ᓴᑲᕅᐊᐅᑉ ᐊᒡᓚᖏᑦ 5
5
ᑎᑎᖅᑲᓂᒃ ᐃᒧᓲᓂᒃ ᖃᖓᑕᔪᓂᒃ ᑕᑯᑎᑕᐅᓂᖅ
1ᓱᓕ ᖁᒻᒧᑦ ᑕᑯᒋᐊᕐᒥᒐᒪ, ᑕᑯᓕᕆᕗᖓ ᑎᑎᖅᑲᓂᒃ ᐃᒧᓲᓂ ᓯᓚᒃᑯᑦ ᐃᖏᕐᕋᔪᓂᒃ. 2ᐂᖏᓕᐅᓪᓗ “ᐊᐱᕆᕚᖓ ᓱᓇᒥᒃ ᑕᑯᕕᑦ?” ᑭᐅᕙᕋᓗ “ᑕᑯᕗᖓ ᑎᑎᖅᑲᓂᒃ ᐃᒧᓲᓂᒃ ᓯᓚᒃᑯᑦ ᖃᖓᑕᔪᓂᒃ; 30ᓂᒃ ᐃᑎᒐᓂᒃ ᑕᑭᓂᖃᕐᑐᓂᒃ 15ᓂᒡᓗ ᐃᑎᒐᓂᒃ ᓴᓂᒧᑐᑎᒋᔪᓂᒃ.”
3ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ. 4ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”
ᐊᕐᓇᒥᒃ ᐃᕕᐅᔭᐅᑉ ᐃᓗᐊᓃᑐᒥᒃ ᑕᑯᑎᑕᐅᓂᖅ
5ᐂᖏᓕ ᐅᕙᓐᓄᑦ ᐅᖃᓚᐅᕐᑐᖅ ᓴᖅᑭᒻᒥᒐᒥ ᐅᖃᐅᑎᒋᕚᖓ, “ᖁᒻᒧᑦ ᑕᑯᓴᕆᑦ, ᓴᖅᑭᓕᕐᑐᒥᒃ ᑕᑯᖁᓪᓗᑎᑦ.”
6ᐊᐱᕆᕙᕋ, “ᓱᓇᐅᖕᒪᑦ?” ᑭᐅᕚᖓ, “ᐃᕕᐅᔭᖅ ᓴᓇᓯᒪᔪᖅ ᓴᕿᑉᐳᖅ,” ᐅᖃᕆᓪᓗᓂ, “ᑖᓐᓇ ᑐᑭᖃᕐᑐᖅ ᓄᓇᒦᑦᑐᓕᒫᑦ ᐱᐅᖏᑦᑐᓕᓂᖏᓐᓂᒃ.”
7ᐃᕕᐅᔭᖅ ᒪᑐᖃᕐᐳᖅ ᑯᓯᕐᓯᐊᒥᒃ, ᒪᑐᐃᕐᑕᐅᖕᒪᓪᓗ, ᐊᕐᓇᖅ ᐃᓗᐊᓂ ᐃᒃᓯᕚᕐᐳᖅ!
8ᐂᓐᖏᓕᐅᑉ ᐅᖃᐅᑎᕚᖓ, “ᑖᓐᓇ ᑕᕝᕙ ᐱᐅᖏᑦᑐᓕᓂᕐᔪᐊᖅ.” ᐂᓐᖏᓕᐅᑉ ᐃᓗᐊᓄᑦ ᐊᒡᔭᕐᓗᒍ ᐃᕕᐅᔭᖅ ᒪᑐᕚ. 9ᖁᒻᒧᑦ ᑕᑯᓴᕋᒪ, ᐊᕐᓈᖕᓂᒃ ᒪᕐᕉᖕᓂᒃ ᑕᑯᕗᖓ ᖃᖓᑕᓪᓗᑎᒃ ᕾᔫᖕᓂᒃ ᐅᕙᓐᓄᑦ ᐃᓴᕈᖏᑦ ᐱᔪᓐᓇᕐᓂᖃᕐᐳᑦ ᑎᖕᒥᐊᑎᑐᑦ ᓯᑐᐊᕆᒃᒥᒃ ᑍᔭᐅᔪᑎᑐᑦ, ᑖᒃᑯᐊᒃ ᐃᕕᐅᔭᖅ ᑎᒍᕚᒃ ᑎᖏᑦᔪᑎᓪᓗᒍᓗ.
10ᐂᖏᓕ ᐊᐱᕆᕙᕋ, “ᐃᕕᐅᔭᖅ ᓇᒧᓐᖓᐅᑦᔭᐅᓕᕐᐹ?”
11ᑭᐅᕚᖓ, “ᓄᓇᒧᑦ ᓯᓇᕆᒧᑦ ᑍᑲᓂ ᑐᒃᓯᐊᕐᕕᖕᒥᒃ ᐃᒡᓗᓕᐅᕐᑕᐅᖁᓪᓗᒍ; ᐃᒡᓗ ᐱᔭᕇᕐᐸᑦ, ᐃᕕᐅᔭᖅ ᑕᕝᕙᓂ ᐃᓂᖃᕈᒫᕐᒪᑦ ᑐᒃᓯᐊᕐᕕᐅᖁᓪᓗᒍ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 5: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
