ᔪᐊᓇᓯᐅᑉ ᑕᑯᑎᑕᐅᓂᖏᑦ 1
1
ᐱᒋᐊᕈᑎᖏᑦ
1ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᑕᑯᑎᑦᓯᓂᖓᓂᒃ, ᒎᑎᐅᑉ ᐱᔨᓂ ᑕᑯᑎᓚᐅᕐᐹ ᐱᔪᒫᕐᑐᒃᓴᓂᒃ ᖃᐅᔨᖁᓪᓗᒍ ᐊᑯᓂᐅᖏᑦᑐᖅ ᓇᓪᓕᐅᑎᔪᒫᓕᕐᑐᓂᒃ; ᑕᒪᒃᑯᐊ ᖃᐅᔨᒃᑲᐅᑎᒋᓚᐅᕐᐰᑦ ᐱᔨᒥᓄᑦ ᔪᐊᓇᓯᒧᑦ ᐂᖏᓕᒥᒃ ᑎᓕᓯᓪᓗᓂ. 2ᔪᐊᓇᓯ ᓇᓗᓁᕐᓯᓚᐅᕐᐳᖅ ᒎᑎᐅᑉ ᐅᖃᐅᓯᖓᓂᒃ ᐅᓐᓂᕐᓯᐅᕈᑎᖃᕐᓗᓂᓗ ᔩᓱᓯ ᙭ᔅᑑᓯᒥᒃ, ᑕᒤᓐᓂᒃ ᑕᑯᓚᐅᕐᑕᒥᓂᒃ. 3ᓮᒪᓇᕐᑐᒦᑉᐳᖅ ᑖᒃᑯᓂᖓ ᐅᖃᓕᒫᕐᑐᖅ ᓇᓚᐅᑦᑍᔪᑕᐅᓯᒪᔪᓂᒃ, ᓮᒪᓇᕐᑐᒦᑭᕗᑦ ᑕᒪᒃᑯᓂᖓ ᐱᔪᒫᕐᑐᒃᓴᓂᒃ ᑐᓴᕐᑐᑦ, ᓈᓚᒃᑐᓪᓗ ᑕᕝᕙᓂ ᑎᑎᕋᕐᑕᐅᓯᒪᔪᓂᒃ, ᓇᓪᓕᐅᓐᓂᒃᓴᖏᑦ ᖃᓂᑦᑑᓕᕐᒪᑕ.
ᐅᒃᐱᕐᑑᖃᑎᒌᓄᑦ 7ᓄᑦ ᐅᖃᐅᓰᑦ
4 #
ᒨᓯᓯ ᐂᑉᐸᖏᑦ 3:14;
ᑕᑯᑎ 4:5. ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ:
ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ, 5#ᐂᓮᐊᓯ 55:4; ᐃᓐᖏᕈᑦ 89:27.ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ.
ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ. 6#ᒨᓯᓯ ᐂᑉᐸᖏᑦ 19:6; ᑕᑯᑎ 5:10.ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.
7 #
ᑖᓂᐊᓕ 7:13; ᒫᑎᐅᓯ 24:30; ᒫᑯᓯ 13:26; ᓘᑲᓯ 21:27; 1 ᑎᓴᓗᓁ 4:17;
ᓴᑲᕅᐊ 12:10; ᔪᐊᓇᓯ 19:34,37;
ᓴᑲᕅᐊ 12:10; ᒫᑎᐅᓯ 24:30. ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.
8 #
ᑕᑯᑎ 22:13;
ᒨᓯᓯ ᐂᑉᐸᖏᑦ 3:14. “ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.
᙭ᔅᑑᓯᐅᑉ ᑕᑯᑎᑦᓯᑦᔪᑎᒃᑯᑦ ᓴᖅᑭᓐᓂᖓ
9ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ. 10ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ. 11ᐅᖃᕐᓗᓂ, “ᑕᑯᔭᕐᓂᒃ ᑎᑎᕋᕆᑦ ᑎᑎᕋᕐᑕᑎᓪᓗ ᐊᐅᓪᓚᕐᑎᓪᓗᒋᑦ ᐅᒃᐱᕐᑑᖃᑎᒌᒃᑐᓄᑦ 7ᓄᑦ, ᐃᐱᓲᓯᒧᑦ ᓯᒨᕐᓇᒧᓪᓗ ᐴᕐᒐᒪᒻᒧᓪᓗ ᑍᐊᑍᕋᒧᓪᓗ ᓵᕐᑏᓯᒧᓪᓗ ᐱᓚᑕᐅᓪᕕᐊᒧᓪᓗ ᓚᐅᑏᓯᐊᒧᓪᓗ.” 12ᑕᕝᕙ ᑐᓄᓐᓄᑦ ᑕᑯᓴᕐᐳᖓ ᐅᕙᓐᓄᑦ ᐅᖃᓪᓚᒃᑐᒥᒃ ᑕᑯᔪᒪᓪᓗᖓ, ᕿᕕᐊᕋᒪᓗ ᑕᑯᕗᖓ 7ᓂᒃ ᖃᐅᒻᒪᖅᑯᑎᐅᑉ ᐃᓂᖏᓐᓂᒃ ᒎᓗᓂᒃ. 13#ᑖᓂᐊᓕ 7:13; ᑖᓂᐊᓕ 10:5.ᑖᒃᑯᐊᓗ ᐊᑯᓐᓂᖓᓃᑦᑐᖃᕐᐳᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᑐᒥᒃ, ᑕᑭᔪᒥᒃ ᐊᓐᓄᕌᕐᓯᒪᔪᒥᒃ ᒎᓗᒥᒡᓗ ᑕᑦᓯᐅᔭᖅᑲᕐᓗᓂ ᓴᒡᕕᖕᒥᒍᑦ. 14#ᑖᓂᐊᓕ 7:9.#ᑖᓂᐊᓕ 10:6.ᓂᐊᖁᖓ ᓄᔭᖏᓪᓗ ᖃᑯᕐᑕᐅᕗᑦ ᓰᐱᐅᑉ ᒥᖅᑯᖏᑎᑐᑦ, ᐊᐳᑎᑐᓪᓗ ᖃᑯᕐᑎᒋᓪᓗᑎᒃ; ᐃᔨᖏᒡᓗ ᐃᑯᒪᔪᑎᑐᑦ ᑍᒤᑉᐴᒃ, 15#ᐃᓯᑭᐊᓕ 1:24; 43:2.ᐃᑎᒐᖏᑦ ᑲᓐᓄᔭᑎᑐᑦ ᑍᒤᑉᐳᑦ, ᐃᑯᒪᒧᑦ ᕿᓚᕆᒃᓴᕐᑕᐅᓯᒪᔪᑎᑐᑦ, ᓂᐱᖓᓗ ᒪᓕᐊᓗᐃᑦ ᐃᒃᑐᑑᕐᓂᖓᑎᑐᑦ ᑍᒤᑉᐳᖅ; 16ᑕᓕᕐᐱᖕᒥᓂᓗ ᐅᓪᓗᕆᐊᓂᒃ 7ᓂᒃ ᑎᒍᒥᐊᕐᐳᖅ, ᖃᓂᖓᓂᓪᓗ ᓄᐃᔪᖃᕐᐳᖅ ᓴᕕᒡᔪᐊᒥᒃ ᐃᒡᓗᒃᑐᑦ ᑮᓇᓕᖕᒥᒃ, ᑮᓇᖓᓗ ᓯᕿᓂᐅᑉ ᖃᐅᒻᒪᕆᖕᓂᕐᐹᖓᑎᑐᑦ ᖃᐅᒪᑎᒋᕗᖅ. 17#ᐂᓮᐊᓯ 44:6; 48:12; ᑕᑯᑎ 2:8; 22:13.ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ,#1:17 ᐃᕐᓯᓇᒃ ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ 18ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ. 19ᑕᑯᔭᑎᑦ ᑎᑎᕋᓕᒃᑭᑦ, ᒫᓐᓇ ᖃᓄᐃᓕᖓᓂᖏᑦ ᑭᖑᓂᖓᒍᓪᓗ ᓇᓪᓕᐅᑎᔪᒫᕐᑐᑦ. 20ᑕᑯᖅᑲᐅᔭᑎᑦ ᐅᓪᓗᕆᐊᑦ 7 ᑕᓕᕐᐱᓐᓄᑦ ᑎᒍᒥᐊᕐᑕᒃᑲ ᓇᓗᓇᕐᑐᑦ, ᒎᓗᐃᓪᓗ ᖃᐅᒻᒪᖁᑎᐅᑉ ᐃᓂᖏᑦ 7; ᐅᓪᓗᕆᐊᓪᓗ 7 ᐂᖏᓕᒋᔭᐅᕗᑦ ᐅᒃᐱᕐᑑᖃᑎᒌᓄᑦ 7ᓄᑦ ᐊᒻᒪᓗ 7 ᖃᐅᒻᒪᖅᑯᑎᐅᑉ ᐃᓂᖏᑦ ᐅᒃᐱᕐᑑᖃᑎᒌᖑᕗᑦ 7.”
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
