ᔪᐊᓇᓯᐅᑉ ᑕᑯᑎᑕᐅᓂᖏᑦ 8
8
ᓇᕿᑦᔪᑏᑦ 7ᖓᑦ
1ᓄᕐᕋᐅᔭᐅᑉ ᓇᕿᑦᔪᑏᑦ 7ᖓᑦ ᐲᕐᒪᒍ, ᑕᕝᕙ ᕿᓚᖕᒥ ᓂᐱᖃᕐᑐᖃᖏᑦᓯᐊᓕᕐᐳᑦ ᐃᑲᕐᕋᐅᑉ ᓇᑉᐸᓕᒫᖓᓂᒃ. 2ᑕᕝᕙ ᑕᑯᓕᕐᐳᖓ ᐂᖏᓖᓂᒃ 7ᓂᒃ ᒎᑎᐅᑉ ᓵᖓᓂ ᓇᖏᕐᑐᓂᒃ, ᑎᑦᑐᓚᐅᑎᓂᒡᓗ 7ᓂᒃ ᑐᓂᓯᕕᐅᕗᑦ.
3 #
ᐂᒨᓯ 9:1;
ᒨᓯᓯ ᐂᑉᐸᖏᑦ 30:1,3. ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ. 4ᐳᔫᕐᑎᑕᐅᔪᑦ ᐳᔪᖓ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᓐᓄᑦ ᖁᒻᒧᐊᖃᑕᐅᕗᖅ ᐂᖏᓕᐅᑉ ᐊᒡᒐᖏᓐᓂᑦ ᒎᑎᐅᑉ ᓵᖓᓂ. 5#ᒨᓯᓯ ᐱᖓᔪᖏᑦ 16:12; ᐃᓯᑭᐊᓕ 10:2; ᒨᓯᓯ ᐂᑉᐸᖏᑦ 19:16; ᑕᑯᑎ 11:19; 16:18.ᑕᕝᕙ ᐂᖏᓕᐅᑉ ᐳᔪᕐᑎᑦᓯᕕᐅᑉ ᐃᓂᖓ ᑎᒍᓪᓗᒍ ᐃᓗᓪᓕᕐᓱᕐᐹ ᐃᑯᒪᓂᒃ ᑐᓂᕐᕈᓯᕐᕕᖕᒥᑦ ᐱᔪᓂᒃ ᐃᒋᓪᓗᒋᓪᓗ ᓄᓇᕐᔪᐊᕐᒧᑦ; ᑕᕝᕙ ᓂᐱᕐᔪᐊᕐᑕᖃᓕᕐᐳᖅ ᐃᒃᑐᓚᐅᕐᑐᒥᒃ, ᑲᓪᓕᕐᕙᓗᒃᑐᒥᒡᓗ, ᖃᐅᒻᒪᓪᓚᖕᒥᒡᓗ, ᓄᓇᐅᓪᓗ ᓴᔪᒃᐱᓪᓚᖕᓂᖓᓂᒃ.
ᑎᑦᑐᓚᐅᑏᑦ
6ᐂᖏᓖᓪᓗ 7 ᑎᑦᑐᓚᐅᑎᓂᒃ 7ᓂᒃ ᑎᒍᒥᐊᕐᑐᑦ ᓂᓪᓕᕐᑎᑦᓯᓂᐊᕐᓗᑎᒃ ᐊᑐᐃᓐᓇᕈᕐᑎᓕᕐᐳᑦ.
7 #
ᒨᓯᓯ ᐂᑉᐸᖏᑦ 9:23-25; ᐃᓯᑭᐊᓕ 38:22. ᓯᕗᓪᓕᕐᐹᓪᓗ ᐂᖏᓕᐅᑉ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᓇᑕᖅᑯᕐᓁᑦ ᐃᑯᒤᓪᓗ, ᐊᐅᒥᒃ ᐃᓚᖃᕐᓗᑎᒃ, ᓄᓇᕐᔪᐊᕐᒧᑦ ᑲᑕᒐᓕᕐᐳᑦ; ᓄᓇᕐᔪᐊᕐᓗ ᐊᕝᕙᖓᑕ ᐅᖓᑖᓄᑦ ᐃᑭᑕᐅᕗᖅ, ᓇᐹᕐᑐᐃᓪᓗ ᐊᕝᕙᖏᑕ ᐅᖓᑖᓄᑦ ᐃᑯᐊᓪᓚᒃᑭᕗᑦ, ᐃᕕᒃᓱᒐᓕᒫᓪᓗ ᑐᖑᔪᕐᑐᑦ ᐃᑯᐊᓪᓚᒃᑕᐅᒋᕗᑦ.
8ᐂᖏᓕᐅᓪᓗ ᐂᑉᐸᖓᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᖃᖅᑳᓗᒃᑎᑐᑦ ᑕᐅᑦᑐᖃᕐᑐᖅ, ᐃᑯᐊᓚᔪᐊᓗᒃ ᐃᒪᕐᔪᐊᕐᒧᑦ ᑲᑕᒃᑎᑕᐅᕗᖅ; 9ᐃᒪᕕᒡᓗ ᐊᕝᕙᖓᑕ ᐅᖓᑖᓄᑦ ᐊᐅᓐᖑᕐᐳᖅ, ᐃᒪᕐᕕᐅᓪᓗ ᐆᒪᔪᖏᑦ ᐊᕝᕙᖓᑕ ᐅᖓᑖᓃᑦᑐᑦ ᑐᖁᕗᑦ, ᐅᒥᐊᕐᔪᐊᓪᓗ ᐊᕝᕙᖏᑕ ᐅᖓᑖᓃᑦᑐᑦ ᐊᓯᕈᕐᑕᐅᒋᕗᑦ.
10 #
ᐂᓮᐊᓯ 14:12. ᐂᖏᓕᐅᓪᓗ ᐱᖓᔪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᐅᓪᓗᕆᐊᖅ ᐊᖏᔪᖅ ᓇᓂᕈᐊᑎᑐᑦ ᐃᑯᐊᓚᔪᖅ, ᕿᓚᖕᒥᒃ ᑲᑕᒃᐳᖅ ᑰᒑᓗᐃᑦ ᐊᕝᕙᖏᑕ ᐅᖓᑖᓃᑦᑐᓄᑦ, ᓄᓇᐅᓪᓗ ᐃᓗᐊᓂᑦ ᑰᒃᑐᓄᑦ ᐊᒃᑑᑎᕗᖅ. 11#ᔨᕆᒤᐊ 9:15.ᑖᓐᓇ ᐅᓪᓗᕆᐊᖅ ᐊᑎᖃᕐᐳᖅ ᖃᒃᑭᓐᓇᕐᑐᒥᒃ. ᐃᒪᐅᓪᓗ ᐊᕝᕙᖓᑕ ᐅᖓᑖᓃᑦᑐᖅ ᖃᒃᑭᓐᓇᕐᓯᕗᖅ, ᐃᓄᐃᓪᓗ ᐃᒥᕐᑐᑦ ᐊᒥᓱᑦ ᑐᖁᕗᑦ, ᐃᒪᐅᑉ ᑕᒪᑐᒪ ᖃᒃᑭᓐᓇᕐᓯᓯᒪᓂᖓᓄᑦ.
12 #
ᐂᓮᐊᓯ 13:10; ᐃᓯᑭᐊᓕ 32:7; ᔪᐃᓕ 2:10,31; 3:15. ᑕᕝᕙ ᐂᖏᓕᐅᑉ ᓯᑕᒪᖓᑦᑕ ᑎᑦᑐᓚᐅᑦ ᓂᓪᓕᕐᑎᒻᒪᒍ, ᑕᕝᕙ ᓯᕿᓂᖅ ᐊᕝᕙᖓᑕ ᐅᖓᑖᓄᑦ ᐊᒃᑐᕐᑕᐅᕗᖅ, ᑕᖅᑭᕐᓗ ᐊᕝᕙᖓᑕ ᐅᖓᑖᓄᑦ, ᐅᓪᓗᕆᐊᓪᓗ ᐊᕝᕙᖏᑕ ᐅᖓᑖᓄᑦ, ᖃᐅᒪᓂᖏᓪᓗ ᐃᓚᓐᖓᕐᐳᑦ ᐊᕝᕙᓪᓗᐊᖏᑦᑕ ᐅᖓᑖᓄᑦ ᖃᐅᒪᓂᕆᕙᒃᑕᒥᖕᓂᑦ; ᐅᓪᓘᓪᓗ ᐊᕝᕙᓪᓗᐊᖓᑕ ᐅᖓᑖᓄᑦ ᖃᐅᒪᓂᖓ ᐃᓚᓐᖓᕐᐳᖅ, ᐅᓐᓄᐊᕐᓗᑦᑕᐅᖅ ᐊᕝᕙᖓᑕ ᐅᖓᑖᓄᑦ ᐃᓚᓐᖓᕆᓪᓗᓂ.
13ᑕᑯᓴᕋᒪᓗ, ᓇᒃᑐᕋᓕᖕᒥᒃ ᑐᓴᕐᐳᖓ ᖁᑦᓯᒃᑑᓪᓗᓂ ᖃᖓᑕᔪᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ ᓄᓇᕐᔪᐊᕐᒥᐅᑕᓄᑦ, ᐂᖏᓖᑦ ᐱᖓᓱᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᓕᕐᐸᑕ!”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
