ᔪᐊᓇᓯᐅᑉ ᑕᑯᑎᑕᐅᓂᖏᑦ 9

1ᐂᖏᓖᓪᓗ ᑕᓪᓕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᑯᕗᖓ ᐅᓪᓗᕆᐊᒥᒃ ᑲᑕᒃᑐᒥᒃ ᓄᓇᕐᔪᐊᕐᒧᑦ, ᑖᓐᓇᓗ ᑐᓂᔭᐅᕗᖅ ᐃᑎᕐᓴᕐᔪᐊᑉ ᓇᑎᖃᖏᑦᑑᑉ ᐅᒃᑯᐃᕈᑎᖓᓂᒃ; 2#ᒨᓯᓯ ᓯᕗᓪᓖᑦ 19:28.ᐅᓪᓗᕆᐊᓪᓗ ᐃᑎᕐᓴᕐᔪᐊᖅ ᓇᑎᖃᖏᑦᑐᖅ ᐅᒃᑯᐃᕐᐹ, ᐃᓯᕐᓗᒡᓗ ᓴᖅᑭᑉᐳᖅ ᐃᓗᐊᓂᑦ ᐃᑯᐊᓚᑦᓯᕕᒡᔪᐊᕐᒥᑦ ᐳᔫᕐᑐᑎᑐᑦ ᑍᒤᑦᑐᖅ, ᓯᕿᓂᕐᓗ ᓯᓚᓗ ᑖᕐᓯᑎᑕᐅᕘᒃ ᐃᑎᕐᓴᕐᔪᐊᑉ ᐃᓯᕐᓗᖓᓄᑦ. 3#ᒨᓯᓯ ᐂᑉᐸᖏᑦ 10:12-15.ᐃᓯᕐᓗᖕᒥᓪᓗ ᐱᒃᓕᕐᑕᐅᔮᕐᑐᑦ ᓴᖅᑭᑉᐳᑦ ᓄᓇᕐᔪᐊᕐᒧᑦ, ᑖᒃᑯᐊᓗ ᓯᑯᐊᕐᐱᐅᓂᑎᑐᑦ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒧᑦ; 4#ᐃᓯᑭᐊᓕ 9:4.ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ; 5ᐱᒃᓕᕐᑕᐅᔮᕐᑐᓪᓕ ᐃᓄᖕᓂᒃ ᐋᓐᓂᐊᑎᓯᖁᔭᐅᕗᑦ ᑕᖅᑭᓂᒃ ᑕᓪᓕᒪᓂᒃ, ᑐᖁᑦᓯᖁᔭᐊᓇᑎᒡᓕ, ᐋᓐᓂᐊᑎᑕᐅᓂᖏᓪᓗ ᓯᑯᐊᕐᐱᐅᓂᐅᑉ ᑲᐴᑎᖓᑕ ᐋᓐᓂᐊᓇᕐᓂᖓᑐᑦ ᑍᒤᑉᐳᑦ. 6#ᔫᐱ 3:21; ᔨᕆᒤᐊ 8:3.ᑖᒃᑯᐊᓗ ᐅᓪᓗᐃᑦ ᓇᓪᓕᐅᑎᓯᒪᑎᓪᓗᒋᑦ ᐃᓄᐃᑦ ᑐᖁᑦᔪᑎᒃᓴᒥᖕᓂᒃ ᕿᓂᖃᑦᑕᕈᒫᕐᐳᑦ ᓇᓂᓯᓂᐊᓐᖏᓚᓪᓕ; ᑐᖁᔪᒪᒐᓗᐊᕈᑎᒃ, ᑐᖂᑉ ᕿᒫᔪᒫᕐᒪᒋᑦ.

7 # ᔪᐃᓕ 2:4. ᐱᒃᓕᕐᑕᐅᔮᕐᑐᓪᓗ ᑕᐅᑦᑐᖃᕐᐳᑦ ᕿᒻᒥᕐᔪᐊᑎᑐᑦ ᐅᓇᑕᕐᓂᕐᒧᑦ ᐸᕐᓇᒃᓯᒪᔪᑎᑐᑦ; ᓂᐊᖁᕐᒥᒃᑎᒍᑦ ᓂᐊᖂᑎᖃᕐᐳᑦ ᒎᓘᔮᕐᑐᓂᒃ; ᑮᓇᖃᕐᓗᑎᒡᓗ ᐃᓄᒃᑎᑐᑦ, 8#ᔪᐃᓕ 1:6.ᓄᔭᖃᕐᐳᓪᓗ ᐊᕐᓇᑎᑐᑦ, ᑭᒍᑎᖃᕐᓗᑎᒡᓗ ᓔᔭᓐᑎᑐᑦ; 9#ᔪᐃᓕ 2:5.ᓴᒡᕕᖕᒥᒃᑎᒍᓪᓗ ᓴᕕᕋᔭᐅᔮᕐᑐᒥᒃ ᓴᒡᕕᖕᒥᐅᑕᖃᕐᐳᑦ, ᐃᓴᕈᖏᑕᓗ ᐃᓴᕈᕐᓱᕐᓂᖏᑦ ᑐᓴᕐᓴᐅᓂᖃᕐᐳᑦ ᐊᒃᓴᓗᐊᓖᑦ ᑲᓕᒊᑦ ᐊᒥᓱᑦ ᕿᒻᒥᕐᔪᐊᒐᓴᒡᔪᐊᓪᓗ ᐅᓇᑕᕆᐊᓕᕐᓂᖏᑎᑐᑦ. 10ᐸᒥᐅᖏᑦ ᓯᑯᐊᕐᐱᐅᑉ ᐸᒥᐅᖓᑐᑦ ᐋᓐᓂᕐᓇᕐᑎᒋᔪᒥᒃ ᑲᐴᑎᖃᕐᐳᑦ, ᐸᒥᐅᒥᖕᓄᓗ ᐋᓐᓂᐊᑎᑦᓯᔪᓐᓇᕐᐳᑦ ᐃᓄᖕᓂᒃ ᑕᖅᑭᓂᒃ ᑕᓪᓕᒪᓂᒃ. 11ᑖᒃᑯᐊᓗ ᐊᖓᔪᖅᑳᕐᔪᐊᖃᕐᐳᑦ ᐂᖏᓕᒥᒃ ᐃᑎᕐᓴᕐᔪᐊᕐᒥᑦ ᓇᑎᖃᖏᑦᑐᒥᑦ ᐱᔪᒥᒃ; ᐄᑉᕉᑎᑐᑦ ᐊᑎᖃᕐᐳᖅ ᐊᐸᑖᓐ, ᒍᕇᑭᑎᑐᓪᓗ ᐊᑎᖃᕐᐳᖅ ᐊᐴᓕᐊᓐᒥᒃ.#9:11 ᑐᑭᖃᕐᑐᖅ / ᑐᖁᕅᔨ

12ᑕᕝᕙ ᓯᕗᓪᓕᖅ ᑲᑉᐱᐊᓇᕐᑐᕐᔪᐊᖅ ᐊᓂᒍᕐᐳᖅ; ᑕᑯᒋᑦ, ᑕᒪᑐᒪ ᓱᓕ ᑭᖑᕐᖓᒍᑦ ᒪᕐᕉᖕᓂᒃ ᑲᑉᐱᐊᓇᕐᑐᕐᔪᐊᖕᓂᒃ ᓇᓪᓕᐅᑦᑐᒃᓴᖃᕐᐳᖅ.

13 # ᒨᓯᓯ ᐂᑉᐸᖏᑦ 30:1-3. ᑕᕝᕙ ᐂᖏᓕᐅᑉ ᐱᖓᓲᔪᕐᑐᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᓂᐱᒥᒡᓗ ᑐᓴᕐᐳᖓ ᑐᓂᕐᕈᓯᕐᕕᐅᑉ ᒎᓘᑉ ᑎᕆᖅᑯᖏᓐᓂᑦ ᓯᑕᒪᓂᑦ ᐱᔪᒥᒃ ᒎᑎᐅᑉ ᓵᖓᓃᑦᑐᒥᑦ, 14ᓂᐱᓗ ᐂᖏᓖᑦ ᐱᖓᓲᔪᕐᑐᖓᓐᓄᑦ ᑎᑦᑐᓚᐅᑎᖃᕐᑐᒧᑦ ᐅᖃᕐᐳᖅ, “ᐂᖏᓖᑦ ᓯᑕᒪᑦ ᕿᓚᕈᑦᔮᒃᑭᑦ ᐊᑦᓱᖏᕐᑕᐅᓯᒪᔪᑦ ᑰᒑᓗᖕᒥ ᐃᕗᕅᑎᒥ.” 15ᑕᕝᕙ ᐂᖏᓖᑦ ᓯᑕᒪᑦ ᕿᓚᕈᑦᔮᕐᑕᐅᕗᑦ, ᐅᐸᓗᖕᒊᕈᑕᐅᓯᒪᔪᑦ ᐃᑲᕐᕋᕐᒥ ᑕᕝᕙᓂ; ᐅᓪᓗᕐᒥ; ᑕᖅᑭᕐᒥ; ᐊᕐᕌᒍᒥᓗ ᑕᕝᕙᓂ; ᑐᖁᑦᓯᖁᓪᓗᒋᑦ ᓯᓚᕐᔪᐊᑉ ᐃᓄᖏ ᑕᒪᕐᒥᒃ ᐱᖓᓲᓕᓗᒋᑦ ᐊᑕᐅᓯᖅ ᐱᖓᓲᑦᔪᑎᖏᑦ ᑐᖁᑉᐰᑦ. 16ᐅᖃᐅᑎᔭᐅᕗᖓ ᕿᒻᒥᕐᔪᐊᒦᑦᑐᑦ ᐅᓇᑕᕐᑐᒃᓮᑦ ᐅᓄᕐᓂᖏᓐᓂᒃ, ᑖᒃᑯᐊ ᐅᓄᕐᓂᖃᕐᐳᑦ 200ᒥᓕᐊᓂᒃ. 17ᑕᑯᑎᑕᐅᓂᒃᑯᓪᓗ ᑕᑯᕙᒃᑲ ᕿᒻᒥᕐᔪᐊᑦ ᖄᖓᓂᓗ ᐃᑭᒪᔪᑦ; ᓴᒡᕕᖕᒥᐅᑕᖃᕐᐳᑦ ᐃᑯᐊᓚᔪᑎᑐᑦ ᐊᐅᐸᕐᑎᒋᔪᓂᒃ ᐅᔭᕋᒃᑎᑐᓪᓗ ᓴᐰᕋᑎᑐᑦ ᑐᖑᔪᕐᑎᒋᔪᓂᒃ,#9:17ᓴᐰᕋ: ᐅᔭᕋᒃ ᐊᑭᑐᔪᐊᓗᒃ ᐃᑭᓴᕅᑦᑐᑎᑐᓪᓗ ᖁᕐᓱᕐᑎᒋᓪᓗᑎᒃ ᓲᓪᕙᑎᑐᑦ,#9:17ᓲᓪᕙᕐ: ᐃᑭᓴᕅᑦᑐᖅ ᖁᕐᓱᕐᑕᖅ ᐃᑯᒪᓪᓗᓂ ᒪᒪᖏᑦᑐᐊᓗᒃ ᒪᓐᓂᒃᑐᑦ ᐃᒍᓇᕐᓯᒪᔪᑎᑐᑦ ᑎᐱᖃᕐᑐᖅ ᕿᒻᒥᕐᔪᐊᖏᓪᓗ ᓂᐊᖁᖃᕐᐳᑦ ᓔᔭᓐᐅᑉ ᓂᐊᖁᖏᑎᑐᑦ, ᖃᓂᖏᓐᓂᓪᓗ ᐊᓂᔪᖃᕐᐳᖅ ᐃᑯᒪᒥᒃ, ᐃᓯᕐᓗᖕᒥᒡᓗ, ᐳᔪᕐᒥᒡᓗ ᑍᔭᐅᔪᒥᒃ ᓲᓪᕙᒥᒃ. 18ᓯᓚᕐᔪᐊᒥᐅᓪᓗ ᐃᓄᖏᑦ ᐱᖓᓲᓕᒐᔭᕐᐸᑕ ᐱᖓᔪᖏᑦ ᑐᖁᑕᐅᕗᑦ ᑖᒃᑯᓄᖓ ᐊᓯᕈᕐᓇᕐᑐᓄᑦ ᐱᖓᓱᓄᑦ; ᐃᑯᒪᒧᑦ, ᐃᓯᕐᓗᖕᒧᓪᓗ, ᐳᔪᕐᒧᓪᓗ ᓲᓪᕙᒧᑦ ᕿᒻᒥᕐᔪᐊᑦ ᖃᓂᖏᓐᓂᑦ ᐊᓂᔪᓄᑦ. 19ᕿᒻᒥᕐᔪᐊᓪᓗ ᐱᔪᓐᓇᕐᓂᖏᑦ ᖃᓂᖏᓐᓃᑉᐳᑦ ᐸᒥᐅᖏᓐᓂᓗ; ᐸᒥᐅᖏᓪᓗ ᖁᒡᓗᒋᐊᑎᑐᑦ ᓂᐊᖁᖃᕐᐳᑦ, ᑖᒃᑯᓄᖓᓗ ᐃᓄᖕᓂᒃ ᐋᓐᓂᕐᓯᕗᑦ.

20 # ᐃᓐᖏᕈᑦ 115:4-7; 135:15-17; ᑖᓂᐊᓕ 5:23. ᓯᓚᕐᔪᐊᕐᒥᐅᓪᓕ ᐃᓄᖏᑕ ᐃᓚᖏᑦ, ᑖᒃᑯᓄᖓ ᐊᓯᕈᕐᓇᕐᑐᓄᑦ ᑐᖁᑕᐅᖏᑦᑐᑦ, ᓱᓕ ᖃᕿᐊᓕᓐᖏᓚᑦ ᓴᓇᓯᒪᔭᒥᖕᓂᑦ ᑐᒃᓯᐊᕐᕕᒋᕙᒃᑕᒥᖕᓂᓪᓗ ᐊᓂᕐᓂᕐᓗᖕᓄᑦ, ᒎᑎᓐᖑᐊᒥᖕᓂᓪᓗ ᒎᓗᓂᑦ ᓯᐅᓪᕕᕆᓂᑦ, ᑲᓐᓄᔭᓂᑦ, ᐅᔭᕋᖕᓂᑦ, ᕿᔪᖕᓂᓪᓗ, ᑕᑯᔪᓐᓇᖏᑦᑐᓂᑦ ᑐᓵᔪᓐᓇᖏᑦᑐᓂᑦ ᐱᓱᒍᓐᓇᖏᑦᑐᓂᓪᓗ; 21ᖃᕿᐊᓕᓚᐅᓐᖏᓚᑦᑕᐅᖅ ᐃᓄᐊᕐᓂᕐᒥᑦ ᐊᖓᒃᑰᓇᓱᐊᕐᓂᕐᒥᑦ ᐅᕝᕙᓗ ᓄᓕᐊᕐᓂᕐᒥᑦ ᑎᒡᓕᖕᓂᕐᒥᓪᓗ.

Currently Selected:

ᔪᐊᓇᓯᐅᑉ ᑕᑯᑎᑕᐅᓂᖏᑦ 9: EAIB

Highlight

Copy