ᓴᑲᕅᐊᐅᑉ ᐊᒡᓚᖏᑦ 4
4
ᑕᑯᑎᑕᐅᓂᖅ ᓇᓂᕈᐊᕐᕕᐅᑉ ᐃᓂᖓᓂᒃ
1ᐂᖏᓕᓗ ᐅᕙᓐᓄᑦ ᐅᖃᓪᓚᓚᐅᕐᑐᖅ ᕾᒋᕗᖅ, ᑐᐹᕐᐸᖓᓗ ᓯᓂᒃᑐᕕᓂᐅᔮᕐᑎᓪᓗᖓ. 2ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?”
ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ. 3#ᑕᑯᑎ 11:4.ᑕᕝᕙᓂᓗ ᒪᕐᕉᖕᓂᒃ ᓇᐹᕐᑐᖃᕐᐳᖅ ᐅᕐᓱᒃᓴᓕᖕᓂᒃ ᓇᓂᕈᐊᖃᕐᕕᐅᑉ ᐊᕙᑖᓃᑦᑐᓂᒃ.” 4ᐂᖏᓕᓗ ᐊᐱᕆᕙᕋ, “ᐅᑯᐊ ᖃᓄᖅ ᑐᑭᖃᕐᐸ, ᐊᑕᓂᕋ?”
5ᐂᖏᓕᐅᑉ ᑭᐅᕚᖓ, “ᑐᑭᖓᓂᒃ ᖃᐅᔨᒪᖏᓐᓇᕖᑦ?”
ᐅᖃᕐᐳᖓᓗ, “ᐊᑕᓃᖅ ᑐᑭᖓᓂᒃ ᖃᐅᔨᒪᓐᖏᓚᖓ.”
ᒎᑎᐅᑉ ᐊᖏᕐᓂᖓ ᔨᕈᐸᐱᐅᓪᒧᑦ
6ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ. 7ᐊᒡᕕᐊᕐᑐᑦ ᖃᖅᑳᓗᒃᑎᑐᑦ ᐊᖏᑎᒋᔪᑦ ᔨᕈᐸᐱᐅᓕᐅᑉ ᓵᖓᓂ ᐊᓯᐅᓂᐊᕐᐳᑦ. ᑐᒃᓯᐊᕐᕕᒡᔪᐊᖅ ᓴᓇᒃᑲᓐᓂᕐᓂᐊᕐᐸᑦ, ᐅᔭᕋᒃ ᑭᖑᓪᓕᕐᐹᖅ ᐃᓕᒍᕕᐅᒃ, ᐃᓄᐃᑦ ᓂᐱᖅᑯᕐᑐᓗᑎᒃ ᓂᓪᓕᐊᔪᒫᕐᐳᑦ, ‘ᐱᐅᔪᐊᓗᒃ, ᐱᐅᔪᐊᓗᒃ!’”
8ᓱᓕᒃᑲᓐᓂᖅ ᐊᑕᓂᐅᑉ ᐅᖃᕐᕕᒋᕚᖓ, ᐅᖃᕐᓗᓂ, 9“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.
10 #
ᐄᓱᕋ 5:2. #
ᑕᑯᑎ 5:6. “ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.”
ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”
11 #
ᑕᑯᑎ 11:4. ᐊᐱᕆᕙᕋᓗ, “ᐅᑯᐊᒡᓕ ᓇᐹᕐᑑᒃ ᒪᕐᕉᒃ ᐅᕐᓱᒃᓴᓕᖕᓂᒃ ᐸᐅᕐᖓᖃᓲᒃ, ᓇᓂᕈᐊᖃᕐᕕᐅᑉ ᐊᕙᑖᓃᑦᑑᒃ ᖃᓄᖅ ᑐᑭᖃᕐᐸᒃ?” 12ᐂᖏᓕᓗ ᐊᐱᕆᒃᑲᓐᓂᕆᕙᕋ, “ᓇᐹᕐᑑᓪᓗ ᐊᕙᓚᖓᔪᖏᒃ ᐅᑯᐊᒃ ᓇᐹᕐᑑᑉ ᐸᐅᕐᖓᖏᑕ ᐅᕐᓱᐊᓂᒃ ᑯᕕᕝᕕᖏᑕ ᒪᕐᕉ ᒎᓘᒃ ᐊᕙᑖᓃᑦᑑᒃ ᖃᓄᖅ ᑐᑭᖃᕆᕚᒃ?”
13ᑭᐅᕚᖓᓗ, “ᖃᐅᔨᒪᖏᓐᓇᕖᑦ ᖃᓄᖅ ᑐᑭᖃᕐᒪᖔᑕ?”
ᐅᖃᐅᑎᕙᕋ, “ᐊᑕᓃᖅ ᑐᑭᓯᓐᖏᓚᒃᑲ.”
14ᐃᒫᒃ ᐅᖃᐅᑎᕚᖓ, “ᐅᑯᐊ ᑕᕝᕙ ᐊᖑᑏᒃ ᒪᕐᕉᒃ ᓂᕈᐊᕐᑕᐅᓯᒪᓪᓗᑎᒃ ᐅᕐᓱᒧ ᓂᐊᖁᖓᒍᑦ ᑯᕝᕕᕆᔭᐅᓯᒪᔫᒃ ᐊᑕᓂᕐᒥᒃ ᐱᔨᑦᓯᕐᑎᐅᖁᓪᓗᒋᑦ ᓄᓇᕐᔪᐊᓕᒫᒥ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
