ ᓄᓕᐊᖓ ᑯᐃᓐ ᕚᔅᑎ ᓂᕆᕕᒃᔪᐊᖅᑎᑦᓯᓚᐅᕆᕗᖅ ᐊᕐᖕᓇᓂᒃ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅ ᐃᒡᓗᕐᔪᐊᖓᓂ.
10ᓂᕆᕕᒡᔪᐊᕐᖕᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᖅᐳᖅ ᖁᕕᐊᓱᓕᖅᓗᓂᓗ, ᑎᓕᓯᓕᖅᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᖅᑕᐅᓯᒪᔪᓂᒃ#1:10 ᐃᒡᔪᐃᖅᑕᐅᓯᒪᔪᑦ ᑍᔭᐅᕙᓚᐅᖅᑐᑦ ᔫᓂᒃᓂᒃ ᑍᒤᑦᑐᑦ ᐊᖓᔪᖅᑳᕐᔪᐊᓄᑦ ᐱᔨᒋᔭᐅᕙᓚᐅᕐᖕᒪᑕ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ. 11ᐂᒃᓯᖁᓪᓗᒋᑦ ᑯᐃᓐ ᕚᔅᑎᒥᒃ ᐊᖓᔪᖅᑳᕐᔪᐊᕐᖕᒧᑦ ᐂᑎᑕᐅᖁᓪᓗᒍ, ᑯᐃᒃᓯᐅᑎᒥᓂᒃ ᓂᐊᖂᓯᖅᓯᒪᓗᓂ, ᑖᑦᓱᒪ ᐊᕐᖕᓇᑦᓯᐊᕙᐅᓂᖓ ᑕᑯᔭᐅᑎᑦᓱᒪᓪᓗᓂᐅᒃ ᐃᓄᖕᓄᑦ ᐊᖓᔪᖅᑳᓄᓪᓗ, ᑯᐃᓐ ᕚᔅᑎ ᐊᕐᖕᓇᑦᓯᐊᕙᓪᓚᕆᐅᖕᒪᑦ. 12ᑯᐃᓐ ᕚᔅᑎᓕ ᐊᖓᔪᖅᑳᕐᔪᐊᑉ ᑎᓕᔭᖏᓐᓄᑦ ᐅᐸᒃᑕᐅᒐᒥ ᕿᐱᓗᒃᐳᖅ; ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒃᔪᐊᖅᐳᖅ, ᓂᓐᖓᓗᐊᕐᖕᓂᕐᖕᒧᓪᓗ ᐃᓗᐃᓪᓕᖅᓗᓂ.
13ᑕᕝᕙ ᐊᖓᔪᖅᑳᕐᔪᐊᖅ ᓯᓚᑐᔪᖁᑎᒥᓄᑦ ᐊᐱᕆᕗᖅ, ᑕᕝᕙᓃᑦᑐᓄᑦ ᖃᐅᔨᔪᓄᓪᓗ ᓱᖕᒪᖔᑦ, ᐊᖓᔪᖅᑳᕐᔪᐊᖅ ᑍᒤᓕᐅᖅᐸᒃᑲᒥ ᑕᒪᒃᑯᓄᖓ ᐱᖁᔭᓂᒃ ᐃᓅᓯᓕᕆᓂᕐᖕᒥᒡᓗ ᖃᐅᔨᒪᔪᖁᑎᒥᓄᑦ, 14ᐅᑯᐊ ᑕᕝᕙ ᖃᓂᒋᓂᖅᐹᕆᓪᓗᒋᑦ ᐊᐱᕆᒐᔪᒃᐸᓚᐅᖅᑕᖏᑦ ᑳᕐᓯᓇ, ᓯᑕᕆ, ᐊᑦᒪᑕ, ᑖᕐᓯᓯ, ᒥᕆᓯ, ᒪᕐᓰᓇ, ᒥᒧᑳᓐᓗ, ᑲᑎᑦᓱᒋᑦ 7ᐅᕗᑦ ᐴᕐᓯᐊᒥᑦ ᒥᑎᐊᒥᓪᓗ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᕐᖕᒥ ᓇᔫᑏᓐᓇᖅᐸᒃᑐᑦ, ᐊᖓᔪᖅᑲᐅᕕᖓᓂᓗ ᐱᓪᓚᕆᐅᓂᖅᐸᐅᓪᓗᑎᒃ ᐊᖓᔪᖅᑳᖑᓂᖅᐸᐅᖃᑕᐅᕗᑦ. 15ᑖᒃᑯᐊ ᐊᖓᔪᖅᑳᕐᔪᐊᑉ ᐅᖃᐅᑎᕔᑦ, “ᐅᕙᖓ ᐊᖓᔪᖅᑳᕐᔪᐊᖑᔪᖓ ᐊᕼᐊᓱᐃᕋᔅ ᑎᓕᓯᓪᓚᕆᒃᓗᖓ ᑯᐃᓐ ᕚᔅᑎ ᕾᖁᔭᐅᖁᓚᐅᖅᐸᕋ, ᐱᖁᔨᓂᕆᓚᐅᖅᑕᓐᓂᒃ ᓈᓚᖏᒻᒪᑦ ᖃᓄᕐᓕ ᐱᓂᐊᕐᕕᐅᔪᒃᓴᐅᕚ? ᐱᖁᔭᕗᑦ ᖃᓄᐃᓕᐅᖁᔨᕚᑦ?”
16ᑕᕝᕙ ᒥᒧᑳᓐ ᑭᐅᕗᖅ ᐊᖓᔪᖅᑳᕐᔪᐊᖅ ᐊᖓᔪᖅᑳᓪᓗ ᑐᓵᑎᓪᓗᒋᑦ, “ᑯᐃᓐ ᕚᔅᑎ ᐊᖓᔪᖅᑳᕐᔪᐊᒧᑐᐊᖅ ᐱᐅᖏᑦᑐᓕᓐᖏᓚᖅ, ᐊᖓᔪᖅᑳᓕᒫᓄᓪᓕ, ᐃᓄᓕᒫᓄᓪᓗ ᐊᖓᔪᖅᑲᐅᕕᖕᓃᑦᑐᓄᑦ ᐱᐅᖏᑦᑐᓕᓯᒪᕗᖅ. 17ᐊᖓᔪᖅᑲᐅᕕᖕᓃᑐᓕᒫᓪᓕ ᐊᕐᖕᓁᑦ ᑕᒪᑐᒥᖓ ᑐᓴᕈᑎᒃ ᑯᐃᓐ ᕚᔅᑎᐅᑉ ᐱᓂᐊᕐᖕᓂᕕᓂᖓᓂᒃ ᐅᐃᒥᖕᓂᒃ ᓱᓇᐅᑎᑦᓯᖃᑦᑕᕈᓐᓁᕐᖕᓂᐊᓕᖅᐳᑦ. ᐅᖃᖅᐸᓕᖅᓗᑎᒡᓗ, ‘ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᑯᐃᓐ ᕚᔅᑎ ᑎᓕᓯᓪᓚᕆᒃᓗᓂ ᕾᖁᓚᐅᕋᓗᐊᖅᐹ ᐃᒻᒥᓄᑦ, ᑖᓐᓇᓕ ᕿᐱᓗᓚᐅᖅᐳᖅ.’ 18ᐅᓪᓗᒥᒥᑦ ᐱᒋᐊᖅᓗᑎᒃ ᐊᕐᖕᓁᑦ ᐊᖓᔪᖅᑳᖑᔪᑦ ᐴᕐᓯᐊᒥ ᒥᑎᐊᒥᓗ ᐅᖃᖃᑦᑕᕐᖕᓂᐊᓕᖅᐳᑦ ᑕᒪᑐᒥᖓ ᑐᓴᖅᑕᒥᖕᓂᒃ ᑯᐃᑉ ᐱᑦᓯᐊᖏᓐᓂᕕᓂᖓᓂᒃ, ᑕᒪᓐᓇᓗ ᐱᑦᔪᑎᒋᓗᒍ ᐊᑲᐅᒃᓴᓐᖏᖃᑦᑕᐅᑎᓂᖅ ᓂᓐᖓᐅᑎᓂᕐᓗ ᐱᓕᐅᒥᓂᐊᓕᖅᐳᖅ. 19ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐊᖓᔪᖅᑲᐅᓃᑦ ᐱᔪᓐᓇᐅᑎᒋᓗᒍ ᐱᖁᔨᓚᐅᕆᑦ, ᐴᕐᓯᐊᒥᐅᑦ ᒥᑏᔅᒥᐅᓪᓗ ᐱᖁᔭᖁᑎᖏᓐᓂ ᑎᑎᕋᖅᑕᐅᓗᓂ, ᐊᓯᑦᔨᒐᒃᓴᐅᖏᓪᓗᓂ ᑕᒪᑐᒪ ᑭᖑᓂᖓᒍᑦ ᑕᒪᓐᓇ ᐳᐃᒍᖅᑕᐅᑐᐃᓐᓇᖁᓇᒍ, ᑖᓐᓇ ᕚᔅᑎ ᐃᓕᖕᓄᑦ ᐊᖓᔪᖅᑳᕐᔪᐊᕐᖕᒧᑦ ᐃᑎᖃᑦᑕᕐᖕᓂᐊᕈᓐᓃᕐᓕ; ᑯᐃᖑᓂᕐᓗ ᑖᑦᓱᒪ ᐊᓯᐊᓄᑦ ᑐᓂᓕᕈᒃ ᑖᑦᓱᒪᓐᖓᑦ ᐱᑦᓯᐊᕐᖕᓂᖅᓴᒧᑦ. 20ᐊᖓᔪᖅᑳᕐᔪᐊᓪᓗ ᐱᔪᓐᓇᕐᖕᓂᕐᖕᒥᓄᑦ ᐱᖁᔨᓂᖓ ᐃᓄᓕᒫᓄᑦ ᐊᖓᔪᖅᑲᐅᕕᖕᓃᑦᑐᓄᑦ ᓴᖅᑭᑎᑕᐅᓂᐊᖅᐳᖅ, ᓄᓇ ᐊᖏᔪᐊᓘᖕᒪᑦ, ᐊᕐᖕᓇᓕᒫᑦ ᐅᐃᓖᑦ ᐅᐃᒥᖕᓂᒃ ᓈᓚᑦᓯᐊᖁᓪᓗᒋᑦ, ᐱᓪᓚᕇᑦ ᐱᓪᓚᕆᐅᖏᑦᑐᓪᓗ.”
21ᑕᒪᓐᓇᓗ ᐃᓱᒪᓕᐅᕈᑕᐅᔪᖅ ᐊᖓᔪᖅᑳᕐᔪᐊᑉ ᖁᕕᐊᒋᕚ ᐊᖓᔪᖅᑳᖑᖃᑕᐅᔪᓕᒫᓄᓪᓗ ᖁᕕᐊᒋᔭᐅᒋᕗᖅ, ᑕᕝᕙ ᐊᖓᔪᖅᑳᕐᔪᐊᖅ ᐱᓇᓱᐊᓕᖅᐳᖅ ᒥᒧᑳᓐ ᐅᖃᐅᓯᕆᔭᖏᑦ ᒪᓕᒡᓗᒋᑦ. 22ᑕᕝᕙ ᑎᑎᖅᑲᓂᒃ ᐊᖓᔪᖅᑲᐅᕕᖕᒥᓃᑦᑐᓕᒫᓄᑦ ᐊᐅᓪᓚᖅᑎᑦᓯᕗᖅ, ᓄᓇᖁᑎᖏᑕ ᐅᖃᐅᓯᖏᑦ ᒪᓕᒡᓗᒋᑦ ᑎᑎᕋᖅᓯᒪᔪᓂᒃ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐊᖑᑎᓕᒫᑦ ᐊᑐᓂᑦ ᐃᒡᓗᒥᖕᓂ ᐊᖓᔪᖅᑲᐅᑦᓯᐊᖁᓪᓗᒋᑦ ᐃᒡᓗᒥᐅᖃᑎᒥᓄᑦ, ᓇᖕᒥᓂᖅ ᐅᖃᐅᓯᑎᒃ ᐊᑐᖅᓗᒋᑦ ᐅᖃᖃᑎᖃᕈᓐᓇᑦᓯᐊᖁᓪᓗᒋᑦ ᐃᓅᖃᑎᒥᖕᓄᑦ.
Currently Selected:
ᐃᔅᑕᐅᑉ ᐊᒡᓚᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.