ᓴᑲᕅᐊᐅᑉ ᐊᒡᓚᖏᑦ 6
6
ᑕᑯᑎᑕᐅᓂᖅ ᐊᒃᓴᓗᐊᖃᕐᑐᓂᒃ ᕿᒧᒃᓯᐅᑎᓂᒃ ᐅᓂᐊᕐᑕᐅᔪᓂᒃ ᓯᑕᒤᓂᒃ
1ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ. 2#ᑕᑯᑎ 6:4; ᑕᑯᑎ 6:5.ᐊᒃᓴᓗᐊᓕᒃ ᓯᕗᓪᓕᕐᐸᖅ ᕿᒻᒥᕐᔪᐊᖃᕐᐳᖅ ᐊᐅᐸᕐᑐᓂᒃ, ᑭᖑᓂᖓᓃᑦᑐᖅ ᕿᕐᓂᕐᑕᓂᒃ ᕿᒻᒥᕐᔪᐊᖃᕐᐳᖅ. 3#ᑕᑯᑎ 6:2.ᐱᖓᔪᖓᑦ ᖃᑯᕐᑕᓂᒃ ᕿᒻᒥᕐᔪᐊᖃᕐᐳᖅ, ᓯᑕᒪᖓᓪᓗ ᐅᑭᓕᕆᐊᓂᒃ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᐳᖅ, ᑖᒃᑯᐊᓕᒫᓪᓗ ᐱᔪᓐᓇᕐᓂᖃᕐᐳᑦ. 4ᐂᖏᓕ ᐅᕙᓐᓂᒃ ᑕᑯᑎᑦᓯᔪᖅ ᐊᐱᕆᕙᕋ, “ᐊᑕᓃᖅ ᐅᑯᐊ ᖃᓄᖅ ᑐᑭᓖᑦ?”
5 #
ᑕᑯᑎ 7:1. ᐂᖏᓕᐅᑉ ᑭᐅᕚᖓ, “ᐅᑯᐊ ᐊᓂᕐᓃᑦ ᕿᓚᖕᒥᑦ ᐱᔪᑦ, ᓄᓇᕐᔪᐊᓕᒫᑉ ᐊᑕᓂᖓᑦᑕ ᓇᔪᒐᖓᓂᑦ ᑕᒪᐅᓐᖓᕐᑐᑦ.
6“ᐊᒃᓴᓗᐊᓕᖕᓂᒃ ᕿᕐᓂᕐᑕᓂᒃ ᕿᒻᒥᕐᔪᐊᖃᕐᑐᑦ ᐅᓐᓄᐊᑉ ᓇᓛᓄᑦ ᐊᐅᓪᓚᕐᐳᑦ, ᖃᑯᕐᑕᓂᒃᓗ ᕿᒻᒥᕐᔪᐊᖃᕐᑐᑦ ᓯᕿᓂᐅᑉ ᓂᐱᕕᐊᑕ ᓇᓛᓄᑦ ᐊᐅᓪᓚᕐᐳᑦ, ᐅᑭᓕᕆᐊᓂᒡᓗ ᕿᒻᒥᕐᔪᐊᖃᕐᑐᑦ ᐅᓪᓘᑉ ᓇᓛᓄᑦ ᐊᐅᓪᓚᕐᐳᑦ.” 7ᕿᒻᒥᕐᔪᐊᓖᑦ ᐊᐅᓪᓚᕐᒪᑕ, ᑲᔪᖏᕐᐳᑦ ᓄᓇᕐᔪᐊᖅ ᓈᓗᒍ ᐃᖏᕐᕋᕕᒋᑲᐅᕐᑐᕈᒪᓪᓗᒍ. ᐂᓐᖏᓕᓗ ᐅᖃᕐᐳᖅ, “ᐊᑏ ᓄᓇᕐᔪᐊᖅ ᐃᖏᕐᕋᕕᒋᔭᕐᑐᓕᕐᓯᐅᒃ!” ᑖᒃᑯᐊ ᓄᓇᕐᔪᐊᖅ ᓈᓪᓗᒍ ᐃᖏᕐᕋᓕᕐᐳᑦ. 8ᑕᕝᕙ ᐂᓐᖏᓕ ᓂᓪᓕᕐᐳᖅ ᐅᕙᓐᓄᑦ, “ᑕᑯᒋᑦ ᐅᑯᐊ ᐅᓐᓄᐊᑉ ᓇᓛᓄᑦ ᐊᐅᓪᓚᕐᑐᑦ ᐊᑕᓂᐅᑉ ᐊᓂᕐᓂᖓᑕ ᓂᓐᖓᐅᒪᓂᖓ ᐃᑯᓪᓚᐅᒥᑎᑉᐹ.”
ᐱᖁᔨᓂᖅ ᔮᓱᐊ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᑕᐅᖁᓪᓗᒍ
9ᐊᑕᓂᐅᑉ ᐃᒫᒃ ᐅᖃᕐᕕᒋᕚᖓ, 10“ᑐᓂᕐᕈᑎᑦ ᐱᔭᕐᑐᒃᑭᑦ ᑎᒍᔭᐅᓯᒪᔪᕕᓂᕐᓂᑦ ᐅᑎᕋᑖᕐᑐᓂᑦ ᐹᐱᓘᓂᒥᑦ, ᐅᑯᐊ ᕼᐃᐅᓪᑍ, ᑐᐱᐊ, ᔨᑍᐊᐅᓪᓗ ᑐᓂᕐᕈᑎᖏᑦ. ᐅᓪᓗᒥᓗ ᑕᕝᕙᓂᑦᓮᓐᓇᖅ ᐂᓗᑎᑦ ᔫᓮᐊᐅᑉ ᐃᒡᓗᖓᓄᑦ ᔨᐸᓁᐊᐅᑉ ᐃᕐᓂᖓᓄᑦ. ᑖᒃᑯᐊᓕᒫᑦ ᐅᑎᕐᓯᒪᖕᒪᑕ ᐹᐱᓘᓂᒧᑦ ᐊᐅᓪᓚᕐᑎᑕᐅᓯᒪᓂᕐᒥᑦ. 11ᑖᒃᑯᐊ ᑐᓂᕐᕈᑎᖏᓐᓂᒃ ᓯᐅᓪᕕᕆᓂᒃ ᒎᓗᓂᒡᓗ ᓂᐊᖂᑎᓕᐅᕆᑦ, ᐃᓕᓗᒍᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ ᔮᓱᐊᒧᑦ ᔨᕼᐅᔭᑕᐅᑉ ᐃᕐᓂᖓᓄᑦ. 12#ᔨᕆᒤᐊ 23:5; 33:15; ᓴᑲᕅᐊ 3:8.ᐅᖃᐅᑎᒍᒃ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᒪᑦ, “ᐅᓇ ᐊᖑᑦ ᓇᐹᕐᑑᑉ ᐊᕙᓚᖓᔪᐊᓂᒃ ᐊᑎᖃᕐᐳᖅ, ᐃᓂᒋᔭᒥᓂᑦ ᐱᕈᕐᐸᓪᓕᐊᔪᒫᕐᒪᑦ ᑐᒃᓯᐊᕐᕕᒡᔪᐊᓕᐅᕐᓗᓂᓗ ᐊᑕᓂᕐᒧᑦ. 13ᑖᓐᓇ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᓴᓇᔪᒫᕐᐳᖅ, ᐊᖓᔪᖅᑳᕐᔪᐊᕐᓯᐅᑎᓂᒡᓗ ᐅᐱᒋᔭᐅᑦᔪᑎᓂᒃ ᐊᑐᕈᒫᕐᐳᖅ ᐃᒃᓯᕙᐅᑕᕐᔪᐊᕐᒥᓗ ᐃᒃᓯᕚᕐᓗᓂ. ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒫᕐᐳᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᓗᓂ. ᐃᓂᒋᔭᖏᒡᓗ ᑖᒃᑯᐊᒃ ᒪᕐᕉᒃ ᐱᓇᓱᐊᖃᑎᒌᑦᓯᐊᕈᒫᕐᐴᒃ.”’ 14ᐊᖓᔪᖅᑳᕐᔪᐊᕐᓯᐅᑦ ᓇᓴᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓃᓪᓗᓂ ᐃᖅᑲᐅᒪᑦᔪᑎᒃᓴᐅᓂᐊᕐᐳᖅ ᕼᐄᓪᑍᒧᑦ, ᑐᐱᐊᒧᑦ, ᔨᑍᐊᒧᓪᓗ, ᔪᓮᐊᒧᓪᓗ ᔨᐸᓁᐊᐅᑉ ᐃᕐᓂᖓᓄᑦ.”
15ᐅᖓᓯᒃᑐᒥᑦ ᐱᓯᒪᔪᑦ ᐃᑲᔪᕆᐊᕈᒫᕐᐳᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᓴᓇᒃᑲᓐᓂᖃᑕᐅᔭᕐᑐᕐᓗᑎᒃ, ᑕᒪᓐᓇᓗ ᖃᐅᔨᒃᑲᓐᓂᕈᑎᒋᔪᒫᕐᐸᓯ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ. ᑍᒤᑦᓱᒫᕐᐳᖅ ᓈᓚᑦᓯᐊᕈᑦᓯ ᐊᑕᓂᐅᑉ ᐱᖁᔭᖏᓐᓂᒃ.
Currently Selected:
ᓴᑲᕅᐊᐅᑉ ᐊᒡᓚᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
