ᐃᓕᓯᒪᓃᑦ ᐃᒃᓖᓯᐊᓯᑏᔅ 12
12
1ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.” 2ᓯᕿᓂᖅ ᖃᐅᒪᔪᕐᓗ, ᑕᖅᑭᕐᓗ ᐅᓪᓗᕆᐊᓪᓗ, ᑖᕐᓯᓚᐅᕐᑎᓐᓇᒋᑦ, ᓄᕗᔧᓪᓗ ᐅᑎᓚᐅᕐᑎᓐᓇᒋᑦ ᓯᓚᓗᓚᐅᕐᑎᓪᓗᒍ; 3ᐅᓪᓗᒃᑯᑦ ᐃᒡᓗᖃᕐᑐᑦ ᓴᔪᓕᕐᐸᑕ, ᐊᖑᑏᓪᓗ ᓴᓐᖏᔪᑦ ᐅᑯᖓᓕᕐᐸᑕ, ᓂᐊᖂᔭᒃᓴᓂᒃ ᓯᖃᓪᓕᓯᔪᑦ ᓄᖅᑲᕐᐸᑕ ᐅᓄᓐᖏᓗᐊᒧᑦ, ᐃᒐᓛᒃᑯᓪᓗ ᐃᑦᓱᐊᖓᔪᑦ ᑖᕐᓯᐅᓕᕐᐸᑕ; 4ᐅᒃᑯᐊᓪᓗ ᐅᒃᑯᐊᕐᓯᒪᓕᕐᐸᑕ ᐊᖅᑯᑎᓂ, ᓯᖃᓪᓕᓯᔪᓪᓗ ᑐᓴᕐᓴᐅᑦᓯᐊᕈᓐᓃᕐᐸᑕ, ᐃᓄᐃᓪᓗ ᒪᑭᑉᐸᑕ ᑎᖕᒥᐊᕐᐸᓗᖕᒧᑦ, ᓂᑦᔭᖕᓂᖏᓪᓗ ᑐᓴᕐᓴᐅᑦᓯᐊᕈᓐᓃᕐᐸᑕ; 5ᐃᓄᐃᑦ ᑲᑉᐱᐊᓱᓕᕐᐸᑕ ᐳᕐᑐᔪᒦᓐᓂᕐᒥᒃ, ᐊᖅᑯᑎᒥᓗ ᐱᓱᒋᐊᒥ ᑲᑉᐱᐊᓱᓕᕐᐸᑕ; ᓇᐹᕐᑐᖅ ᖃᖁᐊᒐᓕᒃ ᐋᓪᒪᓂᒃ ᐊᑎᓕᖕᓂᒃ ᓄᓇᕋᕐᑖᓕᕐᐸᑦ, ᐱᒡᓕᕐᑕᐅᔮᕐᑐᕐᓗ ᓱᒃᑬᑦᑑᓕᕐᐸᑦ ᐂᕕᒋᔭᒥᓄᑦ ᐃᕿᐊᓱᓕᕐᓗᓂ.
ᐃᓄᒡᓗ ᐃᓂᒃᓴᒥᓄᑦ ᐃᓱᖃᖏᑦᑐᒧᑦ ᐂᒃᐸᑦ, ᐃᓄᐃᓪᓗ ᐃᓚᓐᖓᕐᓂᕐᒧᑦ ᕿᒃᓵᒃᑐᑦ ᐱᓱᑲᑕᓕᕐᐸᑕ ᐊᖅᑯᑎᒥ. 6ᐊᒃᓱᓈᖅ ᓯᐅᓪᕕᕆ ᑭᐱᔭᐅᖅᑳᕐᑎᓐᓇᒍ, ᐅᕝᕙᓘᓐᓃᑦ ᒪᒃᑲᐅᔭᕐᓗ ᒎᓘᔪᖅ ᓯᖁᒥᓚᐅᖅᑳᕐᑎᓐᓇᒍ; ᐃᒥᕐᑕᐅᑎᓗ ᒪᕐᕋᖅ ᐳᐂᓚᕕᖕᒥ ᓯᖁᒥᖅᑳᕐᑎᓐᓇᒍ, ᐃᒥᕐᑕᕐᕕᖕᒥᓗ ᐊᒃᓴᓗᐊᖅ ᓱᕋᓚᐅᕐᑎᓐᓇᒍ, 7ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.
8“ᑐᑭᖃᖏᑦᓚᖅ, ᐃᓛᒃ ᑐᑭᖃᖏᑦᓚᖅ,” ᐊᔪᕆᕐᑐᐃᔪᖅ ᐅᖃᕐᐳᖅ. “ᓱᓇᑐᐃᓐᓁᑦ ᑐᑭᖃᓐᖕᒋᓚᑦ.”
ᑭᖑᓪᓕᕐᐹᕐᓯᐅᑎᑦ
9ᐊᔪᕆᕐᑐᐃᔪᖅ ᓯᓚᑐᔪᑐᐃᓐᓇᐅᓚᐅᓐᖏᓚᖅ, ᖃᐅᔨᒪᓂᕐᒥᒡᓗ ᐱᑎᑦᓯᓚᐅᕐᐳᖅ ᐃᓄᖕᓄᑦ. ᐃᓱᒪᒃᓴᕐᓯᐅᓚᐅᕐᐳᖅ ᕿᓂᕐᓗᓂᓗ ᐅᖃᐅᓯᕐᓂᒃ ᒪᓕᒐᒃᓴᓂᒃ ᐅᓄᕐᑐᓂᒃ. 10ᐊᔪᕆᕐᑐᐃᔪᕐᓗ ᕿᓂᓚᐅᕐᐳᖅ ᐅᖃᐅᓯᕐᓂᒃ ᓈᒻᒪᓈᑦᓯᐊᕐᑐᓂᒃ, ᑎᑎᕋᕐᑕᖏᓪᓗ ᐅᒃᐱᕐᓇᕐᓗᑎᒃ ᓱᓕᑦᓯᐊᕐᓗᑎᒡᓗ. 11ᐅᖃᐅᓯᖏᓪᓗ ᕿᔪᒃᑎᑐᑦ ᓄᕗᓕᒃᑐᑦ ᐆᒪᔪᒥᒃ ᓄᓇᓕᕆᑦᔪᑎᒥᒃ ᑲᐱᓯᑦᔪᑎᑎᑐᑦ ᑍᒤᑉᐳᑦ, ᐅᖃᐅᓰᓪᓗ ᐃᓕᓯᒪᔪᑦ ᐅᖃᐅᓯᖏᑎᑐᑦ ᑭᑭᐊᖕᒧᑦ ᑲᑉᐳᑎᓯᒪᔪᑎᑐᑦ ᑍᒤᑉᐳᑦ. ᓰᐱᓕᕆᔨᒧᑦ ᐊᑕᐅᓯᕐᒧᑦ ᑐᓂᔭᐅᓯᒪᔪᑦ.
12ᐃᕐᓃᒃ, ᖃᐅᔨᓴᓕᕆᑦ, ᑕᒪᒃᑯᐊ ᐅᖓᑖᓂᑦᑐᓂᒃ. ᐅᖃᓕᒫᒐᒃᓴᓂᒃ ᐅᓄᕐᑐᓂᒃ ᓴᓇᓂᖅ ᐃᓱᖃᖏᒻᒪᑦ; ᐅᓄᕐᑐᓂᒡᓗ ᐃᓕᓐᓂᐊᒐᒃᓴᓂᒃ ᑐᑭᓯᓇᓱᐊᕐᓂᖅ ᑎᒥᒧᑦ ᑕᖃᓇᕐᐳᖅ.
13ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ. 14ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 12: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
