ᓲᓗᒨᓂᐅᑉ ᐃᓐᖏᕈᓯᖏᑦ 1
1
1 #
ᐊᑕᓃᑦ ᓯᕗᓪᓖᑦ 4:32. ᓲᓗᒨᓂᐅᑉ ᐃᓐᖏᕈᓯᖏᑦ ᐃᓐᖏᕈᑎᓂᑦ ᐱᐅᓂᕐᐹᑦ.
ᐃᓐᖏᕈᓰᑦ ᓯᕗᓪᓕᕐᐹᖓᑦ
ᐊᕐᓇᖅ
2ᑖᑦᓱᒪ ᑯᓂᒡᓕᖓ ᖃᓂᕐᒥᓄᑦ;
ᓇᒡᓕᒍᓱᖕᓃᑦ ᒪᒪᕐᓂᕐᓴᐅᖕᒪᑦ ᕔᓂᒥᑦ.
3ᐅᕐᓱᕐᑎᕈᑏᑦ ᑎᐱᑦᓯᐊᕆᒃᑑᖕᒪᑦ,
ᐊᑏᓪᓗ ᑍᓪᓗᒍ ᑎᐱᑦᓯᐊᕆᒃᑐᑐᑦ ᑯᕕᔭᐅᔪᑐᑦ ᑍᒤᑉᐳᖅ,
ᑍᒤᒻᒪᑦ ᐅᐃᒡᒐᓱᐃᑦ ᐅᖓᕚᑎᑦ.
4ᐊᐅᓪᓚᕈᑎᓚᐅᓐᖓ! ᐊᑏ ᑐᐊᕕᓕᕐᓗᒃ.
ᐊᖓᔪᖅᑳᕐᔪᐊᑉ ᐃᒡᓗᕈᓯᕐᒥᓄᑦ ᐃᑎᐅᑎᕚᖓ.
ᑕᕝᕙ ᖁᕕᐊᓱᖃᑎᒌᖕᓂᐊᕐᐳᒍᑦ;
ᓇᒡᓕᖕᓃᑦ ᕔᓂᒥᑦ ᐃᖅᑲᐅᒪᓂᕐᓴᕆᓂᐊᕐᐸᕗᑦ;
ᐃᓛᒃ ᓱᓪᓕᑕᐅᓪᓗᑎ ᓇᒡᓕᒋᔭᐅᕗᑎᑦ.
5ᕿᕐᓂᕐᑕᐅᕗᖓ, ᐃᓂᖁᓇᕐᑑᓪᓗᖓ,
ᐃᓕᑦᓯ ᔨᕉᓴᓕᐅᑉ ᐸᓂᖏᑦ,
ᑐᐱᕐᑎᑐᑦ ᑭᑕᕆᒦᑦᑐᑎᑑᕐᐳᓯ,
ᓲᓗᒨᓂᐅᓪᓗ ᐃᒐᓛᖏᑕ ᑖᓗᑕᖏᑎᑐᑦ.
6ᓇᕐᕈᒋᓂᐊᕐᓇᖓ ᕿᕐᓂᕐᑕᐅᓂᕋ ᐱᑦᔪᑎᒋᓗᒍ,
ᓯᕿᓂᕐᒧᑦ ᐅᕕᓂᒐ ᖃᑯᐃᓕᓯᒪᖕᒪᑦ,
ᐊᓈᓇᒪ ᐃᕐᓂᖏᑕ ᓂᓐᖓᐅᒪᕝᕕᒋᓚᐅᕐᒪᖓ,
ᑖᒃᑯᓇᓐᖓᑦ ᕔᓂᒃᓴᓂᒃ ᐱᕈᕐᓰᕕᖕᒥᒃ ᑲᒪᔨᓐᖑᕐᑎᑕᐅᓚᐅᕐᐳᖓ;
ᓇᖕᒥᓂᕐᓕ ᕔᓂᓕᒃᓴᖁᑎᒐ ᑲᒪᒋᑦᓯᐊᕈᓐᓃᓚᐅᕐᐸᕋ.
7ᓇᒡᓕᒋᔮᒃ, ᐅᖃᐅᑎᓚᐅᓐᖓ,
ᓇᓂ ᓰᐱᖁᑎᖕᓂᒃ ᒥᐊᓂᕐᓯᕙᒃᐱᑦ?
ᓇᓂᓗ ᐅᓪᓗᑯᑦ ᑕᕾᕐᓯᕐᐸᒃᐸᑦ?
ᓱᖕᒪᑦ ᓰᐱᓂᒃ ᐃᓚᕕᑦ ᒥᐊᓂᕐᓯᕕᖏᑕ ᖃᓂᒋᔮᓂ ᐱᓱᑲᑕᑐᐃᓐᓇᕐᑎᑉᐹᖓ?
ᐊᖑᑦ
8ᐊᕐᓇᓂᑦ ᐱᐅᓂᕐᐹᖑᔪᑎᑦ, ᐃᓂᒋᕙᒃᑕᓐᓂᒃ ᖃᐅᔨᒪᖏᒃᑯᕕᑦ,
ᓰᐱᖁᑎᒪ ᑐᒥᖏᑦ ᐊᑐᕐᓗᒋᑦ,
ᒎᑦᓯᖁᑎᕕᑦ ᓄᕐᕋᖏᑦ ᒪᓕᒃᑎᓪᓗᒋᑦ ᓂᕆᑎᑦᓴᕐᑐᕈᒫᕐᐸᑎᑦ,
ᓰᐱᓕᕆᔩᑦ ᑐᐱᖏᑕ ᖃᓂᒋᔮᓐᓂ.
9ᓇᒡᓕᒋᔮᒃ, ᐊᑦᔨᐅᑎᑉᐸᒋᑦ ᕿᒧᒃᓯᐅᑎᒧᑦ ᐊᕐᓇᓪᓗᕐᒧᑦ,
ᐰᕉᑉ ᐊᒃᓴᓗᐊᓕᖕᓂᒃ ᐅᓂᐊᕐᑎᖏᑕ ᕿᒧᒃᓯᐅᑎᖓᓐᓄᑦ.
10ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ,
ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.
11ᓴᓐᓇᑎᓂᐊᕐᐸᑦᑎᒋᑦ ᐱᐅᓴᐅᑎᓂᒃ ᒎᓗᓂᒃ,
ᓯᐅᓪᕕᕆᓂᒃ ᑕᕐᓴᖃᕐᓗᒋᑦ.
ᐊᕐᓇᖅ
12ᐊᖓᔪᖅᑳᕐᔪᐊᖅ ᓂᕐᕆᕕᖕᒦᑎᓪᓗᒍ,
ᑎᐱᑦᓯᐊᕆᒃᓴᐅᑎᒪ ᑎᐱᑦᓯᐊᖓ ᓯᐊᒻᒪᒃᐳᖅ.
13ᓇᒡᓕᒋᔭᕋ, ᐅᕙᓐᓄᑦ ᒨᕆᑐᑦ ᐃᒃᐱᐊᕐᔪᖕᒧᑦ ᐴᕐᓯᒪᔪᑐᑦ
ᑎᐱᑦᓯᐊᕆᒃᑐᑐᑦ ᑍᒤᑉᐳᑎᑦ,
ᐅᓐᓄᐊᖅ ᓈᓪᓗᒍ ᐃᕕᐊᖏᕐᒪ ᐊᑯᓐᓂᖓᓂ ᐊᑭᓯᕐᓯᒪᔪᑐᑦ.
14ᓇᒡᓕᒋᔭᕋ, ᐅᕙᓐᓄᑦ ᐱᕈᕐᓯᐊᑎᑐᑦ ᕔᓂᒃᓴᑎᑐᑦ ᑲᑎᓐᖓᔪᑎᑐᑦ ᕼᐃᓇᒥᒃ ᐊᑎᓕᒃᑎᑐᑦ ᑍᒤᑉᐳᖅ,
ᕔᓂᒃᓴᓕᐅᕐᕕᖕᒥ ᓄᓇᒥ ᐃᓐ-ᒋᑎᒥ ᐱᕈᕐᑐᑎᑐᑦ.
ᐊᖑᑦ
15ᑕᑯᒋᑦ, ᓇᒡᓕᒋᔮᒃ, ᐃᓂᖁᓇᕐᑐᐊᓘᔪᑎᑦ;
ᐄᓛᒃ ᐃᓂᖁᓇᕐᑐᐊᓘᔪᑎᑦ;
ᐃᔩᒃᑭᒃᓗ ᑑᕕᑎᑐᑦ ᐱᖁᓐᓂᕐᑎᒋᕘᒃ.
ᐊᕐᓇᖅ
16ᑕᑯᒋᑦ, ᓇᒡᓕᒋᔮᒃ, ᐱᐅᒋᒻᒪᕆᒃᐸᒋᑦ! ᐱᐅᔪᐊᓘᒐᕕᑦ,
ᓇᓚᕕᑦᑕᓗ ᐃᕕᖏᑦ ᑐᖑᔪᑦᓯᐊᕐᓗᑎᒃ;
17ᐃᒡᓗᑦᑕ ᓴᐅᓂᖏᑦ ᓇᐹᕐᑐᒥᑦ ᓰᑕᕆᒥᒃ ᐊᑎᓕᖕᒥᑦ ᐱᓯᒪᕗᑦ,
ᐃᒡᓗᑦᑕᓗ ᖁᓛᖓᑕ ᓴᐅᓂᖏᑦ ᓇᐹᕐᑐᓂᑦ ᐰᓂᒥᒃ ᐊᑎᓕᖕᓂᑦ ᐱᓯᒪᓪᓗᑎᒃ.
Currently Selected:
ᓲᓗᒨᓂᐅᑉ ᐃᓐᖏᕈᓯᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
