ᓴᑲᕅᐊᐅᑉ ᐊᒡᓚᖏᑦ 3
3
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑕᑯᑎᑕᐅᓂᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ
1 #
ᐄᓱᕋ 5:2;
ᑕᑯᑎ 12:10. ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ 2#ᔫᑎᐅᑉ 1:9.ᑕᕝᕙ ᐊᑕᓂᐅᑉ ᐂᖏᓕᖓ ᐅᖃᕐᐳᖅ ᓵᑖᓇᓯᒧᑦ, “ᓵᑖᓇᓰ ᐊᑕᓂᐅᑉ ᓱᒋᐊᕐᓕᑎᑦ, ᐊᑕᓂᐅᑉ ᔨᕉᓴᓕᒥᒃ ᓂᕈᐊᕐᓯᒪᔫᑉ, ᓱᒋᐊᕐᓕᑎᑦ ᐅᓇ ᐊᖑᑦ ᐊᑦᔨᖃᕐᒪᑦ ᕿᔪᖕᒥᒃ ᓇᐹᕐᑐᕕᓂᐅᑉ ᐃᓚᖓᓂᒃ ᐃᑯᐊᓚᔪᒥᑦ ᑎᒍᔭᐅᓯᒪᔪᑐᑦ.”
3ᔮᓱᐊᓗ ᑕᕝᕙᓂ ᓇᖏᕐᐳᖅ ᐊᓐᓄᕌᕐᓯᒪᓪᓗᓂ ᓴᓗᒤᑦᑐᓂᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. 4ᐂᖏᓕᓗ ᕿᓚᖕᒥᐅᖑᖃᑎᒥᓄᑦ ᑕᕝᕙᓃᑦᑐᓄᑦ ᐅᖃᕐᐳᖅ, “ᐆᒪ ᐊᓐᓄᕌᑦ ᓴᓗᒤᑦᑐᑦ ᐊᑐᕐᑕᖏᑦ ᐲᕐᓯᐅᒃ.” ᔮᓱᐊᒧᓪᓗ ᐅᖃᕆᕗᖅ, “ᑕᑯᒋᑦ ᐊᔪᕐᓂᑎᑦ ᐲᕐᐸᒃᑲ ᓄᑖᓂᒡᓗ ᐊᓐᓄᕌᓂᒃ ᐊᑎᓯᑎᑦᓱᒪᕙᒋᑦ.”
5ᐂᖏᓕᐅᓪᓗ ᕿᓚᖕᒥᐅᖑᖃᑎᓂ ᑕᕝᕙᓃᑦᑐᑦ ᐱᖁᕔᑦ ᔮᓱᐊ ᓇᓴᕐᑕᐅᖁᓪᓗᒍ ᖃᓪᓗᓈᕐᑕᒥᒃ ᓴᓗᒪᔪᒥᒃ ᓂᐊᖁᕐᒧᑦ ᓂᒻᒪᐅᑎᓯᒪᔪᒥᒃ. ᑍᒫᒡᓗ ᐱᕗᑦ, ᓄᑖᓂᒡᓗ ᐊᓐᓄᕌᕐᑎᑉᐹᑦ, ᐂᖏᓕ ᑕᕝᕙᓂ ᓇᖏᕐᑎᓪᓗᒍ.
6ᐂᖏᓕᐅᓪᓗ ᔮᓱᐊ ᐅᖃᐅᑎᓕᕐᐹ ᐅᖃᕐᓗᓂ, 7“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ; ᐱᖁᔭᒃᑲ ᒪᓕᑦᓯᐊᕈᕕᒋᑦ ᐱᔭᕆᐊᖃᕐᑕᑎᓪᓗ ᑎᓕᓯᑦᔪᑎᒃᑲ ᐃᓕᖕᓄᑦ ᐊᑐᑦᓯᐊᕈᕕᒋᑦ, ᑕᕝᕙ ᐃᒡᓗᓐᓂ ᐊᐅᓚᑦᓯᔨᐅᓂᐊᕐᐳᑎᑦ ᐃᒡᓗᕈᓯᖏᓐᓄᓪᓗ, ᐊᑦᔨᒋᔭᐅᑎᓐᓂᐊᕐᐸᒋᓪᓗ ᐅᕙᓂ ᐃᓂᖃᕐᑐᓄᑦ. 8#ᔨᕆᒤᐊ 23:5; 33:15; ᓴᑲᕅᐊ 6:12.ᔮᓱᐊ ᓈᓚᑦᓯᐊᕆᑦ, ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᑎᑦ; ᐃᓕᑦᓯᓗ ᑐᓂᕐᕈᓯᕐᑎᑦᓯᔨᐅᔪᓯ ᑖᑦᓱᒥᖓ ᐊᖓᔪᖅᑳᖃᕐᑐᓯ ᓈᓚᑦᓯᐊᕆᓯ, ᓯᕗᓂᒃᓴᒧᑦ ᑕᑯᔭᒃᓴᑦᓯᐊᕙᐅᔪᓯ: ᐱᔨᒐ ᓴᖅᑭᑎᑦᓱᒪᒐᒃᑯ ᑍᔭᐅᔪᖅ ᓇᐹᕐᑑᑉ ᐊᕙᓚᖓᔪᐊᓂᒃ. 9ᐃᓕᓯᓂᐊᕋᒪ ᐅᔭᕋᖕᒥᒃ ᐊᑕᐅᓯᕐᒥᒃ, ᔮᓱᐊᑉ ᓵᖓᓄᑦ, 7ᓂᒃ ᑮᓇᖃᕐᑐᓂᒃ, ᑎᑎᕋᕐᕕᒋᓯᒪᓂᐊᕐᐳᖅ ᐃᒫᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᓄᓇᖃᕐᑐᑦ ᑕᕝᕙᓂ ᐊᔪᕐᓂᖏᑦ ᐲᕐᓂᐊᕐᐸᒃᑲ ᐅᓪᓗᒥ ᐊᑕᐅᓯᕐᒥ. 10#ᒤᑲ 4:4.ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᐅᓪᓗᖅ ᑍᓐᓇ ᓇᓪᓕᐅᑎᒃᐸᑦ, ᐃᓕᑦᓯ ᐊᑐᓂᑦ ᓄᓇᖅᑲᑎᑦᓯᓐᓂᒃ ᕾᖁᔨᔪᒫᕐᐳᓯ ᖃᓄᐃᖏᑦᓯᐊᕐᓂᕐᒥ ᖁᕕᐊᓱᖃᑎᒋᓗᒋᑦ ᐃᒃᓯᕙᖃᑎᒋᓗᒋᑦ ᐱᕈᕐᑐᒃᑯᕕᖕᒥ ᕔᓂᓕᒃᓮᓪᓗ ᐱᒋᓕᒃᓮᓪᓗ ᓇᐹᕐᑐᑦ ᐊᑖᓐᓂ.”
Currently Selected:
ᓴᑲᕅᐊᐅᑉ ᐊᒡᓚᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
