ᔪᐊᓇᓯᐅᑉ ᑕᑯᑎᑕᐅᓂᖏᑦ 14
14
ᓄᕐᕋᐅᔭᖅ ᐃᓄᖁᑎᖏᓪᓗ
1 #
ᐃᓯᑭᐊᓕ 9:4; ᑕᑯᑎ 7:3. ᑕᑯᓴᕋᒪᓗ, ᑕᑯᕗᖓ, ᓄᕐᕋᐅᔭᕐᒥᒃ ᖃᖅᑲᒥ ᓮᐅᓂᒥ ᓇᖏᕐᑐᒥᒃ, ᓇᖏᖃᑎᖃᕐᓗᓂ 144,000ᓂᒃ ᐊᑎᖓᓂᒃ ᐊᑖᑕᖓᑕᓗ ᐊᑎᖓᓂᒃ ᑎᑎᕋᕐᕕᐅᓯᒪᔪᓂᒃ ᖃᐅᖏᑎᒍᑦ. 2ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐃᒪᕐᔪᐃᑦ ᐃᒃᑑᓕᔮᕐᓂᖏᑎᑐᑦ ᑍᒤᑦᑐᒥᒃ ᑲᓪᓕᕐᑐᑎᑐᓪᓗ ᓂᐱᕐᔪᐊᖃᕐᐳᖅ; ᓂᐱᓗ ᑐᓴᕐᑕᕋ ᕼᐊᕐᐱᑦ ᑯᑭᑦᑕᐸᐅᑎᐅᔧᑦ ᓂᓪᓕᐊᑎᑕᐅᓂᖏᑎᑐᑦ ᑐᓴᕐᓴᐅᕗᖅ. 3ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ. 4ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ, 5#ᔨᐸᓁᐊ 3:13.ᓱᓕᖏᑦᑐᒥᒃ ᐅᖃᕐᑎᓪᓗᒋᑦ ᖃᐅᔨᔭᐅᓯᒪᓐᖏᓚᑦ, ᐸᓯᔭᒃᓴᐅᓂᖃᖏᓐᓇᒥᒃ.
ᐂᖏᓖᑦ ᐱᖓᓱᑦ
6ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ. 7ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᒎᑎ ᐃᓕᕋᒋᓗᒍ ᓂᕐᑐᕐᑕᐅᓕ, ᒫᓐᓇ ᐃᓄᓕᒫᓂᒃ ᐃᖅᑲᕐᑐᐃᓂᒃᓴᖓ ᓇᓪᓕᐅᑎᖕᒪᑦ; ᑐᒃᓯᐊᕐᕕᒋᓯᐅᒃ ᐱᓐᖑᕐᑎᑦᓯᓚᐅᕐᑐᖅ ᕿᓚᖕᒥᒃ ᓄᓇᒥᒡᓗ, ᐃᒪᕐᕕᖕᒥᒡᓗ ᓄᓇᐅᓪᓗ ᐃᓗᐊᓂᑦ ᑰᒃᑐᓂᒃ.”
8 #
ᐂᓮᐊᓯ 21:9; ᔨᕆᒤᐊ 51:8; ᑕᑯᑎ 18:2. ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”
9ᐂᖏᓕᐅᓪᓗ ᐱᖓᔪᐊᑦ ᑭᖑᓂᖓᒍᑦ ᓴᖅᑭᒃᑭᕗᖅ, ᓂᐱᖅᑯᕐᑐᓪᓗᓂᓗ ᐅᖃᕐᐳᖅ, “ᓇᓪᓕᐊᑦ ᑐᒃᓯᐊᕐᕕᖃᖃᑦᑕᕐᐸᑦ ᐆᒪᔪᐊᓗᖕᒥᒃ ᐊᑦᔨᖓᓂᒡᓘᓐᓃᑦ ᓴᓇᓯᒪᔪᒥᒃ, ᓇᓗᓁᒃᑯᑕᖓᓂᒡᓗ ᖃᐅᕐᒥᒍᑦ ᓇᓗᓁᒃᑯᓯᕐᑕᐅᓯᒪᒃᐸᑦ ᐊᒡᒐᖕᒥᒍᓪᓘᓐᓃᑦ, 10#ᐂᓮᐊᓯ 51:17; ᒨᓯᓯ ᓯᕗᓪᓖᑦ 19:24; ᐃᓯᑭᐊᓕ 38:22.ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ. 11#ᐂᓮᐊᓯ 34:10.ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”
12ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.
13ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.”
ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”
ᓄᓇᕐᔪᐊᕐᒥᑦ ᑲᑎᕐᓱᐃᓂᖅ
14 #
ᑖᓂᐊᓕ 7:13. ᑕᑯᓴᕋᒪ, ᑕᑯᒋᑦ ᓄᕗᔭᑕᖃᕐᐳᖅ ᖃᑯᕐᑕᒥᒃ, ᓄᕗᔭᒥᓗ ᐃᒃᓯᕚᕐᑐᖅ ᐃᓅᑉ ᐃᕐᓂᖓᑐᑦ ᑕᐅᑦᑐᖃᕐᐳᖅ, ᒎᓗᒥᒃ ᓂᐊᖂᓯᕐᓯᒪᕗᖅ, ᐃᐱᒃᑐᒥᒡᓗ ᐃᕕᖕᓂᒃ ᓇᑲᑎᕆᑦᔪᑎᒥᒃ ᑎᒍᒥᐊᕐᓗᓂ. 15#ᔪᐃᓕ 3:13.ᐂᖏᓕᒥᒡᓗ ᐊᓯᐊᓂᒃ ᓴᖅᑭᑦᑐᖃᕆᕗᖅ ᑐᒃᓯᐊᕐᕕᒡᔪᐊᕐᒥᑦ ᐊᓂᔪᒥᒃ, ᓂᐱᖅᑯᕐᑐᓪᓗᓂᓗ ᓄᕗᔭᒥ ᐃᒃᓯᕚᕐᑐᒧᑦ ᐅᖃᕐᐳᖅ, “ᐱᕈᕐᑐᑦ ᓇᑲᑎᓕᒃᑭᑦ ᓇᑲᑎᕆᑦᔪᑎᖕᓄᑦ, ᑲᑎᕐᓱᐃᕕᒃ ᓇᓪᓕᐅᑎᖕᒪᑦ, ᓄᓇᕐᔪᐊᑉ ᐱᕈᕐᑐᖏᑦ ᓈᒻᒪᒃᓯᖕᒪᑕ ᑲᑎᕐᓱᕐᑕᐅᔪᓐᓇᕐᓯᕗᑦ.” 16ᓄᕗᔭᒥᓗ ᐃᒃᓯᕙᔫᑉ ᓇᑲᑎᕆᑦᔪᑎᒥᓄᑦ ᓄᓇᕐᔪᐊᖅ ᐃᖏᕐᕋᑯᑖᒃᑎᒻᒪᒍ, ᓄᓇᕐᔪᐊᕐᒥ ᑲᑎᕐᓱᒐᒃᓴᑦ ᓇᑲᑎᕐᑕᐅᕗᑦ.
17ᐂᖏᓕᒥᒡᓗ ᐊᓯᐊᓂᒃ ᑕᑯᒋᕗᖓ ᕿᓚᖕᒥᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᔪᒥᒃ, ᑖᓐᓇᑦᑕᐅᖅ ᓇᑲᑎᕆᑦᔪᑎᒥᒃ ᐃᐱᒃᑐᒥᒃ ᑎᒍᒥᐊᕆᕗᖅ.
18ᐂᖏᓕᐅᑦᑕᐅᖅ ᑖᑦᓱᒪ ᐊᓯᐊ ᓴᖅᑭᒃᑭᕗᖅ ᑐᓂᕐᕈᓯᕐᕕᖕᒥᑦ ᐊᓂᔪᖅ, ᑖᓐᓇ ᐃᑯᒪᒧᑦ ᐱᔪᓐᓇᕐᓂᖃᕐᑐᖅ, ᓂᐱᖅᑯᕐᑐᓪᓗᓂᓗ ᐂᖏᓕᒧᑦ ᐃᐱᒃᑐᒥᒃ ᓇᑲᑎᕆᑦᔪᑎᓕᔭᕐᑐᒧᑦ ᐅᖃᕐᐳᖅ, “ᓇᑲᑎᕆᑦᔪᑎᖕᓄᑦ ᐸᐅᕐᒊᑦ ᑲᑎᓐᖓᔪᑦ ᑲᑎᕐᓱᓕᒃᑭᑦ ᓄᓇᕐᔪᐊᑉ ᐱᕈᕐᓰᕕᖏᓐᓃᑦᑐᑦ, ᐸᐅᕐᒊᑦ ᐱᕈᕇᕐᓗᑎᒃ ᓇᑲᑎᕐᑕᐅᑐᐃᓐᓇᕆᐊᖃᓕᕐᒪᑕ.” 19ᐂᖏᓕᐅᓪᓗ ᓇᑲᑎᕆᑦᔪᑎᒥᓄᑦ ᓄᓇᕐᔪᐊᖅ ᑎᓔᕐᒪᒍ ᐸᐅᕐᒊᑦ ᐱᕈᕐᕕᖏᓐᓂᑦ ᑲᑎᕐᓱᕐᐰᑦ, ᐃᒋᓪᓗᒋᓪᓗ ᐸᐅᕐᖓᓄᑦ ᐃᑦᑏᔭᕐᑕᐅᕕᖕᒧᑦ ᐊᖏᔪᒧᑦ ᑕᕝᕗᖓ ᒎᑎᐅᑉ ᓂᓐᖓᐅᓯᕐᔪᐊᖓᓄᑦ; 20#ᐂᓮᐊᓯ 63:3; ᐅᒡᒍᐊᕐᓃᑦ 1:15; ᑕᑯᑎ 19:15.ᐸᐅᕐᒊᓪᓗ ᖃᒐᕐᑎᑕᐅᕗᑦ ᐃᑦᑏᔭᕐᑕᐅᕕᖕᒥ ᐃᒡᓗᒐᓮᑦ ᓯᓚᑖᓂ, ᐊᐅᒡᓗ ᑰᓕᕐᐳᖅ ᐸᐅᕐᖎᑦ ᐃᑦᑏᔭᕐᑕᐅᕕᖓᓂᑦ, ᐃᒪᕈᕐᑎᑦᓯᓂᖓᓗ ᑕᑭᓂᖃᕐᐳᖅ 200ᒤᓕᓂᒃ, ᐃᑎᓂᖃᕐᓗᓂᓗ ᐃᑎᒊᑦ ᑕᓪᓕᒪᑦ ᖃᓂᒋᔮᓂ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 14: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
