ᔪᐊᓇᓯᐅᑉ ᑕᑯᑎᑕᐅᓂᖏᑦ 6
6
ᓇᕿᑦᔪᑏᑦ
1ᑕᑯᕗᖓ ᓇᕿᑦᔪᑎᐅᑉ 7ᖓᑦᑕ ᐃᓚᖓᓐᓂᒃ ᓄᕐᕋᐅᔭᖅ ᒪᒃᐱᕐᓯᑎᓪᓗᒍ, ᐆᒪᔪᐃᓪᓗ ᓯᑕᒪᑦ ᐃᓚᖓᑦ ᑐᓴᕐᐸᕋ ᑲᓪᓕᐅᑉ ᐃᒃᑐᓚᐅᕐᓂᖓᑐᑦ ᓂᐱᖃᕐᓗᓂ ᐅᖃᕐᑐᖅ, “ᕾᒋᑦ!” 2#ᓴᑲᕅᐊ 1:8; 6:3,6.ᑕᑯᕗᖓᓗ, ᑕᑯᒋᑦ ᕿᒻᒥᕐᔪᐊᒥᒃ ᖃᑯᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐱᑎᒃᓯᒥᒃ ᑎᒍᒥᐊᕐᐳᖅ; ᓂᐊᖂᑎᒥᒡᓗ ᑐᓂᓯᕕᐅᕗᖅ, ᑕᕝᕙᓐᖓᓪᓗ ᐊᐅᓪᓚᕋᒥ ᓵᓚᖃᕐᐳᖅ ᓵᓚᖃᕆᐊᕐᑐᒃᑲᓐᓂᕐᓗᓂᓗ.
3ᓄᕐᕋᐅᔭᐅᓪᓗ ᓇᕿᑦᔪᑎᐅᑉ ᐂᑉᐹ ᒪᒃᐱᕆᕚ, ᐆᒪᔫᓪᓗ ᐂᑉᐸᖓ ᐅᖃᕐᑐᖅ ᑐᓴᕐᐸᕋ, “ᕾᒋᑦ!” 4#ᓴᑲᕅᐊ 1:8; 6:2.ᕿᒻᒥᕐᔪᐊᒥᒡᓗ ᓴᖅᑭᑦᑐᖃᕆᕗᖅ, ᐊᐅᑉᐸᕆᒃᑐᒥᒃ; ᖄᖓᓂᓗ ᐃᑭᒪᔪᖅ ᐱᔪᓐᓇᕐᓂᕐᑖᕐᑎᑕᐅᕗᖅ ᓄᓇᕐᔪᐊᕐᒥᑦ ᓮᒪᓂᕐᒥᒃ ᐲᕐᓯᖁᓪᓗᒍ, ᐃᓅᖃᑎᒌᑦ ᐃᒻᒥᖕᓄᑦ ᑐᖁᕋᐅᑎᖁᓪᓗᒋᑦ; ᓴᕕᒡᔪᐊᒥᒡᓗ ᐊᖏᔪᕐᔪᐊᒥᒃ ᑐᓂᓯᕕᐅᕗᖅ.
5 #
ᓴᑲᕅᐊ 6:2,6. ᓄᕐᕋᐅᔭᐅᓪᓗ ᓇᕿᑦᔪᑏᑦ ᐱᖓᔪᖓᑦ ᒪᒃᐱᕐᒪᒍ; ᐆᒪᔪᐃᑦ ᐱᖓᔪᖓᑦ ᐅᖃᕐᑐᖅ ᑐᓴᕐᐸᕋ, “ᕾᒋᑦ!” ᑕᑯᓴᕋᒪᓗ, ᑕᑯᕗᖓ ᕿᒻᒥᕐᔪᐊᒥᒃ ᕿᕐᓂᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐅᖁᒤᓐᓂᕐᓂᐊᕈᑎᒥᒃ ᑎᒍᒥᐊᕐᐳᖅ. 6ᓂᐱᒥᒡᓗ ᑐᓴᕐᐳᖓ ᐆᒪᔪᐊᓗᖕᓂᑦ ᓯᑕᒪᓂᑦ ᓂᐱᒋᔭᐅᔫᔮᕐᑐᓂᒃ, ᐅᖃᕐᑐᒥᒃ, “ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᐊᕝᕙᖓᑕ ᐊᕝᕙᖓ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ, ᕿᕐᓈᖓᔫᓪᓗ ᓂᐊᖂᔭᒃᓴᐅᑉ ᐅᖁᒤᓐᓂᖓᑕ ᐊᑕᐅᓯᐅᑉ ᓇᑉᐸᖓᓂᑦ ᐊᖏᓂᕐᓴᖅ ᐊᑭᖃᕐᓕ ᐅᓪᓗᓕᒫᖅ ᑮᓇᐅᔭᓕᐊᖑᕙᒃᑐᑎᑐᑦ; ᐸᐅᕐᒊᓪᓕ ᐅᕐᓱᖏᑦ ᐸᐅᕐᒊᓪᓗ ᐃᑦᑎᖏᑦ ᐊᓯᕈᕐᑎᓐᓂᐊᕐᓇᒋᑦ!”
7ᓄᕐᕋᐅᔭᐅᓪᓗ ᒪᒃᐱᕐᕆᕚ ᓇᕿᑦᔪᑎᑦ ᓯᑕᒪᖓᑦ; ᐆᒪᔪᐃᓪᓗ ᓯᑕᒪᖓᑦ ᐅᖃᕐᑐᖅ ᑐᓴᕐᐸᕋ, “ᕾᒋᑦ!” 8#ᐃᓯᑭᐊᓕ 14:21.ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.
9ᓄᕐᕋᐅᔭᐅᓪᓗ ᓇᕿᑦᔪᑏᑦ ᑕᓪᓕᒪᖓᑦ ᒪᒃᐱᕐᒪᒍ, ᑕᑯᕗᖓ ᑐᓂᕐᕈᓯᕐᕕᐅᑉ ᐊᑖᓂ ᑐᖁᑕᐅᔪᕕᓃᑦ ᑕᕐᓂᖏᓐᓂᒃ ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᖕᓂᕐᒧᑦ ᓇᓗᓁᕐᓯᓂᕐᒥᒡᓗ ᑲᔪᓯᑦᓯᐊᕐᓂᕐᒧᑦ ᑐᖁᑕᐅᔪᕕᓂᕐᓂᒃ; 10ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?” 11ᐊᑐᓂᓪᓗ ᐊᓐᓄᕌᕐᑖᕐᑎᑕᐅᕗᑦ ᖃᑯᕐᑕᓂᒃ ᑕᑭᔪᓂᒃ ᐅᑕᖅᑭᒃᑲᓐᓂᖁᔭᐅᕗᓪᓗ ᓱᓕ ᓯᕕᑭᑦᑐᒥᒃ, ᐱᔨᐅᖃᑎᖏᑦ ᐅᒃᐱᑑᖃᑎᖏᓪᓗ ᑖᒃᑯᑎᑐᓇᖅ ᑐᖁᑕᐅᔪᒃᓮᑦ ᓈᒻᒪᒃᓯᓚᐅᖏᓐᓂᖏᓐᓂ.
12 #
ᑕᑯᑎ 11:13; 16:18;
ᐂᓮᐊᓯ 13:10; ᔪᐃᓕ 2:10,31; 3:15; ᒫᑎᐅᓯ 24:29; ᒫᑯᓯ 13:24,25; ᓘᑲᓯ 21:25. ᓄᕐᕋᐅᔭᐅᓪᓗ ᓇᕿᕐᔪᑏᑦ ᐱᖓᓲᔪᕐᑐᖓᑦ ᒪᒃᐱᕐᒪᒍ, ᑕᑯᓴᕋᒪ ᑕᑯᕗᖓ, ᓄᓇᕐᔪᐊᖅ ᐊᖏᔪᒥᒃ ᓴᔪᒃᐱᓪᓚᒃᐳᖅ; ᓯᕿᓂᕐᓗ ᑖᕐᓯᕗᖅ ᐳᑐᕐᓛᑎᑐᑦ ᕿᕐᓂᕐᑎᒋᓕᕐᓗᓂ, ᑕᖅᑭᕐᓗ ᐃᓗᐃᑦᑐᖅ ᐊᐅᐸᕐᓯᕗᖅ ᐊᐅᒃᑎᑐᑦ ᑍᒤᓕᕐᓗᓂ. 13#ᐂᓮᐊᓯ 34:4.ᐅᓪᓗᕆᐊᓪᓗ ᑲᑕᒐᕐᐳᑦ ᓄᓇᕐᔪᐊᕐᒧᑦ ᓇᐹᕐᑐᑐᑦ ᐸᐅᕐᖓᓂᒃ ᑲᑕᒊᔪᑐᑦ ᐱᕈᕇᕐᑎᓪᓗᒋᑦ ᐊᐅᓚᑕᐅᓪᓗᓂ ᐊᓄᕆᕐᔪᐊᕐᒧᑦ. 14#ᑕᑯᑎ 16:20.ᓄᓇᕐᔪᐊᓪᓗ ᓯᓚᖓ ᐲᕐᑕᐅᕗᖅ ᑎᑎᖅᑲᑎᑐᑦ ᐃᒧᔭᐅᔪᑎᑐᑦ, ᖃᖅᑲᓕᒫᓪᓗ ᕿᑭᕐᑕᓕᒫᓪᓗ ᐃᓂᒥᖕᓂᑦ ᐲᕐᑕᐅᕗᑦ. 15#ᐂᓮᐊᓯ 2:19,21.ᓄᓇᕐᔪᐊᕐᒥᓗ ᐊᖓᔪᖅᑳᕐᔪᐊᑦ ᐊᔪᖏᑦᑐᖁᑕᐅᔪᓪᓗ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐊᔪᕐᓴᓐᖏᑦᑐᓪᓗ ᓴᓐᖏᔪᓪᓗ, ᐃᓄᑐᐃᓐᓇᓕᒫᓪᓗ, ᓯᐊᓛᑦ ᓯᐊᓛᖑᖏᑦᑐᓪᓗ, ᐃᔨᕆᐊᕐᑐᕐᐳᑦ ᕾᕈᓱᖕᓄᑦ ᖃᖅᑳᓗᐃᓪᓗ ᐅᔭᕋᓱᒃᔪᖏᑦᑕ ᐊᖁᕐᖓᓐᓄᑦ. 16#ᕼᐆᓯᐊ 10:8; ᓘᑲᓯ 23:30.ᖃᖅᑳᓗᖕᓄᓪᓗ ᐅᔭᕋᓱᒡᔪᖕᓄᓪᓗ ᐅᖃᕐᐳᑦ, “ᓯᑑᒡᕕᒋᓗᑕ ᐃᔨᓚᐅᕐᑎᒍᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔫᑉ ᑮᓇᖓᓂᑦ, ᓄᕐᕋᐅᔭᐅᓪᓗ ᓂᓐᖓᖕᓂᖓᓂᑦ; 17#ᔪᐃᓕ 2:11; ᒪᓚᑬ 3:2.ᓂᓐᖓᖕᓂᕐᔪᐊᖓᑕ ᑲᑉᐱᐊᓇᕐᓂᖓ ᓇᓪᓕᐅᑎᖕᒪᑦ, ᑭᓇᓗ ᑖᑦᓱᒧᖓ ᓵᓐᖓᓗᓂ ᓇᖏᕈᓐᓇᕐᐹ?”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 6: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
