ᔪᐊᓇᓯᐅᑉ ᑕᑯᑎᑕᐅᓂᖏᑦ 2
2
ᐅᒃᐱᕐᑑᖃᑎᒌᓄᖅ ᐃᐱᓲᓯᒥᐅᓄᑦ ᐅᖃᐅᓰᑦ
1“ᐃᐱᓲᓯᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ:
“‘ᐅᑯᐊ ᐅᖃᐅᓰᑦ ᐅᓪᓗᕆᐊᓂᒃ 7ᓂᒃ ᑕᓕᕐᐱᖕᒥᓄᑦ ᑎᒍᒥᐊᕐᑐᒥᑦ ᐱᕗᑦ, ᖃᐅᒻᒪᖅᑯᑏᓪᓗ ᒎᓗᐃᑦ ᐃᓂᖏᑦᑕ 7 ᐊᑯᕐᖓᑦᑎᒍᑦ ᐱᓱᒃᑐᒥᑦ. 2ᐱᓂᐊᕐᓂᑎᑦ ᖃᐅᔨᒪᕙᒃᑲ, ᐊᒃᓱᕈᕐᓗᑎᑦ ᐱᓇᓱᐊᕐᓯᒪᓃᑦ ᕿᓄᐃᓵᕐᓯᒪᓃᓪᓗ, ᐱᐅᖏᑦᑐᓕᔪᓂᒡᓗ ᓈᒪᒃᓴᓕᕈᓐᓇᖏᓐᓇᕕᑦ ᐋᐴᓯᑕᓕᐅᓂᕋᕐᑐᓪᓗ ᐋᐴᓯᑕᓕᐅᓇᑎᒃ ᖃᐅᔨᓴᕐᓯᒪᒐᕕᒋᑦ, ᖃᐅᔨᓯᒪᓪᓗᒋᓪᓗ ᓱᓕᖏᓐᓂᖏᓐᓂᒃ. 3ᖃᐅᔨᒪᕙᒋᑦ ᕿᓄᐃᓵᕐᓂᖃᕐᓯᒪᒐᕕᑦ ᐋᓐᓂᐊᑎᑕᐅᓯᒪᕗᑎᓪᓗ ᐊᑎᕋ ᐱᓪᓗᒍ, ᓴᐱᓕᓚᐅᓐᖏᓚᑎᓪᓗ. 4ᐆᒥᖓᓕ ᓈᒻᒪᒃᓴᖏᑦᔪᑎᖃᕐᐳᖓ ᐃᓕᖕᓄᑦ, ᓯᕗᓪᓕᕐᒥᒃ ᓇᒡᓕᖕᓂᕆᓚᐅᕐᑕᕐᑐᑦ ᓇᒡᓕᖕᓂᖃᕈᓐᓃᕋᕕᑦ. 5ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ. 6ᐃᒤᑦᑐᒥᒡᓕ ᓱᓕ ᐱᓯᒪᕗᑎᑦ, ᓂᑯᓔᑎᒥᐅᑦ ᐱᓂᐊᕐᓂᖏᑦ ᐆᒥᒋᒐᕕᒋᑦ, ᐅᕙᖓᑦᑕᐅᖅ ᐆᒥᒋᖕᒥᒐᒃᑭᑦ.
7 #
ᒨᓯᓯ ᓯᕗᓪᓖᑦ 2:9; ᑕᑯᑎ 22:2;
ᐃᓯᑭᐊᓕ 28:13; 31:8. “‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.
“‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ#2:7 ᖁᕕᐊᓇᕐᑐᕕᖓᓂ.’”
ᐅᒃᐱᕐᑑᖃᑎᒌᓄᑦ ᓯᒨᕐᓇᒥᐅᓄᑦ ᐅᖃᐅᓰᑦ
8 #
ᐂᓮᐊᓯ 44:6; 48:12; ᑕᑯᑎ 1:17; 22:13. “ᓯᒨᕐᓇᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ:
“‘ᐅᑯᐊ ᐅᖃᐅᓰᑦ ᐱᕗᑦ, ᓯᕗᓪᓕᕐᐹᖑᔪᒥᑦ ᑭᖑᓪᓕᕐᐹᖑᔪᒥᓪᓗ, ᑐᖁᓚᐅᕐᓗᓂ ᒪᑭᓚᐅᕐᑐᒥᑦ. 9ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ. 10ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.
11 #
ᑕᑯᑎ 20:14; 21:8. “‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ, ᐅᒃᐱᕐᑑᖃᑎᒌᓄᑦ.
“‘ᓵᓚᖃᕐᑐᑦ ᐋᓐᓂᕐᑕᐅᓂᐊᓐᖏᓚᑦ ᑐᖂᑉ ᐂᑉᐸᖓᓄᑦ.’”
ᐅᒃᐱᕐᑑᖃᑎᒌᓄᑦ ᐴᕐᒐᒪᒥᐅᓄᑦ ᐅᖃᐅᓰᑦ
12“ᐴᕐᒐᒪᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ:
“‘ᐅᑯᐊ ᐅᖃᐅᓰᑦ ᐱᕗᑦ ᐃᒡᓗᒃᑐᑦ ᑮᓇᓕᖕᒥᒃ ᓴᕕᒡᔪᐊᖃᕐᑐᒥᑦ. 13ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ. 14#ᒨᓯᓯ ᓯᑕᒪᖏᑦ 22:5,7; 31:16; ᒨᓯᓯ ᑕᓪᓕᒪᖏᑦ 23:4; ᒨᓯᓯ ᓯᑕᒪᖏᑦ 25:1-3.ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ. 15ᐊᒻᒪᑦᑕᐅᖅ ᓂᑯᓔᑎᒥᐅᑦ ᐊᔪᕆᕐᑑᓯᖏᓐᓂᒃ ᒪᓕᒃᑐᕐᑕᖃᕆᓪᓗᓯ. 16ᖃᕿᐊᓕᓕᕆᑦ. ᖃᕿᐊᓕᖏᒃᑯᕕᑦ, ᒫᓐᓇᒃᑯᑦ ᐅᐸᖕᓂᐊᕐᐸᒋᑦ ᐅᓇᑕᕆᐊᕐᑐᕐᓗᒋᑦ ᓴᕕᒡᔪᐊᕐᒧᑦ ᖃᓂᓐᓃᑦᑐᒧᑦ.
17 #
ᒨᓯᓯ ᐂᑉᐸᖏᑦ 16:14,15; 16:33,34; ᔪᐊᓇᓯ 6:48-50;
ᐂᓮᐊᓯ 62:2; 65:15. “‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.
“‘ᓵᓚᖃᕐᑐᑦ ᑐᓂᓯᕕᒋᓂᐊᕐᐸᒃᑲ ᓂᕿᒃᓴᒥᒃ ᒫᓇᒥᒃ ᐃᔨᕐᓯᒪᔪᒥᒃ, ᑐᓂᓯᕕᒋᓗᒋᓪᓗ ᐅᔭᕋᖕᒥᒃ ᖃᑯᕐᑕᒥᒃ, ᑕᕝᕙᓂ ᐊᑎᖏᑦ ᓄᑖᑦ ᑎᑎᕋᕐᓯᒪᓂᐊᕐᐳᑦ ᐊᓯᖏᓐᓄᑦ ᖃᐅᔨᒪᔭᐅᖏᑦᑐᑦ ᑐᓂᓯᕕᐅᔫᑉ ᑭᓯᒥ ᖃᐅᔨᒪᓂᐊᕐᐰᑦ.’”
ᐅᒃᐱᕐᑑᖃᑎᒌᓄᑦ ᑍᐊᑍᕋᒥᐅᓄᑦ ᐅᖃᐅᓰᑦ
18“ᑍᐊᑍᕋᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ:
“‘ᐅᖃᐅᓰᑦ ᐅᑯᐊ ᐱᕗᑦ ᒎᑎᐅᑉ ᐃᕐᓂᖓᓂᑦ, ᐃᔨᖅᑲᕐᑑᑉ ᐃᑯᒪᔪᑎᑐᑦ ᑍᒤᑦᑑᖕᓂᒃ, ᐃᑎᒐᖃᕐᑑᓪᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᑕᐅᓯᒪᔪᑎᑐᑦ ᑍᒤᑦᑑᖕᓂᒃ. 19ᐱᓂᐊᕐᓂᑎᑦ ᖃᐅᔨᒪᕙᒃᑲ, ᓇᒡᓕᒍᓱᖕᓃᑦ ᓱᖁᓯᔪᐃᑦᑑᓃᑦ ᐱᓇᓱᐊᕐᓃᓪᓗ ᕿᓄᐃᓵᕐᓃᓪᓗ, ᒫᓐᓇᓗ ᐱᓇᓱᐊᕐᓂᕐᓴᐅᓕᕋᕕᑦ ᐱᒋᐊᓕᓵᕐᓂᕆᓚᐅᕐᑕᕐᓂᑦ. 20#ᐊᑕᓃᑦ ᓯᕗᓪᓖᑦ 16:31; ᐊᑕᓃᑦ ᐂᑉᐸᖏᑦ 9:22,30.ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ. 21ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ. 22ᑕᑯᒋᑦ, ᐃᒡᓕᕐᒥᑦ ᒪᑭᔪᐃᑦᑐᓐᖑᕐᑎᓐᓂᐊᕐᐸᕋ, ᐊᓯᓐᓂᐊᖃᑎᒋᕙᒃᑕᖏᓪᓗ ᐱᖃᓯᐅᑎᓗᒋᑦ ᐊᖏᔪᒥᒃ ᐋᓐᓂᐊᑎᑦᓱᒫᕐᐸᒃᑲ, ᖃᕿᐊᓕᕐᓂᐊᓐᖏᑐᐊᕐᐸᑦ ᐱᓂᐊᕐᓂᕆᕙᒃᑕᒥᓂᑦ ᐱᐅᖏᑦᑐᓂᑦ; 23#ᐃᓐᖏᕈᑦ 7:9; ᔨᕆᒤᐊ 17:10; ᐃᓐᖏᕈᑦ 62:12.ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.
24“‘ᑍᐊᑍᕋᒥᐅᑕᐅᔪᓯᓕ, ᐊᔪᕆᕐᑐᐃᓂᕐᓗᖕᓂᕐᒥᒃ ᑕᒪᑐᒥᖓ ᒪᓕᓐᖏᓚᓯ, ᖃᐅᔨᓚᐅᖏᑦᑐᓯᓗ ᓵᑖᓇᓯᐅᑉ ᐃᔨᕐᓯᒪᓪᓚᕆᒃᑐᒃᑯᑦ ᐱᓇᓱᐊᕐᓂᖓᓂᒃ, ᐃᓕᑦᓯᓐᓄᑦ ᐅᖁᒤᑦᑐᒋᐊᓪᓚᖕᒥᒃ ᐱᑎᑦᓯᓂᐊᓐᖏᓚᖓ; 25ᑎᑭᓚᐅᖏᓐᓂᓐᓂ, ᐱᓯᒪᔭᑦᓯᓐᓂᒃ ᓴᑯᐃᑦᑍᓕᒋᑦᓯ. 26#ᐃᓐᖏᕈᑦ 2:8,9.ᓵᓚᖃᕐᑐᖅ ᐱᓇᓱᐊᕐᑕᐅᖁᔭᓐᓂᒡᓗ ᐱᓇᓱᐊᖏᓐᓇᕐᓗᓂ ᐃᓱᓕᑦᑎᔪᖅ, ᐱᔪᓐᓇᕐᓂᕐᑖᕐᑎᑦᓱᒪᕙᕋ ᐃᓅᖃᑎᒌᒡᔪᐊᓄᑦ, 27ᐊᐅᓚᑦᓯᓂᐊᕐᐳᕐᓗ ᓴᕕᕋᔭᖕᒥᒃ ᐊᔭᐅᑉᐱᐊᖃᕐᓗᓂ, ᓯᖁᒥᑦᓯᔪᓐᓇᕐᓗᓂ ᒪᕐᕋᓕᐅᕐᑎᐅᓪᓗ ᐃᓗᓕᖁᑎᖏᑎᑐᑦ ᓯᖁᒥᑦᓱᒫᕐᐰᑦ, ᐅᕙᖓᑦᑕᐅᖅ ᐊᑖᑕᓐᓂᑦ ᐱᔪᓐᓇᕐᓂᕐᑖᕐᑎᑕᐅᓯᒪᓂᑦᑐᑦ; 28ᑐᓂᓯᕕᒋᓂᐊᕐᐸᕋᓗ ᐅᓪᓗᕆᐊᒥᒃ ᖃᐅᓕᕐᑐᕐᓯᐅᒻᒥᒃ.
29“‘ᓯᐅᑎᖃᕐᑑᑉ ᑐᓴᓕᕐᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
