ᔪᐊᓇᓯᐅᑉ ᑕᑯᑎᑕᐅᓂᖏᑦ 15
15
ᐂᖏᓖᑦ ᑲᑉᐱᐊᓇᕐᑐᓂᒃ ᑭᖑᓪᓕᕐᐹᓂᒃ ᓴᖅᑭᑎᑦᓯᔪᑦ
1ᕿᓚᖕᒥ ᑕᑯᓕᕆᕗᖓ ᑕᑯᓕᒪᓇᖏᑦᑐᒥᒃ, ᐊᖏᔪᒥᒃ ᐱᐅᔪᐊᓗᖕᒥᒃ, ᐂᖏᓕᓂᒃ 7ᓂᒃ ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᓂᒃ, ᑖᒃᑯᐊᓗ ᑭᖑᓪᓕᕐᐹᒃᓴᐅᕗᑦ, ᒎᑎᐅᑉ ᓂᓐᖓᐅᓯᖓᑕ ᑭᖑᓪᓕᕐᐹᖓᓂᒃ ᐱᓯᒪᔪᑦ.
2ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ. 3#ᒨᓯᓯ ᐂᑉᐸᖏᑦ 15:1.ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ:
“ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ!
ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ,
ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ,
ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!
4 #
ᔨᕆᒤᐊ 10:7;
ᐃᓐᖏᕈᑦ 86:9. ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ?
ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ.
ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ,
ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”
5 #
ᒨᓯᓯ ᐂᑉᐸᖏᑦ 38:21. ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᑐᒃᓯᐊᕐᕕᒡᔪᐊᑉ ᕿᓚᖕᒦᑦᑑᑉ ᐅᒃᑯᐃᕐᑕᐅᓂᖓᓂᒃ, ᐊᖏᖃᑎᒌᖕᓂᐅᑉ ᑐᐱᖓᓂᒃ ᐃᓗᐊᓃᑦᑐᕐᑕᓕᖕᒥᒃ. 6ᐂᖏᓖᓪᓗ 7 ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᕗᑦ; ᐊᓐᓄᕌᕐᓯᒪᔪᓂᒃ ᐃᑦᔪᕐᓁᑦᑐᓂᒃ ᓵᑦᑐᓂᒃ ᖃᐅᒪᔪᓂᒃ, ᓴᒡᕕᖕᒥᒃᑎᒍᓪᓗ ᐅᕕᖓᔪᒥᒃ ᑕᑦᓯᕈᑕᐅᔭᕐᓯᒪᓪᓗᑎᒃ ᒎᓗᒥᒃ. 7ᐆᒪᔪᓪᓗ ᓯᑕᒪᑦ ᐃᓚᖓᑦᑕ ᐂᖏᓖᑦ 7 ᑐᓂᓯᕕᒋᕔᑦ 7ᓂᒃ ᖃᓪᓗᑎᓂᒃ ᒎᓗᓂᒃ ᒎᑎᐅᑉ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᓂᓐᖓᐅᓯᖓᓂᒃ ᑕᑕᑦᑐᓂᒃ. 8#ᒨᓯᓯ ᐂᑉᐸᖏᑦ 40:34; ᐊᑕᓃᑦ ᓯᕗᓪᓖᑦ 8:10,11; ᑯᕉᓂᑲ ᐂᑉᐸᖏᑦ 5:13,14; ᐂᓮᐊᓯ 6:4.ᑐᒃᓯᐊᕐᕕᒡᔪᐊᕐᓗ ᐳᔪᕐᒥᒃ ᑕᑕᑉᐳᖅ ᒎᑎᐅᑉ ᐱᓐᓇᕐᓇᕐᓂᖓᓂᒃ ᐱᔪᓐᓇᕐᓂᖓᓂᒡᓗ, ᓇᓪᓕᐊᓐᓄᓪᓘᓐᓃᑦ ᑐᒃᓯᐊᕐᕕᒡᔪᐊᖅ ᐃᑎᕐᑕᐅᔪᓐᓇᓐᖏᓚᖅ ᑲᑉᐱᐊᓇᕐᑐᑦ 7 ᐂᖏᓖᑦ 7 ᐱᓯᒪᔭᖏᑦ ᐃᓱᓕᓚᐅᖏᓐᓂᖏᓐᓂ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 15: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
