ᔪᐊᓇᓯᐅᑉ ᑕᑯᑎᑕᐅᓂᖏᑦ 4

ᕿᓚᖕᒥ ᓂᕐᑐᐃᔪᑦ

1ᑕᒪᑐᒪ ᑭᖑᓂᖓᒍᑦ ᑕᑯᒋᕗᖓ, ᑕᑯᒋᑦ, ᐅᒃᑯᐊᒥᒃ ᐅᒃᑯᐃᓐᖔᕐᑐᒥᒃ ᕿᓚᖕᒧᑦ!

ᓂᓪᓕᕐᑐᖃᕐᐳᕐᓗ, ᑐᓴᓚᐅᕐᑕᓐᓂᒃ ᐅᕙᓐᓄᑦ ᐅᖃᕐᑐᒥᒃ ᑎᑦᑐᓚᐅᑎᑎᑐᑦ ᓂᐱᖅᑯᑐᑎᒋᔪᒥᒃ, ᐅᖃᕐᐳᖅ, “ᒪᐅᖓ ᕾᒋᑦ, ᑕᑯᑎᓐᓂᐊᕋᒃᑭᑦ ᓇᓪᓕᐅᑎᔪᒫᕐᑐᓂᒃ ᑕᒪᑐᒪ ᑭᖑᓂᖓᒍᑦ.” 2#ᐃᓯᑭᐊᓕ 1:26-28; 10:1.ᑕᕝᕔᓐᓇᕐᓗ ᐊᓂᕐᓂᕐᒦᓕᕐᐳᖓ, ᑕᑯᒋᓪᓗ, ᕿᓚᖕᒦᑦᑐᒥᒃ ᑕᑯᕗᖓ ᐃᒃᓯᕙᐅᑕᕐᔪᐊᕐᒥᒃ, ᑕᕝᕙᓂᓗ ᐃᒃᓯᕙᔪᖃᕐᐳᖅ. 3ᑕᑉᕙᓂ ᐃᒃᓯᕚᕐᑐᖅ ᑕᐅᑦᑐᖃᕐᐳᖅ ᐅᔭᕋᒃᑎᑐᑦ ᑕᑯᒥᓇᕐᑐᑎᑐᑦ ᔭᓯᐸᕆᑐᑦ ᑳᕐᓃᓕᐊᑐᓪᓗ, ᐃᒃᓯᕙᐅᑕᕐᔪᐊᓪᓗ ᐊᕙᑖᒍᑦ ᐊᔭᒍᑕᖃᕐᐳᖅ ᐅᔭᕋᒃᑎᑐᑦ ᐃᒪᕆᐅᓪᑎᑐᑦ ᑕᐅᑦᑐᖃᕐᑐᒥᒃ. 4ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ. 5#ᒨᓯᓯ ᐂᑉᐸᖏᑦ 19:16; ᑕᑯᑎ 8:5; 11:19; 16:18; ᐃᓯᑭᐊᓕ 1:13; ᑕᑯᑎ 1:4; ᓴᑲᕅᐊ 4:2.ᐃᒃᓯᕙᐅᑕᕐᔪᐊᕐᒥᓪᓗ ᖃᐅᒻᒫᓪᓚᒃᑐᖃᖃᑦᑕᕐᐳᖅ, ᑐᓴᕐᓴᐅᔪᖃᕐᐳᕐᓗ ᑲᓪᓕᕐᒥᒃ ᐃᒃᑑᓕᔮᒥᒡᓗ, ᐃᒃᓯᕙᐅᑕᕐᔪᐊᓪᓗ ᓯᕗᕌᓃᑦᑐᖃᕐᐳᖅ ᖃᐅᒻᒪᖅᑯᑎᓂ 7ᓂᒃ ᐃᑯᒪᔪᓂᒃ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7. 6#ᐃᓯᑭᐊᓕ 1:22.#ᐃᓯᑭᐊᓕ 1:5-10; 10:14.ᐃᒃᓯᕙᐅᑕᕐᔪᐊᓪᓗ ᓯᕗᕌ ᐃᒪᕐᔪᐊᑎᑐᑦ ᐊᓕᒍᕐᑎᑐᑦ ᑍᒤᒻᐳᖅ, ᕿᓪᓕᕐᓗᓂ ᑕᑯᒃᓴᐅᓇᑦᓯᐊᕐᐳᖅ.

ᐃᒃᓯᕙᐅᑕᕐᔪᐊᓪᓗ ᓴᓂᕌᓃᑦᑐᖃᕐᐳᖅ ᐊᕙᑎᖏᖕᓂ, ᐆᒪᔪᕐᔪᐊᓂᒃ ᓯᑕᒪᓂᒃ, ᓵᒥᒃᑎᒍᑦ ᑐᓄᒥᒃᑎᒍᓪᓗ ᑕᒤᑎᒍᑦ ᐃᔨᓕᖕᓂᒃ. 7ᓯᕗᓪᓕᕐᓗ ᓔᔭᓐᑐᑦ ᑕᐅᑦᑐᖃᕐᐳᖅ, ᐂᑉᐸᖓᓗ ᐃᒻᒧᒃᓯᐅᒐᐅᑉ ᐸᖕᓂᖓᑐᑦ ᑕᐅᑦᑐᖃᕐᐳᖅ, ᐱᖓᔪᖓᓪᓗ ᐃᓄᒃᑐᑦ ᑮᓇᖃᕐᐳᖅ, ᓯᑕᒪᖓᓪᓗ ᓇᒃᑐᕋᓕᒃᑎᑐᑦ ᖃᖓᑕᔪᑎᑐᑦ ᑍᒤᑉᐳᖅ. 8#ᐃᓯᑭᐊᓕ 1:18; 10:12; ᐂᓮᐊᓯ 6:2,3.ᐆᒪᔪᑦ ᓯᑕᒪᑦ, ᐃᓴᕈᖃᕐᐳᑦ ᐊᑐᓂᑦ ᐱᖓᓲᔪᕐᑐᓂᒃ, ᐃᔨᖃᕐᓗᑎᒡᓗ ᐃᓗᒥᒃᑎᒍᑦ ᓯᓚᑎᓕᒫᒥᒃᑎᒍᓪᓗ, ᐅᓪᓘᑎᓪᓗᒍᓗ ᐅᓐᓄᐊᒥᓗ ᓄᖅᑲᔪᐃᑦᑑᓪᓗᑎᒃ ᐃᓐᖏᕐᐳᑦ:

“ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐃᑦᔪᕐᓁᑉᐳᖅ, ᐊᑕᓂᖅ ᒎᑎ ᐊᔪᒐᖃᖏᑦᑐᖅ,

ᑍᒤᓚᐅᕋᒥ ᒫᓐᓇᓗ ᑍᒤᑦᑐᖅ ᑍᒤᖏᓐᓇᕐᓂᐊᕐᑐᕐᓗ ᓯᕗᓂᕐᒥ!”

9ᐆᒪᔪᐃᑦ ᓂᕐᑐᐃᓕᕌᖓᒥᒃ ᐅᐱᒍᓱᖃᑦᑕᕐᐳᑦ ᖁᔭᓕᓪᓗᑎᒡᓗ ᑖᑦᓱᒥᖓ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᒃ, ᐃᓅᑦᓮᓐᓇᕐᑐᒥᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ, 10ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

11“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ,

ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ.

ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ,

ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”

Currently Selected:

ᔪᐊᓇᓯᐅᑉ ᑕᑯᑎᑕᐅᓂᖏᑦ 4: EAIB

Highlight

Copy