ᔨᐸᓁᐊᐅᑉ ᐊᒡᓚᖏᑦ 2
2
ᖃᕿᐊᓕᖁᔨᓂᖅ
1ᑲᑎᓪᓗᓯ ᑲᑎᒪᓕᕆᑦᓯ, ᑲᓐᖑᑦᑎᑦᑐᓐᓁᓪᓕᔪᓯ ᐃᓅᖃᑎᒌᒡᔪᐊᑦ. 2ᐊᐅᓪᓚᕐᑎᑕᐅᓚᐅᖏᓐᓂᑦᓯᓐᓂ ᓂᐊᖂᔭᒃᓴᐅᑉ ᓴᓂᖓᑕ ᑎᒃᑕᐅᓂᖓᑐᑦ, ᐊᑕᓂᐅᑉ ᓂᓐᖓᐅᓯᖓᑕ ᑲᑉᐱᐊᓇᕐᓂᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ, ᐅᓪᓗᕐᒧᑦ ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᓚᐅᖏᓐᓂᑦᓯᓐᓂ. 3ᐊᑕᓂᕐᒥᒃ ᕿᓂᓕᕆᑦᓯ, ᐃᓘᓐᓇᓯ ᐱᐅᔪᕆᖏᑦᑐᓯ ᓄᓇᒥ, ᐱᖁᔭᖏᓐᓂᒡᓗ ᓈᓚᒃᑐᓯ; ᓇᓛᒎᕐᓂᖅ ᕿᓂᕐᓯᐅᒃ, ᒥᑭᒡᓕᑎᕐᓂᕐᓗ ᕿᓂᕐᒥᓗᒍ; ᓴᐳᑎᔭᐅᖁᓪᓗᓯ ᐊᑕᓂᐅᑉ ᓂᓐᖓᐅᓯᖓᑕ ᐅᓪᓗᖓᓂ.
ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑉ ᓴᓂᐊᓃᑦᑐᑦ ᐊᓯᕈᕐᑕᐅᓂᖏᑦ
4 #
ᐂᓮᐊᓯ 14:29-31; ᔨᕆᒤᐊ 47:1-7; ᐃᓯᑭᐊᓕ 25:15-17; ᔪᐃᓕ 3:4-8; ᐂᒨᓯ 1:6-8; ᓴᑲᕅᐊ 9:5-7. ᒑᓴ ᕿᒪᒃᑕᐅᔪᒫᕐᐳᖅ, ᐊᓯᑭᓗᓂᓗ ᓱᓇᖃᕈᓐᓃᕈᒫᕐᐳᖅ; ᐅᓪᓘᓪᓗ ᕿᑎᕋᕐᓂᖓᓂ ᐋᔅᑖᑦᒥᐅᑦ ᐊᐅᓪᓚᕐᑎᑕᐅᔪᒫᕐᐳᖅ, ᐃᑯᕋᓂᓗ ᓄᓱᒃᑕᐅᔪᒫᕐᐳᖅ ᐊᒫᖏᑎᒍᑦ. 5ᑲᑉᐱᐊᓐᓇᒦᖑᔪᓯ ᑕᕆᐅᑉ ᓯᓈᓂ ᓄᓇᖃᕐᑐᓯ, ᐃᓅᖃᑎᒌᖑᔪᓯᓗ ᓯᕆᑍᑎᓄᑦ ᐊᑕᓂᐅᑉ ᐅᖃᐅᓯᖓᑕ ᐊᑭᕋᕐᑐᕐᒪᓯ, ᑬᓇᓁᒥᐅᖑᔪᓯ ᐱᓕᔅᑍᓂᒦᑦᑐᓯ; ᐊᓯᕈᕈᒪᕙᑦᓯ ᓄᓇᖃᕐᑐᓕᒫᑦ ᐊᒥᐊᒃᑯᖏᓪᓗᒋᑦ. 6ᑕᒪᓐᓇ ᓯᒡᔭᖅ ᐃᕕᖕᓂᒃ ᓂᕿᒃᓴᖃᑦᓯᐊᕈᒫᕐᐳᖅ ᓰᐱᓕᕆᔩᓪᓗ ᓯᓂᒃᑕᕐᕕᖃᕈᒫᕐᐳᑦ ᓰᐱᒃᑯᕕᖃᕐᓗᑎᒡᓗ. 7ᑕᒪᓐᓇ ᓯᒡᔭᖅ ᔫᑕᐅᑉ ᑭᖑᕚᖏᑕ ᐊᒥᐊᒃᑯᖏᓐᓄᑦ ᐃᓂᒋᔭᐅᔪᒫᕐᐳᖅ, ᑕᒫᓂᓗ ᐆᒪᔪᖁᑎᑎᒃ ᓂᕆᑎᑦᓱᒫᕐᐰᑦ, ᐅᓐᓄᒃᑯᓪᓗ ᓯᓂᒃᑕᖃᑦᑕᕈᒫᕐᐳᑦ ᐊᓯᑭᓗᓂᒥᐅᑦ ᐃᒡᓗᖏᓐᓂ. ᐊᑕᓂᐅᑉ ᑖᒃᑯᐊ ᒎᑎᖏᑦᑕ ᐳᐃᒍᕈᒫᓐᖏᓔᑦ ᐊᔪᕐᓴᖏᓐᓂᕕᓂᖏᓐᓄᓪᓗ ᐅᑎᕐᑎᓪᓗᒋᑦ.
8 #
ᐂᓮᐊᓯ 15:1—16:14; 25:10-12; ᔨᕆᒤᐊ 48:1-47; ᐃᓯᑭᐊᓕ 25:8-11; ᐂᒨᓯ 1:13-15;
ᔨᕆᒤᐊ 49:1-6; ᐃᓯᑭᐊᓕ 21:28-32; 25:1-7; ᐂᒨᓯ 1:13-15. ᑐᓴᕐᓯᒪᕗᖓ ᒧᐊᐱᒥᐅᑦ ᑲᑉᐱᐊᓵᕆᓂᖏᓐᓂᒃ ᐊᒧᓁᑎᓪᓗ ᓯᕘᕋᓵᕆᓂᖏᓐᓂᒃ, ᐃᓄᖁᑎᓐᓂᒡᓗ ᑲᑉᐱᐊᓱᒃᑎᑦᓯᓂᖏᓐᓂᒃ ᓄᓇᖓᓂᒡᓗ ᓄᓇᖁᑎᑖᕋᓱᐊᕐᓂᖏᓐᓂᒃ. 9#ᒨᓯᓯ ᓯᕗᓪᓖᑦ 19:24.ᑍᒤᒻᒪᑦ ᐃᓅᑎᓪᓗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᓱᓕᓪᓚᕆᒃᓗᖓ ᒧᐊᐱᒥᐅᑦ ᓱᑑᒪᒥᐅᑎᑑᕈᒫᕐᐳᑦ, ᐊᒧᓁᑎᒥᐅᓪᓗ ᒍᒨᕋᒥᐅᑎᑑᕈᒫᕐᐳᑦ ᐱᕈᕐᕕᐅᔪᒫᕐᐳᑦ ᐅᕐᐱᖕᓄᑦ ᐃᒪᕐᓱᖕᓄᓪᓗ ᑕᕆᐅᒧᑦ, ᓄᓇᖓ ᐊᑑᑎᖃᕈᓐᓁᕈᒫᕐᐳᖅ ᐃᓱᖃᖏᑦᑐᒧᑦ. ᐃᓄᖁᑎᒪ ᓇᒃᕚᕐᑕᕐᕕᒋᔪᒫᕐᐰᑦ, ᐃᓅᖃᑎᒌᒡᔪᐊᖁᑎᒪᓗ ᐊᒥᐊᒃᑯᖏᑕ ᐱᑖᕆᔪᒫᕐᐹ.”
10ᐱᐅᔪᕆᓂᖏᑕ ᐱᓂᐊᕐᓂᕆᓚᐅᕐᑕᖏᑦ ᐱᓪᓗᒋᑦ ᑍᒤᑕᐅᔪᒫᕐᐳᑦ, ᐅᖃᕐᓂᕐᓘᑎᖃᓚᐅᕐᓂᖏᑦ ᒥᑕᐅᑎᖃᓚᐅᕐᓂᖏᓪᓗ ᐱᓪᓗᒋᑦ, ᐃᓄᖁᑎᓐᓂᒃ ᐊᑭᕋᕐᑐᓚᐅᕐᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓄᖁᑎᖏᓐᓂᒃ. 11ᐊᑕᓂᖅ ᑲᒪᓇᕐᑐᒃᑯᑦ ᐱᓂᐊᕐᓂᖃᕈᒫᕐᐳᖅ ᑖᒃᑯᓄᖓ, ᓄᖑᑎᑦᓱᒫᕐᒪᒋᑦ ᒎᑎᓐᖑᐊᑦ ᓄᓇᕐᔪᐊᒦᑦᑐᑦ. ᐃᓄᓕᒫᑦ ᑐᒃᓯᐊᕐᕕᒋᔪᒫᕐᐹᑦ ᐊᖏᕐᕋᒥᖕᓂ, ᐃᓛᒃ ᓯᒡᔭᒥ ᓄᓇᖃᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᒃᓯᐊᕐᕕᒋᔪᒫᕐᐹᑦ.
12 #
ᐂᓮᐊᓯ 18:1-7. ᐃᓕᑦᓯ ᐃᑎᐅᐱᐊᒥᐅᖑᔪᓯ ᑐᖁᑕᐅᔪᒫᕐᐳᓯ ᓴᕕᒡᔪᐊᓐᓄᑦ.
13 #
ᐂᓮᐊᓯ 10:5-34; 14:24-27; ᓇᕼᐅᒥ 1:1—3:19. ᐊᒡᒐᓂᓗ ᓱᒋᐊᕈᑎᒋᔪᒫᕐᐰᑦ ᓯᕿᓂᐅᑉ ᑕᕐᕋᖓᓃᑦᑐᑦ ᐊᓯᕈᕐᓗᒋᑦ ᐊᓯᕆᐊᒥᐅᑦ. ᓂᓂᕕᒥᐅᓪᓗ ᓄᖑᑦᓱᒫᕐᐰᑦ ᓄᓇᖓ ᐸᓂᕐᑑᓕᕐᓗᓂ ᓱᓇᖃᔪᐃᑦᑑᔪᒫᕐᐳᖅ. 14ᐆᒪᔪᐃᓪᓗ ᐊᖁᐱᔪᒫᕐᐳᑦ ᑍᑲᓂ ᐆᒪᔪᓕᒫᑦ ᐃᓅᖃᑎᒋᒡᔪᐊᓂᑦ ᐱᔪᑦ. ᑎᖕᒥᐊᓪᓗ ᓱᕋᒃᓯᒪᓂᖏᓐᓂ ᐃᓂᑖᕈᒫᕐᐳᑦ. ᓂᓪᓕᐊᓂᖏᓪᓗ ᐊᑭᐅᕈᒫᕐᐳᑦ ᐃᒐᓛᖏᑎᒍᑦ, ᐃᑎᕆᐊᕐᕕᖏᓪᓗ ᑕᑕᑦᓱᒫᕐᐳᑦ ᓱᕈᕐᓂᒃ. ᐃᒡᓘᓪᓗ ᓴᐅᓂᖏᑦ ᕿᔪᐃᑦ ᓯᑎᔪᔧᑦ ᓴᖅᑭᑦᓱᒫᕐᐳᑦ. 15ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.
Currently Selected:
ᔨᐸᓁᐊᐅᑉ ᐊᒡᓚᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
