ᔪᐊᓇᓯᐅᑉ ᑕᑯᑎᑕᐅᓂᖏᑦ 10
10
ᐂᖏᓕ ᐊᒡᓚᖕᓂᒃ ᐃᒧᓯᒪᔪᓂᒃ ᒥᑭᔪᓂᒃ ᑎᒍᒥᐊᕐᑐᖅ
1ᑕᕝᕙ ᐂᖏᓕᒥᒃ ᐱᔪᓐᓇᕐᑐᕐᔪᐊᒥᒃ ᑕᑯᒋᕗᖓ ᕿᓚᖕᒥᑦ ᐊᖅᑲᕐᑐᒥᒃ, ᓄᕗᔭᐅᑉ ᐃᓗᐊᓃᑦᑐᒥᒃ, ᓂᐊᖁᖓᑕᓗ ᖁᓛᒍᑦ ᐊᔭᒍᑕᖃᕐᐳᖅ, ᑮᓇᖓᓗ ᓯᕿᓂᕐᑐᑦ ᑍᒤᑉᐳᖅ, ᓂᐅᖏᒡᓗ ᐃᑯᒪᔪᑎᑐᑦ ᓱᑲᕐᑎᑐᑦ ᑍᒤᑉᐴᒃ. 2ᐊᒡᓚᖕᓂᒡᓗ ᐃᒧᓲᓂᒃ ᒥᑭᔪᓂᒃ ᑎᒍᒥᐊᕐᐳᖅ ᐃᓯᕕᓯᒪᔪᓂᒃ. ᑕᓕᕐᐱᖕᒥᓄᓪᓗ ᑐᑎᒻᒥᕗᖅ ᐃᒪᕕᖕᒧᑦ, ᓴᐅᒥᖕᒥᓄᓪᓗ ᑐᑎᒻᒥᓪᓗᓂ ᓄᓇᒧᑦ, 3ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ, ᓔᔭᐅᑉ ᓂᓪᓕᐊᓂᖓᑐᑦ; ᓂᓪᓕᕇᕐᒪᑦ, ᑲᓪᓗᐃᑦ 7 ᑐᓴᕐᓴᕉᑎᕗᑦ ᐃᒃᑑᓕᔮᕐᓗᑎᒃ. 4ᑲᓪᓗᐃᓪᓗ 7 ᓂᓪᓕᕐᒪᑕ ᑎᑎᕋᕈᒪᓕᓚᐅᕐᐳᖓ, ᓂᐱᒥᒡᓕ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑲᓪᓗᐃᑦ 7 ᐅᖃᐅᓯᖏᑦ ᓇᕿᑦᔪᓯᒃᑭᑦ, ᑎᑎᕋᕐᑍᓕᓗᒋᑦ.”
5 #
ᒨᓯᓯ ᐂᑉᐸᖏᑦ 20:11; ᒨᓯᓯ ᑕᓪᓕᒪᖏᑦ 32:40; ᑖᓂᐊᓕ 12:7; ᐂᒨᓯ 3:7. ᐂᖏᓕᓗ ᑕᑯᖅᑲᐅᔭᕋ ᓇᖏᕐᑐᖅ ᐃᒡᓗᐊᓂᒃ ᑐᑎᒻᒥᔪᖅ ᐃᒪᕐᕕᖕᒧᑦ ᐃᒡᓗᐊᓂᒡᓗ ᓄᓇᒧᑦ ᑕᓕᓂ ᑕᓕᕐᐱᒃ ᐃᓵᒃᐹ ᕿᓚᖕᒧᑦ 6ᐅᖃᕕᒃᐳᕐᓗ ᑖᑦᓱᒪ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐊᑎᖓᓂ, ᐱᓐᖑᕐᑎᑦᓯᓚᐅᕐᑑᓪᓗ ᕿᓚᖕᒥᒃ ᓄᓇᒥᒡᓗ ᐃᓗᓕᓕᒫᖏᓐᓂᒡᓗ, ᐃᒪᕐᕕᖕᓂᒡᓗ ᐃᓗᓕᓕᒫᖏᓐᓂᒡᓗ, ᓇᓪᓕᐅᑦᑐᒃᓴᐅᑉ ᑭᖑᕙᕆᐊᕐᓂᐊᕈᓐᓃᕐᓂᖓᓂᒃ. 7ᐂᖏᓖᓪᓕ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᑉᐸᒍ, ᑕᕝᕙ ᒎᑎᐅᑉ ᓇᓗᓇᕐᓂᖏᑦ ᐅᖃᐅᓯᕆᓯᒪᔭᓂ ᐱᔨᒥᓄᑦ ᓇᓚᐅᑦᑍᔪᓄᑦ ᓇᓪᓕᐅᑎᑎᑦᓱᒫᕐᐰᑦ.
8 #
ᐃᓯᑭᐊᓕ 2:8—3:3. ᓂᐱᓗ ᕿᓚᖕᒥᑦ ᑐᓴᓚᐅᕐᑕᕋ ᐅᕙᓐᓄᑦ ᐅᖃᕐᑐᖅ ᑐᓴᓕᕆᕙᕋ, ᐅᖃᕐᓗᓂ, “ᐂᖏᓕᐅᑉ ᑎᒍᒥᐊᕐᑕᖏᑦ ᐊᒡᓔᑦ ᐃᓯᕕᓯᒪᔪᑦ ᐂᓕᒃᑭᑦ ᓇᖏᕐᓗᓂ ᐃᒡᓗᐊᓂᒃ ᑐᑎᒻᒥᔪᒥᑦ ᐃᒪᕐᕕᖕᒧᑦ ᐃᒡᓗᐊᓂᒡᓗ ᓄᓇᒧᑦ.”
9ᐂᖏᓕᓗ ᐅᐸᒃᓗᒍ ᐅᖃᐅᑎᕙᕋ ᐊᒡᓚᖕᓂᒃ ᐃᒧᓲᓂᒃ ᒥᑭᑦᑐᓂᒃ ᑎᒍᒥᐊᕐᑕᖏᓐᓂᒃ ᐱᔪᒪᓪᓗᖓ; ᐅᖃᐅᑎᕚᖓᓗ, “ᑎᒍᓗᒋᑦ ᓂᕆᒃᑭᑦ; ᐊᕿᐊᕈᕐᓃᓕᕈᑎᒃ ᒪᒪᕈᓐᓃᕐᓂᐊᕐᐳᑦ, ᖃᓂᕐᓂ ᕼᐊᓂᑎᑐᑦ ᒪᒪᕐᑎᒋᒐᓗᐊᕐᑎᓪᓗᒋᑦ.”
10ᐊᒡᓔᓪᓗ ᐃᒧᓲᑦ ᒥᑭᑦᑐᑦ ᑖᑦᓱᒪᓐᖓᑦ ᑎᒍᒐᒃᑭᑦ ᓂᕆᕙᒃᑲ; ᖃᓂᓐᓂ ᒪᒪᕐᐳᑦ ᕼᐊᓂᑎᑐᑦ ᓰᕐᓇᕐᑎᒋᓪᓗᑎᒃ, ᐄᓯᒪᓕᕋᒃᑭᓪᓕ ᐊᕿᐊᕈᓐᓃᓕᕐᓗᑎᒃ ᒪᒪᕈᓐᓃᕐᐳᑦ. 11ᐅᖃᐅᑦᔭᐅᓕᕐᐳᖓᓗ, “ᐅᖃᐅᓯᐅᖁᔭᐅᔪᓂᒃ ᐅᖃᐅᓯᖃᕐᑐᒃᓴᐅᕗᑎᑦ ᐃᓅᒐᓴᒡᔪᐊᓄᑦ ᐃᓅᓯᖃᑎᒌᖏᑦᑐᓄᑦ ᐅᖃᐅᓯᖃᑎᒌᖏᑦᑐᓄᓪᓗ, ᐊᖓᔪᖅᑳᕐᔪᐊᓄᓪᓗ.”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 10: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
