ᔪᐊᓇᓯᐅᑉ ᑕᑯᑎᑕᐅᓂᖏᑦ 7
7
ᐃᓴᕆᐊᓕᒥᐅᑦ 144,000
1 #
ᔨᕆᒤᐊ 49:36; ᑖᓂᐊᓕ 7:2; ᓴᑲᕅᐊ 6:5. ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ. 2ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ, 3#ᐃᓯᑭᐊᓕ 9:4,6.ᐅᖃᕐᓗᓂ, “ᓄᓇᕐᔪᐊᖅ ᐊᓯᕈᕐᑍᓕᓯᐅᒃ ᐃᒪᕕᒡᓘᓐᓃᑦ ᓇᐹᕐᑐᐃᓪᓘᓐᓃᑦ, ᒎᑎᑦᑕ ᐱᔨᖏᓐᓂᒃ ᖃᐅᖏᑎᒍᑦ ᓇᕿᑦᔪᓯᕐᓯᓚᐅᖏᓐᓂᑦᑎᓐᓂ.” 4ᑐᓴᕐᐳᖓᓗ ᒎᑎᐅᑉ ᓇᕿᑦᔪᑎᖓᓂᒃ ᓇᕿᑦᔪᓯᕐᑕᐅᔪᑦ ᖃᐅᖏᑎᒍᑦ ᐅᓄᕐᓂᖏᓐᓂᒃ, 144,000ᓂᒃ ᐅᓄᕐᓂᖃᕐᐳᑦ, ᐃᓴᕆᐊᓕᒥᐅᑦ ᑭᖑᕚᕇᖏᓐᓂᑦ ᐊᑐᓂᑦ ᐱᓯᒪᔪᑦ 12ᓂᑦ. 512,000 ᓇᕿᑦᔪᓯᕐᑕᐅᕗᑦ ᔫᑕᐅᑉ ᑭᖑᕚᖏᓐᓂᑦ ᐱᔪᑦ, 12,000 ᕉᐱᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᒑᑎᐅᑉ ᑭᖑᕚᖏᓐᓂᑦ ᐱᔪᑦ. 612,000 ᐋᓱᕆᐅᑉ ᑭᖑᕚᖏᓐᓂᑦ ᐱᔪᑦ, 12,000 ᓈᑉᑕᓕᐅᑉ ᑭᖑᕚᖏᓐᓂᑦ ᐱᔪᑦ, 12,000 ᒪᓇᓯᐅᑉ ᑭᖑᕚᖏᓐᓂᑦ ᐱᔪᑦ, 712,000 ᓯᒥᐅᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᓕᕔᑉ ᑭᖑᕚᖏᓐᓂᑦ ᐱᔪᑦ, 12,000 ᐃᓴᑲᕆᐅᑉ ᑭᖑᕚᖏᓐᓂᑦ ᐱᔪᑦ, 812,000 ᓯᐳᓗᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᔫᓯᐱᐅᑉ ᑭᖑᕚᖏᓐᓂᑦ ᐱᔪᑦ, 12,000 ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᑦ ᓇᕿᑦᔪᓯᕐᑕᐅᕗᑦ.
ᐃᓄᒋᐊᒃᑐᕐᔪᐊᑦ
9ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ#7:9 ᐊᑭᕈᖏᓐᓂᒃ ᐹᒥᓂᒃ. 10ᓂᐱᖅᑯᕐᑐᓪᓗᑎᒡᓗ ᐅᖃᕐᐳᑦ, “ᐱᐅᓕᔭᐅᓂᖅ ᒎᑎᑦᑎᓐᓂᑦ ᐱᕗᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᑦ ᓄᕐᕋᐅᔭᕐᒥᓪᓗ!” 11ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ, 12ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”
13ᐊᖓᔪᖅᑳᓪᓗ ᐃᓚᖓᑦᑕ ᐊᐱᕆᕚᖓ, ᐅᖃᕐᓗᓂ, “ᐅᑯᐊ ᑭᓇᒃᑯᑦ, ᖃᑯᕐᑕᓂᒃ ᑕᑭᔪᓂᒃ ᐊᓐᓄᕌᕐᓯᒪᔪᑦ, ᓇᑭᓪᓗ ᐱᓯᒪᕙᑦ?”
14 #
ᑖᓂᐊᓕ 12:1; ᒫᑎᐅᓯ 24:21; ᒫᑯᓯ 13:19. ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.”
ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ. 15ᑍᒤᒻᒪᑦ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᓵᖓᓃᑉᐳᑦ, ᐱᔨᑦᓯᕐᓗᒍ ᐅᓪᓗᖅ ᐅᓐᓄᐊᕐᓗ ᓈᓗᒍ ᑐᒃᓯᐊᕐᕕᒡᔪᐊᖁᑎᖓᓂ; ᐃᒃᓯᕙᐅᑕᕐᔪᐊᒥᓗ ᐃᒃᓯᕚᕐᑑᑉ ᐱᓯᒤᓐᓇᕐᓂᐊᕐᐰᑦ ᓴᐳᑎᓯᒪᓗᒋᑦ ᓇᔫᑎᓂᕐᒥᓄᑦ. 16#ᐂᓮᐊᓯ 49:10.ᑳᖕᓂᐊᕈᓐᓃᕐᐳᑦ, ᐃᒥᕈᖕᓂᐊᕈᓐᓃᕐᓗᑎᒡᓗ; ᓯᕿᓂᕐᒧᑦ ᐊᓯᐊᓄᓪᓘᓐᓃᑦ ᐆᓇᕐᑐᒧᑦ ᐆᑕᐅᓂᐊᕈᓐᓃᕐᐳᑦ. 17#ᐃᓐᖏᕈᑦ 23:1; ᐃᓯᑭᐊᓕ 34:23; ᐃᓐᖏᕈᑦ 23:2; ᐂᓮᐊᓯ 49:10; ᐂᓮᐊᓯ 25:8.ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 7: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
