ᓲᓗᒨᓂᐅᑉ ᐃᓐᖏᕈᓯᖏᑦ 7
7
ᐊᖑᑦ
1ᐱᓱᖕᓃᑦ ᑕᑯᕋᓐᓂᕐᐳᑦ ᐃᑎᒐᒍᓯᕐᓯᒪᑎᓪᓗᑎᑦ,
ᐊᖓᔪᖅᑳᕐᔪᐊᑉ ᐸᓂᖓᑐᑦ.
ᖁᒃᑐᕌᒃᑭᒃ ᐅᔭᕋᒃᑎᑐᑦ ᐱᕕᐊᕐᓇᕐᑐᑎᑐᑦ ᕾᕋᑎᒋᕘᒃ,
ᐊᔪᖏᑦᑐᐊᓗᖕᒧᑦ ᓴᓇᔭᐅᓯᒪᔪᒃᑎᑐᑦ.
2ᖃᓚᓰᑦ ᐊᖕᒪᓗᕐᐳᖅ ᐃᒥᐅᑎᑐᑦ,
ᕔᓂᓂᒃ ᑲᑎᓯᒪᔪᓂᒃ ᐃᒪᕾᓐᓇᕐᑐᑐᑦ.
ᓈᑦ ᓂᐊᖂᔭᒃᓴᑎᑐᑦ ᐊᓂᖓᑦᓯᐊᕐᐳᖅ,
ᓄᓇᕋᕐᓂᒃ ᓕᓕᓂᒃ ᐊᕙᓗᓯᒪᔪᑐᑦ.
3ᐃᕕᐊᖐᑭᒃ ᓄᕐᕌᖕᓂᒃ ᒪᕐᕈᖕᓂᒃ ᒥᒃᓯᖃᕐᐴᒃ,
ᒐᔨᐊᓕᐅᑉ ᒪᕐᕈᓕᐊᖏᖕᓂᒃ.
4ᖁᖓᓰᑦ ᑑᒑᕐᑎᑐᑦ ᓇᐸᔪᓕᐊᕆᓯᒪᔪᑐᑦ ᑍᒤᑉᐳᖅ,
ᐃᔩᒃᑭᒡᓗ ᑕᓯᕐᑎᑐᑦ ᕼᐃᓴᐸᓂᒥ ᓄᓇᓕᖕᓃᑦᑐᑎᑐᑦ ᑍᒤᑉᐴᒃ,
ᐃᑎᕐᑕᕐᕕᐅᑉ ᐹᑦ ᕌᐱᒥᒃ ᐊᑎᓕᖕᒦᑦᑐᑎᑐᑦ.
ᕿᖎᑦ ᓄᕗᕈᓯᕐᑐᑦ ᓕᐸᓇᓂᒦᑦᑐᑐᑦ ᑍᒤᑉᐳᖅ, ᑕᒫᓯᑰᓯᒥᒃ ᑕᑯᓐᓈᕐᓗᑎᑦ.
5ᓂᐊᖁᐃᑦ ᒪᑭᑕᑦᓯᐊᕐᐳᖅ ᓲᕐᓗ ᖃᖅᑲᖅ ᑳᕐᒥᐅᓪᒥᒃ ᐊᑎᓕᒃᑐᑦ,
ᓄᔭᕐᑎᓪᓗ ᓂᕕᖓᔪᑦ ᓲᕐᓗ ᖃᓪᓗᓈᕐᑍᑦ ᐱᐅᓂᕐᐹᑦ,
ᐱᐅᔪᐊᓘᓂᖏᓐᓄᑦ ᐊᖓᔪᖅᑳᕐᔪᐊᑉ ᑕᑯᓐᓇᑐᐃᓐᓇᕈᒪᕔᑦ.
6ᐃᓂᖁᓇᕐᐳᑎᑦ ᑕᑯᒥᓇᕐᓗᑎᓪᓗ, ᓇᒡᓕᖕᓇᕐᑐᑎᑦ,
ᖁᕕᐊᒋᔭᕐᓂᒃ ᐱᓯᒪᕗᑎᑦ.
7ᓇᐹᕐᑐᑐᑦ ᐹᒥᒥᒃ ᐊᑎᓕᒃᑐᑦ ᓇᖏᕐᑐᑐᑦ ᑍᒤᑉᐳᑎᑦ,
ᐃᕕᐊᖐᒃᑭᒡᓗ ᕔᓂᒃᓴᑎᑐᑦ ᑲᑎᓐᖓᔪᑎᑐᑦ ᑍᒤᑉᐴᒃ.
8ᐅᖃᕐᐳᖓ, “ᓇᐹᕐᑐᒧᖅ ᐹᒥᒥᒃ ᐊᑎᓕᖕᒧᑦ ᒪᔪᕋᕈᒪᕗᖓ,
ᐊᕙᓚᖓᔪᖏᑦ ᑎᒍᓗᒋᑦ.”
ᐃᕕᐊᖐᒃᑭᒃ ᕔᓂᒃᓴᑎᑐᑦ ᑲᑎᓐᖓᔪᑎᑐᑦ ᑍᒤᑉᐴᒃ.
ᖃᓂᕐᐱᓪᓗ ᑎᐱᖓ ᐋᐴᑉ ᑎᐱᖓᑐᑦ ᑍᒤᑉᐳᖅ.
9ᖃᓂᕐᓂᑦ ᕔᓂ ᒪᒪᕐᓂᕐᐹᖅ ᐱᕗᖅ.
ᐊᕐᓇᖅ
ᓇᒡᓕᒋᔭᕋ, ᕔᓂᒥᒃ ᒪᒪᕐᑐᒥᒃ ᐃᒥᕐᓕ,
ᑯᕕᓗᓂᓗ ᖃᓂᖓᓄᑦ ᑭᒍᑎᖏᑎᒍᑦ.
10ᓇᒡᓕᒋᔭᒪ ᐱᒋᕚᖓ, ᐅᕙᓐᓂᒡᓗ ᐱᔪᒪᔭᖃᕐᐳᖅ.
11ᐅᖓᔮᒃ, ᕾᓕᕆᑦ,
ᓄᓇᒧᑦ ᓇᑎᕐᓇᒧᑦ ᐂᓕᕐᓗᒃ;
ᓄᓇᓕᖕᓂ ᒥᑭᓐᓂᕐᓴᓂ ᓯᓂᒃᑕᕆᐊᓕᕐᓗᒃ.
12ᐅᓪᓛᕈᕐᓗᓄᒃ ᕔᓂᒃᓴᓂᒃ ᐱᕈᕐᓰᕖᑦ ᑕᑯᔭᕐᑐᓛᕋᑦᑎᒃᑯᒃ,
ᕔᓂᒃᓴᒃᑯᕖᑦ ᓄᓇᕋᖃᓕᕐᒪᖔᑕ,
ᐸᐅᕐᖓᒃᓴᓂᒃ ᒍᕇᑉᓯᓂᒃ ᐊᑎᓖᖕᓂᒃ, ᐹᒪᒍᕌᓂᒃᓮᓪᓗ ᓄᓇᕋᖃᓕᕐᒪᖔᑕ.
ᑕᕝᕙ ᑍᑲᓂ ᓇᒡᓕᖕᓂᓐᓂᒃ ᑐᓂᓯᕕᒋᔪᒪᕙᒋᑦ.
13ᐱᕈᕐᑐᐃᑦ ᒫᓐᑐᕅᒃᓯᓂᒃ ᐊᑎᓖᑦ ᑎᐹᕿᕗᑦ,
ᐃᑎᕐᑕᕐᕕᑦᑕᓗ ᓯᓚᑖᓂ ᐸᐅᕐᖓᖏᑦ ᒪᒪᕐᑐᑦ ᐱᑕᖃᕐᐳᑦ,
ᑕᒪᕐᒥᒃ ᓄᑖᑦ ᐱᑐᖃᐅᓂᕐᓮᓪᓗ,
ᐃᓕᖕᓄᑦ ᓇᒡᓕᒋᔮᒃ, ᐸᕐᓇᒃᓯᒪᔭᒃᑲ.
Currently Selected:
ᓲᓗᒨᓂᐅᑉ ᐃᓐᖏᕈᓯᖏᑦ 7: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
