ᔪᐊᓇᓯᐅᑉ ᑕᑯᑎᑕᐅᓂᖏᑦ 5
5
ᐊᒡᓔᑦ ᓇᕿᑦᔪᓯᕐᓯᒪᔪᑦ ᓄᕐᕋᐅᔭᕐᓗ
1 #
ᐃᓯᑭᐊᓕ 2:9,10; ᐂᓮᐊᓯ 29:11. ᑕᑯᕗᖓᓗ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᕐᑑᑉ ᑕᓕᕐᐱᖕᒥᓄᑦ ᑎᒍᒥᐊᕐᑕᖏᓐᓂᒃ ᐊᒡᓚᖕᓂᒃ ᐃᒧᓯᒪᔪᓂᒃ ᐃᒡᓗᒃᑐᑦ ᑎᑎᕋᕐᕕᒋᓯᒪᔪᓂᒃ, ᑖᒃᑯᐊ 7ᓂᒃ ᓇᕿᑦᔪᓯᕐᓯᒪᕗᑦ; 2ᑕᑯᕗᖓᓗ ᐱᔪᓐᓇᕐᑐᕐᔪᐊᒥᒃ ᐂᖏᓕᒥᒃ ᓂᐱᖅᑯᕐᑐᓪᓗᓂ ᐅᖃᕐᑐᒥᒃ, “ᑭᓇ ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᕚ, ᓇᕿᑦᔪᑎᖏᓪᓗ ᐲᔭᕐᓗᒋᑦ?” 3ᓇᓪᓕᐊᓐᓂᒡᓘᓐᓃᑦ ᕿᓚᖕᒥ ᓄᓇᒥᓗ ᓄᓇᐅᓪᓗ ᐊᑖᓂ ᑖᒃᑯᓂᖓ ᐃᓯᕕᑦᓯᔪᓐᓇᕐᑐᖃᓐᖏᓚᖅ ᑕᑯᓇᓱᐊᕈᓐᓇᕐᑐᒥᒃ, 4ᑕᕝᕙ ᖁᕝᕕᐅᓕᕐᐳᖓ ᕿᐊᓕᕐᓗᖓᓗ ᑖᒃᑯᓂᖓ ᐃᓯᕕᑦᓯᔪᓐᓇᕐᑎᑕᐅᔪᖃᖏᒻᒪᑦ ᑕᑯᓇᓱᐊᕈᓐᓇᕐᑐᒥᒃ. 5#ᒨᓯᓯ ᓯᕗᓪᓖᑦ 49:9; ᐂᓮᐊᓯ 11:1,10.ᑕᕝᕙ ᐊᖓᔪᖅᑳᑉ ᐃᓚᖓᑦᑕ ᐅᖃᐅᑎᕚᖓ, “ᕿᐊᖏᓪᓗᑎᑦ; ᑕᑯᒋᑦ, ᓔᔭᓐᑕᖃᕐᐳᖅ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑍᕕᑎᐅᑉ ᑭᖑᕚᖓᓂᒃ, ᓵᓚᖃᕐᓯᒪᔪᒥᒃ, ᑖᑦᓱᒪ ᓇᕿᑦᔪᑏᑦ 7 ᐲᕈᓐᓇᕐᐰᑦ ᐊᒡᓔᓪᓗ ᐃᒧᓯᒪᔪᑦ ᐃᓯᕕᓪᓗᒋᑦ.”
6 #
ᐂᓮᐊᓯ 53:7;
ᓴᑲᕅᐊ 4:10. ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ; 7ᓄᕐᕋᐅᔭᖅ ᐅᐸᒍᑎᓪᓗᓂ ᐊᒡᓔᑦ ᐃᒧᓯᒪᔪᑦ ᐃᒃᓯᕙᐅᑕᕐᔪᐊᕐᒦᑦᑑᑉ ᑕᓕᕐᐱᖕᒥᓄᑦ ᑎᒍᒥᐊᕐᑕᖏᑦ ᑎᒍᕔᑦ. 8#ᐃᓐᖏᕈᑦ 141:2.ᐊᒡᓔᑦ ᐃᒧᓯᒪᔪᑦ ᑎᒍᖕᒪᒋᑦ, ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ 24 ᓄᕐᕋᐅᔭᐅᑉ ᓵᖓᓄᑦ ᐹᒻᒪᒡᓗᑎᒃ ᐅᑯᕗᑦ, ᐊᑐᓂᑦ ᑯᑭᑦᑕᐸᐅᑎᐅᔭᓂᒃ ᕼᐊᐱᓂᒃ ᑎᒍᒥᐊᕐᐳᑦ, ᐴᒍᑕᕐᓂᒡᓗ ᒎᓗᓂᒃ ᐃᓯᕐᓗᐊᕐᓂᑎᑦᓯᑦᔪᑎᓂᒃ ᑕᑕᑦᑐᓂᒃ, ᑕᒪᑦᔭ ᐃᑦᔪᕐᓁᑎᑕᐅᓯᒪᔪᑦ ᑐᒃᓯᐊᕐᓂᖏᑦ; 9#ᐃᓐᖏᕈᑦ 33:3; 98:1; ᐂᓮᐊᓯ 42:10.ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ:
“ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ,
ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ,
ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.
10 #
ᒨᓯᓯ ᐂᑉᐸᖏᑦ 19:6; ᑕᑯᑎ 1:6. ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ,
ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”
11 #
ᑖᓂᐊᓕ 7:10. ᑕᑯᓴᕐᒥᒐᒪ, ᑐᓵᓕᕐᐳᖓ ᐃᒃᓯᕙᐅᑕᕐᔪᐊᑉ ᐊᕙᑖᓂᑦ ᐆᒪᔪᑦ ᓯᑕᒪᑦ ᐊᖓᔪᖅᑳᓪᓗ ᐂᖏᓖᓪᓗ ᐅᓄᕐᑐᕐᔪᐊᑦ ᓂᐱᖏᓐᓂᒃ, ᒥᓕᐊᓐ ᒥᓕᐊᖏᕐᑐᕐᓗᒋᑦ ᓈᓴᒐᒃᓴᐅᖏᑦᑐᕐᔪᐊᓂᒃ, 12ᓂᐱᖅᑯᕐᑐᔪᐊᓘᓪᓗᑎᒃ ᐅᖃᕐᐳᑦ:
“ᓄᕐᕋᐅᔭᖅ ᑐᖁᑕᐅᓚᐅᕐᑐᖅ, ᐱᔪᓐᓇᕐᓂᕐᑖᕈᓐᓇᕐᑐᑐᕗᖅ
ᐊᔪᕐᓴᖏᓐᓂᕐᒥᒃ ᓯᓚᑐᓂᕐᒥᒃ ᐊᔪᒐᖃᖏᓐᓂᕐᒥᒃ,
ᐅᐱᒋᔭᐅᓂᕐᒥᒃ ᐱᓐᓇᕐᓇᕐᓂᕐᒥᒃ, ᓂᕐᑐᕐᑕᐅᓂᕐᒥᒡᓗ!”
13ᑐᓴᕐᐳᖓᓗ ᐆᒪᔪᓕᒫᓂᒃ ᕿᓚᖕᒦᑦᑑᓂᒃ ᓄᓇᒦᑦᑐᓂᒃ ᓄᓇᐅᓪᓗ ᐊᑖᓃᑦᑐᓂᒃ ᐃᒪᕐᕕᖕᒦᑦᑐᓂᒡᓗ, ᑕᒤᓐᓂᒃ ᐊᓂᕐᓂᖃᕐᑐᓕᒫᓂᒃ, ᐅᖃᕐᑐᓂᒃ,
“ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᖅ ᓄᕐᕋᐅᔭᕐᓗ ᓂᕐᑐᕐᑕᐅᓕᑦ
ᐅᐱᒋᔭᐅᓕᑦ ᐱᓐᓇᕐᓇᕐᑎᑕᐅᓗᑎᒃ ᐊᔪᖓᖃᖏᓐᓂᕐᒥᒡᓗ,
ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ!”
14ᐆᒪᔪᓪᓗ ᓯᑕᒪᑦ ᐅᖃᕐᐳᑦ, “ᐋᒦᓐ!” ᐊᖓᔪᖅᑳᓪᓗ ᐅᑯᓪᓗᑎᒃ ᐹᒻᒪᒃᐳᑦ ᑐᒃᓯᐊᕐᕕᒋᓪᓗᒍᓗ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 5: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
