ᓲᓗᒨᓂᐅᑉ ᐃᓐᖏᕈᓯᖏᑦ 2
2
1ᓄᓇᕋᐅᕗᖓ ᕉᓯᒥᒃ ᐊᑎᓕᒃ ᓄᓇᒥᑦ ᓵᕋᓐᒥᑦ ᐱᓯᒪᕗᖓ,
ᐱᕈᕐᓯᐊᖑᓪᓗᖓᓗ ᓕᓕᒥᒃ ᐊᑎᓕᒃ ᓇᑎᕐᓇᒦᑦᑐᖅ.
ᐊᖑᑦ
2ᐱᕈᕐᓯᐊᑐᑦ ᓕᓕᒥᒃ ᐊᑎᓕᒃᑐᑦ,
ᑲᑭᓪᓚᕐᓇᕐᑐᑦ ᐊᑯᓐᓂᖓᓃᑦᑐᑐᑦ,
ᓇᒡᓕᒋᔭᕋ ᑍᒤᑉᐳᖅ ᐅᐃᒡᒐᓱᐃᑦ ᐊᑯᓐᓂᖓᓂ.
ᐊᕐᓇᖅ
3ᓇᐹᕐᑐᑐᑦ ᐋᐳᓂᒃ ᐸᐅᕐᖓᓕᒃᑐᑦ, ᓇᐹᕐᑐᑐᐃᓐᓁᑦ ᐊᑯᓐᓂᖓᓃᑦᑐᑐᑦ,
ᓇᒡᓕᒋᔭᕋ ᑍᒤᑉᐳᖅ ᐊᖑᑏᑦ ᐃᓅᓱᒃᑐᐃᑦ ᐊᑯᕐᖓᓂ.
ᖁᕕᐊᓱᒻᒪᕆᒡᓗᖓ ᐃᒃᓯᕚᕐᐳᖓ ᑕᕐᕋᓕᓂᖓᓂ,
ᐸᐅᕐᖓᖏᓪᓗ ᒪᒪᕐᐳᑦ ᓂᕆᒋᐊᖏᑦ.
4ᐃᒡᓗᒧᑦ ᓂᕆᕕᒡᔪᐊᕐᕕᖕᒧᑦ ᐃᑎᕐᑎᑉᐹᖓ,
ᓮᒻᒪᑎᖓᓗ ᖁᓕᓐᓃᑦᑐᖅ ᓇᒡᓕᖕᓂᐅᕗᖅ.
5ᓄᑭᒃᑖᕐᑎᓐᖓ ᐸᐅᕐᖓᐅᔭᓂᒃ ᓂᕆᑎᓪᓗᖓ,
ᓄᑖᓐᖑᕐᑎᓚᐅᖓ ᐋᐳᓂᒃ ᓂᕆᑎᓪᓗᖓ,
ᐅᖓᒋᔭᓐᓂᒃ ᐃᓱᒪᑐᐊᖃᓕᕋᒪ.
6ᑕᕝᕙᑐᖅ ᓴᐅᒥᐊ ᓂᐊᖁᕐᒪ ᐊᑖᓃᓪᓕ,
ᑕᓕᕐᐱᖕᒥᓄᓪᓗ ᐃᕿᒻᒥᓪᓗᖓ.
7ᔨᕉᓴᓕᒥᐅᑦ ᐸᓂᖏᑦ ᐊᖏᒻᒪᕆᖁᕙᑦᓯ;
ᒐᓯᐅᓖᑦ ᑐᒃᑐᖓᔪᓪᓗ ᐊᖅᑯᑎᒋᓗᒋᑦ,
ᐸᒡᕕᓴᖁᓇᓯ ᑲᒪᖁᓇᓯᓗ ᓇᒡᓕᒃᑎᒌᖕᓂᖅ ᓈᒻᒪᒃᓯᖏᓐᓂᖓᓂ.
ᐃᓐᖏᕈᓯᐅᑉ ᐂᑉᐸᖓ
ᐊᕐᓇᖅ
8ᐅᖓᒋᔨᒪ ᓂᐱᖓ ᑐᓴᕐᐸᕋ.
ᑕᑯᒋᑦ ᕾᕗᖅ, ᐊᓪᓗᖃᕐᑕᕐᓗᓂ ᖃᖅᑬᑦ ᖄᖏᑎᒍᑦ,
ᐱᖑᐃᓪᓗ ᖄᖏᑎᒍᑦ ᕿᒡᒋᖃᕐᑕᕐᓗᓂ.
9ᐅᖓᒋᔨᒐ ᒐᓯᐅᓕᑎᑐᑦ ᑍᒤᑉᐳᖅ, ᐸᖕᓂᕈᕋᑖᕐᑐᑎᑐᓪᓗ
ᑕᑯᒋᑦ, ᐃᒡᓗᑦᑕ ᐊᑭᓐᓇᖓᑕ ᓯᓚᑖᓂ ᓇᖏᕐᐳᖅ,
ᐃᓗᒻᒧᓪᓗ ᐃᒐᓛᒃᑯᑦ ᐃᑦᑐᐊᖓᓪᓗᓂ,
ᑕᑯᓐᓇᕐᐳᖅ ᐱᕈᕐᓯᐊᒃᑯᕖᑦ ᐊᑯᓐᓂᖏᑎᒍᑦ.
10ᐅᖓᒋᔨᒐ ᓂᓪᓕᕋᒥ ᐅᖃᕐᕕᒋᕚᖓ.
ᐊᖑᑦ
“ᕾᓕᕆᑦ ᓇᒡᓕᒋᔮᒃ,
ᐱᐅᒋᔮᒃ ᕾᓗᑎᑦ ᒪᓕᓐᖓ;
11ᑕᑯᒋᑦ, ᐅᑭᐅᖅ ᐊᓂᒍᕐᐳᖅ, ᓯᓚᓗᖃᑦᑕᕈᓐᓁᕐᓗᓂᓗ.
12ᓄᓇᒥ ᐱᕈᕐᑐᑦ ᓴᖅᑭᑉᐳᑦ.
ᑐᓴᕐᓂᕋᕐᕕᒃ ᑕᕝᕙ ᓇᓪᓕᐅᑎᕗᖅ;
ᑑᕖᑦ ᓂᓪᓕᐊᔪᑦ ᑐᓴᕐᓴᐅᓕᕐᐳᑦ ᓄᓇᑦᑎᓐᓂ.
13ᓇᐹᕐᑐᑦ ᐱᒋᓕᖕᓂᒃ ᐸᐅᕐᖓᓖᑦ ᐱᕈᕇᓕᕐᐳᑦ,
ᕔᓂᒃᓮᓪᓗ ᐱᕈᓕᕐᓱᑎᒃ; ᑎᐱᑦᓯᐊᕆᓕᕐᓱᑎᒡᓗ.
ᒪᑭᓕᕆᑦ ᓇᒡᓕᒋᔮᒃ, ᐱᐅᒋᔮᒃ,
ᕾᓗᑎᑦ ᒪᓕᓚᐅᓐᖓ.
14ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ,
ᕾᕐᑑᑉ ᐃᔨᕐᓯᒪᕕᖏᓐᓂ,
ᑮᓁᑦ ᑕᑯᓚᐅᕐᓚᒍ,
ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ,
ᐃᓂᖁᓇᕐᑐᐊᓘᓪᓗᑎᓪᓗ.
15ᑎᕆᒐᓂᐊᕋᓱᒋᑦ, ᑎᕆᒐᓂᐊᕋᓛᓂᒃ,
ᓱᒃᑯᐃᕙᖕᒪᑕ ᕔᓂᒃᓴᓂᒃ ᐱᕈᓕᕐᑐᓂᒃ,
ᕔᓂᒃᓴᖁᑎᕗᑦ ᐱᕈᕇᓕᕐᒪᑕ.”
ᐊᕐᓇᖅ
16ᓇᒡᓕᒋᔭᕋ ᐱᒋᕙᕋ ᐱᒋᒋᓪᓗᓂᖓᓗ,
ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.
17ᐅᓪᓛᑯᑦ ᐊᓄᕋᔮᕐᓂᖓᓂ ᖃᐅᒻᒪᓚᐅᖏᓐᓂᖓᓂᓗ,
ᓇᒡᓕᒋᔮᒃ ᐅᕙᓐᓄᑦ ᐅᑎᓚᐅᕆᑦ, ᒐᓯᐊᓕᑎᑐᑦ,
ᐸᖕᓂᕈᕋᑖᕐᑐᑎᑐᓪᓘᓐᓃᑦ ᖃᖅᑲᓃᑦᑐᑎᑐᑦ.
Currently Selected:
ᓲᓗᒨᓂᐅᑉ ᐃᓐᖏᕈᓯᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
