ᐃᔅᑕᐅᑉ ᐊᒡᓚᖏᑦ 1
1
ᑯᐃᓐ ᕚᔅᑎᐅᑉ ᓇᕐᕈᓇᕐᑎᑦᓯᓂᖓ ᐊᖓᔪᖅᑳᕐᔪᐊᕐᒥᒃ ᔨᕆᒃᓯᒥᒃ
1 #
ᐄᓱᕋ 4:6. ᐊᕼᐊᓱ-ᐃᕋᔅ ᐊᖓᔪᖅᑳᕐᔪᐊᖑᑎᓪᓗᒍ ᐃᒤᑦᑐᖃᓚᐅᕐᐳᖅ; ᐊᕼᐊᓱᐃᕋᔅ ᓄᓇᓕᖕᓄᑦ 127ᓄᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, 2ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᕐᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.
3ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᓂᖃᕐᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ. 4ᕿᒥᕐᕈᔭᐅᑎᑦᓯᕗᖅ ᐅᓪᓗᒐᓴᖕᓂᒃ ᐊᖓᔪᖅᑲᐅᕕᖓᑕ ᐊᔪᖏᑦᑐᕐᔪᐊᖑᓂᖓᓂᒃ ᐅᐱᓐᓇᕐᑐᕐᔪᐊᖑᓂᖓᓂᒡᓗ, ᐅᓪᓗᓂᒃ 180ᓂᒃ.
5ᐅᓪᓗᐃᑦ ᑖᒃᑯᐊ ᓈᖕᒪᑕ, ᐊᖓᔪᖅᑳᕐᔪᐊᖅ ᓂᕆᕕᒃᔪᐊᕐᑎᑦᓯᓕᕐᐳᖅ ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ ᐅᓪᓗᓂᒃ 7ᓂᒃ, ᐱᓪᓚᕆᖕᓂᒃ ᐱᓪᓚᕆᐅᖏᑦᑐᓂᒡᓗ, ᐊᖓᔪᖅᑳᕐᔪᐊᖃᕐᕕᐅᑉ ᐱᕈᕐᓰᕕᖁᑎᖓᓂ. 6ᑕᕝᕙᓂ ᖃᓪᓗᓈᕐᑕᑦᓯᐊᓂᒃ ᖃᑯᕐᑕᓂᒃ ᑐᖑᔪᕐᑕᓂᒡᓗ ᑖᓗᑕᖃᕐᐳᖅ ᑖᒃᑯᐊᓗ ᓂᕕᖓᕕᖃᕐᐳᑦ ᐊᑦᓱᓈᓂᒃ ᑕᑯᒥᓇᕐᑐᓂᒃ ᐊᐅᐸᓪᓚᕆᒃᑐᓂᒃ ᓯᐅᓪᕕᕆᓂᒃ ᐳᑐᓕᖕᓂᒃ ᕿᓚᒃᓯᒪᕕᖃᕐᓗᑎᒃ ᖃᓪᓗᓈᕐᑕᓂᒃ ᓵᑦᑐᓂᒃ ᓇᐸᔪᖏᑦ ᐅᔭᕋᐅᓪᓗᑎᒃ ᑕᑯᒥᓇᕐᑑᕗᑦ, ᐃᒃᓯᕙᐅᑕᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᓇᔪᕐᑕᖓ ᓇᑎᖃᕐᐳᖅ ᐅᔭᕋᖕᒥᒃ ᐊᓚᐹᓯᑕᒥᒃ ᐊᑎᓕᖕᒥᒃ ᑕᑯᒥᓇᕐᑐᐊᓗᖕᓂᒃ, ᖃᑯᕐᑕᓂᒃ ᕿᕐᓂᕐᑕᓂᒡᓗ ᓯᑎᔪᓂᒃ ᕿᓪᓕᕐᑐᒥᒃ ᐅᔭᕋᖕᓂᒃ ᓇᑎᖃᕐᐳᖅ. 7ᐃᒥᕐᓂᐊᕐᑕᖏᓐᓂᒃ ᑐᓐᓂᐅᖅᑬᕗᑦ ᒎᓘᓂᒃ ᐃᒥᐅᑎᖃᕐᓗᑎᒃ, ᐃᒥᐅᑎᓕᒫᖏᓪᓗ ᐊᑐᓂᑦ ᐊᑦᔨᒌᒃᑐᖃᓐᖏᓚᑦ, ᕔᓂᒥᒡᓗ ᐊᒥᒐᕐᓯᓐᖏᓚᑦ, ᐊᖓᔪᖅᑳᕐᔪᐊᑉ ᐊᔪᕐᓴᖏᓐᓂᖓ ᒪᓕᒡᓗᒍ. 8ᓇᓪᓕᐊᓐᓂᒡᓘᓐᓃᑦ ᖃᓄᑎᒋ ᐃᒥᕆᐊᖃᕐᓂᖏᓐᓂᒃ ᐱᖁᔭᕐᑕᖃᓚᐅᓐᖏᓚᖅ; ᐊᖓᔪᖅᑳᕐᔪᐊᑉ ᐱᔨᓂ ᐃᒡᓗᕐᔪᐊᒥᓃᑦᑐᑦ ᐅᖃᐅᑎᓯᒪᓚᐅᕐᒪᒋᑦ, ᑕᕝᕙᓃᑦᑐᑦ ᐊᑐᓂᑦ ᓈᒻᒪᒋᔭᒥᖕᓂᒃ ᐃᒥᕈᓐᓇᕐᑎᑕᐅᖁᓪᓗᒋᑦ.
9ᐊᖓᔪᖅᑳᕐᔪᐊᓪᓗ ᓄᓕᐊᖓ ᑯᐃᓐ ᕚᔅᑎ ᓂᕆᕕᒃᔪᐊᕐᑎᑦᓯᓚᐅᕆᕗᖅ ᐊᕐᓇᓂᒃ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅ ᐃᒡᓗᕐᔪᐊᖓᓂ.
10ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ#1:10 ᐃᒡᔪᐃᕐᑕᐅᓯᒪᔪᑦ ᑍᔭᐅᕙᓚᐅᕐᑐᑦ ᔫᓂᒃᓂᒃ ᑍᒤᑦᑐᑦ ᐊᖓᔪᖅᑳᕐᔪᐊᓄᑦ ᐱᔨᒋᔭᐅᕙᓚᐅᕐᒪᑕ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ. 11ᐂᒃᓯᖁᓪᓗᒋᑦ ᑯᐃᓐ ᕚᔅᑎᒥᒃ ᐊᖓᔪᖅᑳᕐᔪᐊᕐᒧᑦ ᐂᑎᑕᐅᖁᓪᓗᒍ, ᑯᐃᒃᓯᐅᑎᒥᓂᒃ ᓂᐊᖂᓯᕐᓯᒪᓗᓂ, ᑖᑦᓱᒪ ᐊᕐᓇᑦᓯᐊᕙᐅᓂᖓ ᑕᑯᔭᐅᑎᑦᓱᒪᓪᓗᓂᐅᒃ ᐃᓄᖕᓄᑦ ᐊᖓᔪᖅᑳᓄᓪᓗ, ᑯᐃᓐ ᕚᔅᑎ ᐊᕐᓇᑦᓯᐊᕙᓪᓚᕆᐅᖕᒪᑦ. 12ᑯᐃᓐ ᕚᔅᑎᓕ ᐊᖓᔪᖅᑳᕐᔪᐊᑉ ᑎᓕᔭᖏᓐᓄᑦ ᐅᐸᒃᑕᐅᒐᒥ ᕿᐱᓗᒃᐳᖅ; ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒃᔪᐊᕐᐳᖅ, ᓂᓐᖓᓗᐊᕐᓂᕐᒧᓪᓗ ᐃᓗᐃᓪᓕᕐᓗᓂ.
13ᑕᕝᕙ ᐊᖓᔪᖅᑳᕐᔪᐊᖅ ᓯᓚᑐᔪᖁᑎᒥᓄᑦ ᐊᐱᕆᕗᖅ, ᑕᕝᕙᓃᑦᑐᓄᑦ ᖃᐅᔨᔪᓄᓪᓗ ᓱᖕᒪᖔᑦ, ᐊᖓᔪᖅᑳᕐᔪᐊᖅ ᑍᒤᓕᐅᕐᐸᒃᑲᒥ ᑕᒪᒃᑯᓄᖓ ᐱᖁᔭᓂᒃ ᐃᓅᓯᓕᕆᓂᕐᒥᒡᓗ ᖃᐅᔨᒪᔪᖁᑎᒥᓄᑦ, 14ᐅᑯᐊ ᑕᕝᕙ ᖃᓂᒋᓂᕐᐹᕆᓪᓗᒋᑦ ᐊᐱᕆᒐᔪᒃᐸᓚᐅᕐᑕᖏᑦ ᑳᕐᓯᓇ, ᓯᑕᕆ, ᐊᑦᒪᑕ, ᑖᕐᓯᓯ, ᒥᕆᓯ, ᒪᕐᓰᓇ, ᒥᒧᑳᓐᓗ, ᑲᑎᑦᓱᒋᑦ 7ᐅᕗᑦ ᐴᕐᓯᐊᒥᑦ ᒥᑎᐊᒥᓪᓗ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᕐᒥ ᓇᔫᑏᓐᓇᕐᐸᒃᑐᑦ, ᐊᖓᔪᖅᑲᐅᕕᖓᓂᓗ ᐱᓪᓚᕆᐅᓂᕐᐸᐅᓪᓗᑎᒃ ᐊᖓᔪᖅᑳᖑᓂᕐᐸᐅᖃᑕᐅᕗᑦ. 15ᑖᒃᑯᐊ ᐊᖓᔪᖅᑳᕐᔪᐊᑉ ᐅᖃᐅᑎᕔᑦ, “ᐅᕙᖓ ᐊᖓᔪᖅᑳᕐᔪᐊᖑᔪᖓ ᐊᕼᐊᓱᐃᕋᔅ ᑎᓕᓯᓪᓚᕆᒃᓗᖓ ᑯᐃᓐ ᕚᔅᑎ ᕾᖁᔭᐅᖁᓚᐅᕐᐸᕋ, ᐱᖁᔨᓂᕆᓚᐅᕐᑕᓐᓂᒃ ᓈᓚᖏᒻᒪᑦ ᖃᓄᕐᓕ ᐱᓂᐊᕐᕕᐅᔪᒃᓴᐅᕚ? ᐱᖁᔭᕗᑦ ᖃᓄᐃᓕᐅᖁᔨᕚᑦ?”
16ᑕᕝᕙ ᒥᒧᑳᓐ ᑭᐅᕗᖅ ᐊᖓᔪᖅᑳᕐᔪᐊᖅ ᐊᖓᔪᖅᑳᓪᓗ ᑐᓵᑎᓪᓗᒋᑦ, “ᑯᐃᓐ ᕚᔅᑎ ᐊᖓᔪᖅᑳᕐᔪᐊᒧᑐᐊᖅ ᐱᐅᖏᑦᑐᓕᓐᖏᓚᖅ, ᐊᖓᔪᖅᑳᓕᒫᓄᓪᓕ, ᐃᓄᓕᒫᓄᓪᓗ ᐊᖓᔪᖅᑲᐅᕕᖕᓃᑦᑐᓄᑦ ᐱᐅᖏᑦᑐᓕᓯᒪᕗᖅ. 17ᐊᖓᔪᖅᑲᐅᕕᖕᓃᑐᓕᒫᓪᓕ ᐊᕐᓁᑦ ᑕᒪᑐᒥᖓ ᑐᓴᕈᑎᒃ ᑯᐃᓐ ᕚᔅᑎᐅᑉ ᐱᓂᐊᕐᓂᕕᓂᖓᓂᒃ ᐅᐃᒥᖕᓂᒃ ᓱᓇᐅᑎᑦᓯᖃᑦᑕᕈᓐᓁᕐᓂᐊᓕᕐᐳᑦ. ᐅᖃᕐᐸᓕᕐᓗᑎᒡᓗ, ‘ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᑯᐃᓐ ᕚᔅᑎ ᑎᓕᓯᓪᓚᕆᒃᓗᓂ ᕾᖁᓚᐅᕋᓗᐊᕐᐹ ᐃᒻᒥᓄᑦ, ᑖᓐᓇᓕ ᕿᐱᓗᓚᐅᕐᐳᖅ.’ 18ᐅᓪᓗᒥᒥᑦ ᐱᒋᐊᕐᓗᑎᒃ ᐊᕐᓁᑦ ᐊᖓᔪᖅᑳᖑᔪᑦ ᐴᕐᓯᐊᒥ ᒥᑎᐊᒥᓗ ᐅᖃᖃᑦᑕᕐᓂᐊᓕᕐᐳᑦ ᑕᒪᑐᒥᖓ ᑐᓴᕐᑕᒥᖕᓂᒃ ᑯᐃᑉ ᐱᑦᓯᐊᖏᓐᓂᕕᓂᖓᓂᒃ, ᑕᒪᓐᓇᓗ ᐱᑦᔪᑎᒋᓗᒍ ᐊᑲᐅᒃᓴᓐᖏᖃᑦᑕᐅᑎᓂᖅ ᓂᓐᖓᐅᑎᓂᕐᓗ ᐱᓕᐅᒥᓂᐊᓕᕐᐳᖅ. 19ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐊᖓᔪᖅᑲᐅᓃᑦ ᐱᔪᓐᓇᐅᑎᒋᓗᒍ ᐱᖁᔨᓚᐅᕆᑦ, ᐴᕐᓯᐊᒥᐅᑦ ᒥᑏᔅᒥᐅᓪᓗ ᐱᖁᔭᖁᑎᖏᓐᓂ ᑎᑎᕋᕐᑕᐅᓗᓂ, ᐊᓯᑦᔨᒐᒃᓴᐅᖏᓪᓗᓂ ᑕᒪᑐᒪ ᑭᖑᓂᖓᒍᑦ ᑕᒪᓐᓇ ᐳᐃᒍᕐᑕᐅᑐᐃᓐᓇᖁᓇᒍ, ᑖᓐᓇ ᕚᔅᑎ ᐃᓕᖕᓄᑦ ᐊᖓᔪᖅᑳᕐᔪᐊᕐᒧᑦ ᐃᑎᖃᑦᑕᕐᓂᐊᕈᓐᓃᕐᓕ; ᑯᐃᖑᓂᕐᓗ ᑖᑦᓱᒪ ᐊᓯᐊᓄᑦ ᑐᓂᓕᕈᒃ ᑖᑦᓱᒪᓐᖓᑦ ᐱᑦᓯᐊᕐᓂᕐᓴᒧᑦ. 20ᐊᖓᔪᖅᑳᕐᔪᐊᓪᓗ ᐱᔪᓐᓇᕐᓂᕐᒥᓄᑦ ᐱᖁᔨᓂᖓ ᐃᓄᓕᒫᓄᑦ ᐊᖓᔪᖅᑲᐅᕕᖕᓃᑦᑐᓄᑦ ᓴᖅᑭᑎᑕᐅᓂᐊᕐᐳᖅ, ᓄᓇ ᐊᖏᔪᐊᓘᖕᒪᑦ, ᐊᕐᓇᓕᒫᑦ ᐅᐃᓖᑦ ᐅᐃᒥᖕᓂᒃ ᓈᓚᑦᓯᐊᖁᓪᓗᒋᑦ, ᐱᓪᓚᕇᑦ ᐱᓪᓚᕆᐅᖏᑦᑐᓪᓗ.”
21ᑕᒪᓐᓇᓗ ᐃᓱᒪᓕᐅᕈᑕᐅᔪᖅ ᐊᖓᔪᖅᑳᕐᔪᐊᑉ ᖁᕕᐊᒋᕚ ᐊᖓᔪᖅᑳᖑᖃᑕᐅᔪᓕᒫᓄᓪᓗ ᖁᕕᐊᒋᔭᐅᒋᕗᖅ, ᑕᕝᕙ ᐊᖓᔪᖅᑳᕐᔪᐊᖅ ᐱᓇᓱᐊᓕᕐᐳᖅ ᒥᒧᑳᓐ ᐅᖃᐅᓯᕆᔭᖏᑦ ᒪᓕᒡᓗᒋᑦ. 22ᑕᕝᕙ ᑎᑎᖅᑲᓂᒃ ᐊᖓᔪᖅᑲᐅᕕᖕᒥᓃᑦᑐᓕᒫᓄᑦ ᐊᐅᓪᓚᕐᑎᑦᓯᕗᖅ, ᓄᓇᖁᑎᖏᑕ ᐅᖃᐅᓯᖏᑦ ᒪᓕᒡᓗᒋᑦ ᑎᑎᕋᕐᓯᒪᔪᓂᒃ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐊᖑᑎᓕᒫᑦ ᐊᑐᓂᑦ ᐃᒡᓗᒥᖕᓂ ᐊᖓᔪᖅᑲᐅᑦᓯᐊᖁᓪᓗᒋᑦ ᐃᒡᓗᒥᐅᖃᑎᒥᓄᑦ, ᓇᖕᒥᓂᖅ ᐅᖃᐅᓯᑎᒃ ᐊᑐᕐᓗᒋᑦ ᐅᖃᖃᑎᖃᕈᓐᓇᑦᓯᐊᖁᓪᓗᒋᑦ ᐃᓅᖃᑎᒥᖕᓄᑦ.
Currently Selected:
ᐃᔅᑕᐅᑉ ᐊᒡᓚᖏᑦ 1: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᐃᔅᑕᐅᑉ ᐊᒡᓚᖏᑦ 1
1
ᑯᐃᓐ ᕚᔅᑎᐅᑉ ᓇᕐᕈᓇᕐᑎᑦᓯᓂᖓ ᐊᖓᔪᖅᑳᕐᔪᐊᕐᒥᒃ ᔨᕆᒃᓯᒥᒃ
1 #
ᐄᓱᕋ 4:6. ᐊᕼᐊᓱ-ᐃᕋᔅ ᐊᖓᔪᖅᑳᕐᔪᐊᖑᑎᓪᓗᒍ ᐃᒤᑦᑐᖃᓚᐅᕐᐳᖅ; ᐊᕼᐊᓱᐃᕋᔅ ᓄᓇᓕᖕᓄᑦ 127ᓄᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, 2ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕐᔪᐊᖑᕕᖕᒥᓂ ᐃᒃᓯᕙᐅᑕᕐᔪᐊᖃᓚᐅᕐᐳᖅ, ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ.
3ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᓂᖃᕐᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ. 4ᕿᒥᕐᕈᔭᐅᑎᑦᓯᕗᖅ ᐅᓪᓗᒐᓴᖕᓂᒃ ᐊᖓᔪᖅᑲᐅᕕᖓᑕ ᐊᔪᖏᑦᑐᕐᔪᐊᖑᓂᖓᓂᒃ ᐅᐱᓐᓇᕐᑐᕐᔪᐊᖑᓂᖓᓂᒡᓗ, ᐅᓪᓗᓂᒃ 180ᓂᒃ.
5ᐅᓪᓗᐃᑦ ᑖᒃᑯᐊ ᓈᖕᒪᑕ, ᐊᖓᔪᖅᑳᕐᔪᐊᖅ ᓂᕆᕕᒃᔪᐊᕐᑎᑦᓯᓕᕐᐳᖅ ᓄᓇᒥ ᓲᓴᒥ ᐊᖓᔪᖅᑳᕐᔪᐊᖃᕐᕕᖕᒥ ᐅᓪᓗᓂᒃ 7ᓂᒃ, ᐱᓪᓚᕆᖕᓂᒃ ᐱᓪᓚᕆᐅᖏᑦᑐᓂᒡᓗ, ᐊᖓᔪᖅᑳᕐᔪᐊᖃᕐᕕᐅᑉ ᐱᕈᕐᓰᕕᖁᑎᖓᓂ. 6ᑕᕝᕙᓂ ᖃᓪᓗᓈᕐᑕᑦᓯᐊᓂᒃ ᖃᑯᕐᑕᓂᒃ ᑐᖑᔪᕐᑕᓂᒡᓗ ᑖᓗᑕᖃᕐᐳᖅ ᑖᒃᑯᐊᓗ ᓂᕕᖓᕕᖃᕐᐳᑦ ᐊᑦᓱᓈᓂᒃ ᑕᑯᒥᓇᕐᑐᓂᒃ ᐊᐅᐸᓪᓚᕆᒃᑐᓂᒃ ᓯᐅᓪᕕᕆᓂᒃ ᐳᑐᓕᖕᓂᒃ ᕿᓚᒃᓯᒪᕕᖃᕐᓗᑎᒃ ᖃᓪᓗᓈᕐᑕᓂᒃ ᓵᑦᑐᓂᒃ ᓇᐸᔪᖏᑦ ᐅᔭᕋᐅᓪᓗᑎᒃ ᑕᑯᒥᓇᕐᑑᕗᑦ, ᐃᒃᓯᕙᐅᑕᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᓇᔪᕐᑕᖓ ᓇᑎᖃᕐᐳᖅ ᐅᔭᕋᖕᒥᒃ ᐊᓚᐹᓯᑕᒥᒃ ᐊᑎᓕᖕᒥᒃ ᑕᑯᒥᓇᕐᑐᐊᓗᖕᓂᒃ, ᖃᑯᕐᑕᓂᒃ ᕿᕐᓂᕐᑕᓂᒡᓗ ᓯᑎᔪᓂᒃ ᕿᓪᓕᕐᑐᒥᒃ ᐅᔭᕋᖕᓂᒃ ᓇᑎᖃᕐᐳᖅ. 7ᐃᒥᕐᓂᐊᕐᑕᖏᓐᓂᒃ ᑐᓐᓂᐅᖅᑬᕗᑦ ᒎᓘᓂᒃ ᐃᒥᐅᑎᖃᕐᓗᑎᒃ, ᐃᒥᐅᑎᓕᒫᖏᓪᓗ ᐊᑐᓂᑦ ᐊᑦᔨᒌᒃᑐᖃᓐᖏᓚᑦ, ᕔᓂᒥᒡᓗ ᐊᒥᒐᕐᓯᓐᖏᓚᑦ, ᐊᖓᔪᖅᑳᕐᔪᐊᑉ ᐊᔪᕐᓴᖏᓐᓂᖓ ᒪᓕᒡᓗᒍ. 8ᓇᓪᓕᐊᓐᓂᒡᓘᓐᓃᑦ ᖃᓄᑎᒋ ᐃᒥᕆᐊᖃᕐᓂᖏᓐᓂᒃ ᐱᖁᔭᕐᑕᖃᓚᐅᓐᖏᓚᖅ; ᐊᖓᔪᖅᑳᕐᔪᐊᑉ ᐱᔨᓂ ᐃᒡᓗᕐᔪᐊᒥᓃᑦᑐᑦ ᐅᖃᐅᑎᓯᒪᓚᐅᕐᒪᒋᑦ, ᑕᕝᕙᓃᑦᑐᑦ ᐊᑐᓂᑦ ᓈᒻᒪᒋᔭᒥᖕᓂᒃ ᐃᒥᕈᓐᓇᕐᑎᑕᐅᖁᓪᓗᒋᑦ.
9ᐊᖓᔪᖅᑳᕐᔪᐊᓪᓗ ᓄᓕᐊᖓ ᑯᐃᓐ ᕚᔅᑎ ᓂᕆᕕᒃᔪᐊᕐᑎᑦᓯᓚᐅᕆᕗᖅ ᐊᕐᓇᓂᒃ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅ ᐃᒡᓗᕐᔪᐊᖓᓂ.
10ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ#1:10 ᐃᒡᔪᐃᕐᑕᐅᓯᒪᔪᑦ ᑍᔭᐅᕙᓚᐅᕐᑐᑦ ᔫᓂᒃᓂᒃ ᑍᒤᑦᑐᑦ ᐊᖓᔪᖅᑳᕐᔪᐊᓄᑦ ᐱᔨᒋᔭᐅᕙᓚᐅᕐᒪᑕ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ. 11ᐂᒃᓯᖁᓪᓗᒋᑦ ᑯᐃᓐ ᕚᔅᑎᒥᒃ ᐊᖓᔪᖅᑳᕐᔪᐊᕐᒧᑦ ᐂᑎᑕᐅᖁᓪᓗᒍ, ᑯᐃᒃᓯᐅᑎᒥᓂᒃ ᓂᐊᖂᓯᕐᓯᒪᓗᓂ, ᑖᑦᓱᒪ ᐊᕐᓇᑦᓯᐊᕙᐅᓂᖓ ᑕᑯᔭᐅᑎᑦᓱᒪᓪᓗᓂᐅᒃ ᐃᓄᖕᓄᑦ ᐊᖓᔪᖅᑳᓄᓪᓗ, ᑯᐃᓐ ᕚᔅᑎ ᐊᕐᓇᑦᓯᐊᕙᓪᓚᕆᐅᖕᒪᑦ. 12ᑯᐃᓐ ᕚᔅᑎᓕ ᐊᖓᔪᖅᑳᕐᔪᐊᑉ ᑎᓕᔭᖏᓐᓄᑦ ᐅᐸᒃᑕᐅᒐᒥ ᕿᐱᓗᒃᐳᖅ; ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᕕᒃᔪᐊᕐᐳᖅ, ᓂᓐᖓᓗᐊᕐᓂᕐᒧᓪᓗ ᐃᓗᐃᓪᓕᕐᓗᓂ.
13ᑕᕝᕙ ᐊᖓᔪᖅᑳᕐᔪᐊᖅ ᓯᓚᑐᔪᖁᑎᒥᓄᑦ ᐊᐱᕆᕗᖅ, ᑕᕝᕙᓃᑦᑐᓄᑦ ᖃᐅᔨᔪᓄᓪᓗ ᓱᖕᒪᖔᑦ, ᐊᖓᔪᖅᑳᕐᔪᐊᖅ ᑍᒤᓕᐅᕐᐸᒃᑲᒥ ᑕᒪᒃᑯᓄᖓ ᐱᖁᔭᓂᒃ ᐃᓅᓯᓕᕆᓂᕐᒥᒡᓗ ᖃᐅᔨᒪᔪᖁᑎᒥᓄᑦ, 14ᐅᑯᐊ ᑕᕝᕙ ᖃᓂᒋᓂᕐᐹᕆᓪᓗᒋᑦ ᐊᐱᕆᒐᔪᒃᐸᓚᐅᕐᑕᖏᑦ ᑳᕐᓯᓇ, ᓯᑕᕆ, ᐊᑦᒪᑕ, ᑖᕐᓯᓯ, ᒥᕆᓯ, ᒪᕐᓰᓇ, ᒥᒧᑳᓐᓗ, ᑲᑎᑦᓱᒋᑦ 7ᐅᕗᑦ ᐴᕐᓯᐊᒥᑦ ᒥᑎᐊᒥᓪᓗ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᕐᒥ ᓇᔫᑏᓐᓇᕐᐸᒃᑐᑦ, ᐊᖓᔪᖅᑲᐅᕕᖓᓂᓗ ᐱᓪᓚᕆᐅᓂᕐᐸᐅᓪᓗᑎᒃ ᐊᖓᔪᖅᑳᖑᓂᕐᐸᐅᖃᑕᐅᕗᑦ. 15ᑖᒃᑯᐊ ᐊᖓᔪᖅᑳᕐᔪᐊᑉ ᐅᖃᐅᑎᕔᑦ, “ᐅᕙᖓ ᐊᖓᔪᖅᑳᕐᔪᐊᖑᔪᖓ ᐊᕼᐊᓱᐃᕋᔅ ᑎᓕᓯᓪᓚᕆᒃᓗᖓ ᑯᐃᓐ ᕚᔅᑎ ᕾᖁᔭᐅᖁᓚᐅᕐᐸᕋ, ᐱᖁᔨᓂᕆᓚᐅᕐᑕᓐᓂᒃ ᓈᓚᖏᒻᒪᑦ ᖃᓄᕐᓕ ᐱᓂᐊᕐᕕᐅᔪᒃᓴᐅᕚ? ᐱᖁᔭᕗᑦ ᖃᓄᐃᓕᐅᖁᔨᕚᑦ?”
16ᑕᕝᕙ ᒥᒧᑳᓐ ᑭᐅᕗᖅ ᐊᖓᔪᖅᑳᕐᔪᐊᖅ ᐊᖓᔪᖅᑳᓪᓗ ᑐᓵᑎᓪᓗᒋᑦ, “ᑯᐃᓐ ᕚᔅᑎ ᐊᖓᔪᖅᑳᕐᔪᐊᒧᑐᐊᖅ ᐱᐅᖏᑦᑐᓕᓐᖏᓚᖅ, ᐊᖓᔪᖅᑳᓕᒫᓄᓪᓕ, ᐃᓄᓕᒫᓄᓪᓗ ᐊᖓᔪᖅᑲᐅᕕᖕᓃᑦᑐᓄᑦ ᐱᐅᖏᑦᑐᓕᓯᒪᕗᖅ. 17ᐊᖓᔪᖅᑲᐅᕕᖕᓃᑐᓕᒫᓪᓕ ᐊᕐᓁᑦ ᑕᒪᑐᒥᖓ ᑐᓴᕈᑎᒃ ᑯᐃᓐ ᕚᔅᑎᐅᑉ ᐱᓂᐊᕐᓂᕕᓂᖓᓂᒃ ᐅᐃᒥᖕᓂᒃ ᓱᓇᐅᑎᑦᓯᖃᑦᑕᕈᓐᓁᕐᓂᐊᓕᕐᐳᑦ. ᐅᖃᕐᐸᓕᕐᓗᑎᒡᓗ, ‘ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᑯᐃᓐ ᕚᔅᑎ ᑎᓕᓯᓪᓚᕆᒃᓗᓂ ᕾᖁᓚᐅᕋᓗᐊᕐᐹ ᐃᒻᒥᓄᑦ, ᑖᓐᓇᓕ ᕿᐱᓗᓚᐅᕐᐳᖅ.’ 18ᐅᓪᓗᒥᒥᑦ ᐱᒋᐊᕐᓗᑎᒃ ᐊᕐᓁᑦ ᐊᖓᔪᖅᑳᖑᔪᑦ ᐴᕐᓯᐊᒥ ᒥᑎᐊᒥᓗ ᐅᖃᖃᑦᑕᕐᓂᐊᓕᕐᐳᑦ ᑕᒪᑐᒥᖓ ᑐᓴᕐᑕᒥᖕᓂᒃ ᑯᐃᑉ ᐱᑦᓯᐊᖏᓐᓂᕕᓂᖓᓂᒃ, ᑕᒪᓐᓇᓗ ᐱᑦᔪᑎᒋᓗᒍ ᐊᑲᐅᒃᓴᓐᖏᖃᑦᑕᐅᑎᓂᖅ ᓂᓐᖓᐅᑎᓂᕐᓗ ᐱᓕᐅᒥᓂᐊᓕᕐᐳᖅ. 19ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐊᖓᔪᖅᑲᐅᓃᑦ ᐱᔪᓐᓇᐅᑎᒋᓗᒍ ᐱᖁᔨᓚᐅᕆᑦ, ᐴᕐᓯᐊᒥᐅᑦ ᒥᑏᔅᒥᐅᓪᓗ ᐱᖁᔭᖁᑎᖏᓐᓂ ᑎᑎᕋᕐᑕᐅᓗᓂ, ᐊᓯᑦᔨᒐᒃᓴᐅᖏᓪᓗᓂ ᑕᒪᑐᒪ ᑭᖑᓂᖓᒍᑦ ᑕᒪᓐᓇ ᐳᐃᒍᕐᑕᐅᑐᐃᓐᓇᖁᓇᒍ, ᑖᓐᓇ ᕚᔅᑎ ᐃᓕᖕᓄᑦ ᐊᖓᔪᖅᑳᕐᔪᐊᕐᒧᑦ ᐃᑎᖃᑦᑕᕐᓂᐊᕈᓐᓃᕐᓕ; ᑯᐃᖑᓂᕐᓗ ᑖᑦᓱᒪ ᐊᓯᐊᓄᑦ ᑐᓂᓕᕈᒃ ᑖᑦᓱᒪᓐᖓᑦ ᐱᑦᓯᐊᕐᓂᕐᓴᒧᑦ. 20ᐊᖓᔪᖅᑳᕐᔪᐊᓪᓗ ᐱᔪᓐᓇᕐᓂᕐᒥᓄᑦ ᐱᖁᔨᓂᖓ ᐃᓄᓕᒫᓄᑦ ᐊᖓᔪᖅᑲᐅᕕᖕᓃᑦᑐᓄᑦ ᓴᖅᑭᑎᑕᐅᓂᐊᕐᐳᖅ, ᓄᓇ ᐊᖏᔪᐊᓘᖕᒪᑦ, ᐊᕐᓇᓕᒫᑦ ᐅᐃᓖᑦ ᐅᐃᒥᖕᓂᒃ ᓈᓚᑦᓯᐊᖁᓪᓗᒋᑦ, ᐱᓪᓚᕇᑦ ᐱᓪᓚᕆᐅᖏᑦᑐᓪᓗ.”
21ᑕᒪᓐᓇᓗ ᐃᓱᒪᓕᐅᕈᑕᐅᔪᖅ ᐊᖓᔪᖅᑳᕐᔪᐊᑉ ᖁᕕᐊᒋᕚ ᐊᖓᔪᖅᑳᖑᖃᑕᐅᔪᓕᒫᓄᓪᓗ ᖁᕕᐊᒋᔭᐅᒋᕗᖅ, ᑕᕝᕙ ᐊᖓᔪᖅᑳᕐᔪᐊᖅ ᐱᓇᓱᐊᓕᕐᐳᖅ ᒥᒧᑳᓐ ᐅᖃᐅᓯᕆᔭᖏᑦ ᒪᓕᒡᓗᒋᑦ. 22ᑕᕝᕙ ᑎᑎᖅᑲᓂᒃ ᐊᖓᔪᖅᑲᐅᕕᖕᒥᓃᑦᑐᓕᒫᓄᑦ ᐊᐅᓪᓚᕐᑎᑦᓯᕗᖅ, ᓄᓇᖁᑎᖏᑕ ᐅᖃᐅᓯᖏᑦ ᒪᓕᒡᓗᒋᑦ ᑎᑎᕋᕐᓯᒪᔪᓂᒃ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐊᖑᑎᓕᒫᑦ ᐊᑐᓂᑦ ᐃᒡᓗᒥᖕᓂ ᐊᖓᔪᖅᑲᐅᑦᓯᐊᖁᓪᓗᒋᑦ ᐃᒡᓗᒥᐅᖃᑎᒥᓄᑦ, ᓇᖕᒥᓂᖅ ᐅᖃᐅᓯᑎᒃ ᐊᑐᕐᓗᒋᑦ ᐅᖃᖃᑎᖃᕈᓐᓇᑦᓯᐊᖁᓪᓗᒋᑦ ᐃᓅᖃᑎᒥᖕᓄᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.