ᔪᐊᓇᓯᐅᑉ ᑕᑯᑎᑕᐅᓂᖏᑦ 16
16
ᖃᓪᓗᑏᑦ ᒎᑎᐅᑉ ᓂᓐᖓᐅᓯᖓᓂᒃ ᐃᓗᓕᓖᑦ
1ᑐᓴᕐᐳᖓᓗ ᓂᐱᖅᑯᕐᑐᔪᒥᒃ ᑐᒃᓯᐊᕐᕕᒡᔪᐊᒥᑦ ᐱᔪᒥᒃ ᐅᖃᐅᑦᔨᔪᒥᒃ ᐂᖏᓕᓂᒃ 7ᓂᒃ, “ᖃᓪᓗᑏᑦ 7 ᑯᕕᔭᕐᑐᓕᕐᓯᐅᒃ ᓄᓇᕐᔪᐊᕐᒧᑦ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓖᑦ.”
2 #
ᒨᓯᓯ ᐂᑉᐸᖏᑦ 9:10. ᐂᖏᓕᐅᓪᓗ ᓯᕗᓕᕐᐹᑉ ᖃᓪᓗᑎᓂ ᑯᕕᕚ ᓄᓇᕐᔪᐊᕐᒧᑦ, ᑕᕝᕙ ᐃᓄᐃᑦ ᑕᑯᒥᓁᑦᑐᓄᑦ ᐊᔪᐊᕐᓄᓪᓗ ᐋᓐᓂᐊᓇᕐᑐᕐᔪᐊᓄᑦ ᑎᑭᑕᐅᕗᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᑕᖃᕐᑐᑦ ᐊᑦᔨᓐᖑᐊᖓᓄᓪᓗ ᓴᓇᓯᒪᔪᒧᑦ ᑐᒃᓯᐊᕐᕕᖃᖃᑦᑕᕐᑐᑦ.
3ᐂᖏᓕᐅᓪᓗ ᐂᑉᐸᖓᑕ ᖃᓪᓗᑎᓂ ᑯᕕᒋᕚ ᐃᒪᕕᖕᒧᑦ, ᐃᓅᓪᓗ ᑐᖁᖓᔫᑉ ᐊᐅᖓᑐᑦ ᑍᒤᓕᕐᐳᖅ, ᐆᒪᔪᓕᒫᓪᓗ ᐃᒪᕐᒥᐅᑍᑦ ᑐᖁᕋᕐᐳᑦ.
4 #
ᒨᓯᓯ ᐂᑉᐸᖏᑦ 7:17-21; ᐃᓐᖏᕈᑦ 78:44. ᐂᖏᓖᓪᓗ ᐱᖓᔪᖓᑦᑕ ᖃᓪᓗᑎᓂ ᑯᕕᒋᕚ ᑰᖕᓄᑦ ᓄᓇᐅᓪᓗ ᐃᓗᐊᓂᑦ ᑰᒃᑐᓄᑦ, ᐃᒥᓕᒫᓪᓗ ᐊᐅᓐᖑᕐᐳᑦ. 5ᐂᖏᓕᓗ ᐃᒪᕐᓄᑦ ᐊᖓᔪᖅᑳᖑᔪᖅ ᐅᖃᕐᑐᖅ ᑐᓴᕐᐸᕋ:
“ᐃᖅᑲᕐᑐᐃᑦᔪᑎᒋᔭᑎᑦ ᑕᒪᑐᒧᖓ ᓈᒻᒪᑦᓯᐊᕐᐳᑦ,
ᒫᓐᓇ ᑍᒤᓐᓇᕕᑦ ᑍᒤᓚᐅᕋᕕᓪᓗ, ᐃᑦᔪᕐᓁᑦᑐᑑᔪᑎᑦ.
6ᑖᒃᑯᐊ ᐊᐅᓈᕐᑎᑦᓯᓚᐅᕐᒪᑕ ᐃᑦᔪᕐᓁᑦᑐᑦ ᓇᓚᐅᑦᑍᔪᑦ ᐊᐅᖏᓐᓂᒃ,
ᑕᕝᕙ ᐊᐅᖕᒥᒃ ᐃᒥᒐᒃᓴᖏᓐᓂᒃ ᑐᓂᓯᕕᒋᕙᑎᑦ.
ᑍᒤᑕᐅᔭᕆᐊᖃᕐᒪᑕ!”
7ᑕᕝᕙ ᓂᐱᒥᒃ ᑐᓴᓕᕆᕗᖓ ᑐᓂᕐᕈᓯᕐᕕᖕᒥᑦ ᐅᖃᕐᑐᒥᒃ,
“ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ,
ᓱᓕᕗᑦ ᓈᒻᒪᓈᑦᓯᐊᕐᓗᑎᒡᓗ ᐃᖅᑲᕐᑐᐃᓂᕆᔭᑎᑦ!”
8ᐂᖏᓖᓪᓗ ᓯᑕᒪᖓᑦᑕ ᖃᓪᓗᑎᓂ ᑯᕕᒋᕚ ᓯᕿᓂᕐᒧᑦ, ᓯᕿᓂᕐᓗ ᐃᓄᖕᓂᒃ ᐆᑎᑦᓯᔪᓐᓇᕐᑎᑕᐅᕗᖅ ᐃᑯᐊᓚᔪᑎᑐᑦ ᐆᓇᕐᓂᕐᒥᓄᑦ; 9ᐃᓄᐃᓪᓗ ᐆᓇᕐᑐᕐᔪᐊᒧᑦ ᐆᑕᐅᕗᑦ, ᒎᑎᐅᓪᓗ ᐊᑎᖓ ᐅᖃᕐᓂᕐᓘᑎᒋᕚᑦ ᑖᓐᓇ ᐱᔪᓐᓇᕐᓂᖃᕐᑐᖅ ᑖᒃᑯᓄᖓ ᑲᑉᐱᐊᓇᕐᑐᓄᑦ, ᖃᕿᐊᓕᓚᐅᓐᖏᓚᓪᓕ ᓂᕐᑐᐃᓇᑎᒡᓗ ᐱᓐᓇᕐᓇᕐᓂᕐᔪᐊᖓᓂᒃ.
10 #
ᒨᓯᓯ ᐂᑉᐸᖏᑦ 10:21. ᐂᖏᓖᓪᓗ ᑕᓪᓕᒪᖓᑦᑕ ᖃᓪᓗᑎᓂ ᑯᕕᒋᕚ ᐆᒪᔪᐊᓘᑉ ᐃᒃᓯᕙᐅᑕᕐᔪᐊᖓᓄᑦ, ᐆᒪᔪᐊᓘᓪᓗ ᐊᑕᓂᐅᕕᖓ ᑖᕐᑐᕐᔪᐊᕐᒦᓕᕐᐳᖅ; ᐃᓄᐃᓪᓗ ᐅᖃᕐᒥᖕᓂᒃ ᑭᖕᒥᐊᓕᕐᐳᑦ ᐋᓐᓂᐊᓂᕐᒧᑦ, 11ᒎᑎᓗ ᕿᓚᖕᒦᑦᑐᖅ ᐅᖃᕐᓂᕐᓗᒡᕕᒋᕚᑦ ᐋᓐᓂᐊᓂᑎᒃ ᐊᔪᐊᕐᓂᑎᒡᓗ ᐱᓪᓗᒋᑦ, ᓱᓕᓕ ᖃᕿᐊᓕᓚᐅᓐᖏᓚᑦ ᐱᓂᐊᕐᓂᕆᔭᒥᖕᓂᑦ.
12 #
ᐂᓮᐊᓯ 11:15. ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ. 13ᑕᑯᒋᕗᖓᓗ, ᐊᓂᕐᓂᕐᓂᒃ ᐱᖓᓱᓂᒃ ᐱᐅᖏᑦᑐᓂᒃ ᓈᕌᔨᑎᑐᑦ#16:13 ᓈᕌᔨᑎᑐᑦ ᐅᕝᕙᓗ ᐱᒡᓕᕆᐊᑎᑐᑦ ᑍᒤᑦᑐᓂᒃ, ᑖᒃᑯᐊᓗ ᑐᕌᒍᓂᐅᑉ ᖃᓂᖓᓂᑦ ᐊᓂᕗᑦ ᐆᒪᔪᐊᓘᓪᓗ ᖃᓂᖓᓂᑦ ᓇᓚᐅᑦᑍᓂᕐᓗᒃᑑᓪᓗ ᖃᓂᖓᓂᑦ; 14ᑖᒃᑯᐊ ᐊᓂᕐᓂᕐᓘᕗᑦ ᓵᑖᓇᓯᒥᓐᖔᕐᓯᒪᔪᑦ, ᑲᒪᓇᕐᑐᓂᒃ ᓴᖅᑭᑎᑦᓯᖃᑦᑕᕐᐳᑦ, ᐊᓂᕐᓃᓪᓗ ᑖᒃᑯᐊ ᐱᖓᓱᑦ ᓯᓚᕐᔪᐊᕐᒥᐅᓕᒫᑦ ᐊᖓᔪᖅᑳᕐᔪᐊᖏᓐᓄᐊᕐᐳᑦ, ᑖᒃᑯᐊ ᑲᑐᑦᔨᓗᑎᒃ ᐅᓇᑕᖅᑯᓪᓗᒋᑦ ᒎᑎᐅᑉ ᐊᔪᒐᖃᖏᑦᑐᕐᔪᐊᑉ ᐅᓪᓗᕐᔪᐊᖓᑕ ᓇᓪᓕᐅᓐᓂᖓᓂ.
15 #
ᒫᑎᐅᓯ 24:43,44; ᓘᑲᓯ 12:39,40; ᑕᑯᑎ 3:3. “ᑕᑯᒋᑦ, ᑎᑭᓐᓂᐊᕐᐳᖓ ᑎᒡᓕᒐᕆᐊᑐᕐᑐᑎᑐᑦ! ᖁᕕᐊᓱᒻᒪᕆᖕᓂᐊᕐᐳᖅ ᐃᖅᑯᒪᔪᖅ, ᐊᓐᓄᕌᕐᓯᒪᓗᓂᓗ ᐊᓐᓄᕌᖃᖏᓪᓗᓂ ᐱᓱᑲᑕᖁᓇᒍ ᑲᓐᖑᓲᑎᒃᓴᖃᖁᓇᒍᓗ!”
16 #
ᐊᑕᓃᑦ ᐂᑉᐸᖏᑦ 23:29; ᓴᑲᕅᐊ 12:11. ᑕᕝᕙ ᐊᓂᕐᓃᑦ ᐱᐅᖏᑦᑐᑦ ᐊᖓᔪᖅᑳᕐᔪᐊᓂᒃ ᐊᑕᐅᓯᕐᒧᑦ ᑲᑎᑎᑦᓯᔪᒫᕐᐳᑦ ᐄᑉᕉᑎᑐᑦ ᐊᕐᒪᒋᑕᓐᒥᒃ ᑍᔭᐅᔪᒧᑦ.
17ᐂᖏᓖᓪᓗ 7ᖓᑦᑕ ᖃᓪᓗᑎᓂ ᑯᕕᒋᕚ ᓯᓚᑐᐃᓐᓇᕐᒧᑦ, ᑕᕝᕙ ᑐᒃᓯᐊᕐᕕᒡᔪᐊᒥᑦ ᓂᐱᖅᑯᕐᑐᔪᒥᒃ ᓂᓪᓕᕐᑐᖃᕐᐳᖅ, ᐃᒃᓯᕙᐅᑕᕐᔪᐊᒥᑦ, ᐅᖃᕐᓗᓂ, “ᐱᔭᕇᕐᐳᖅ!” 18#ᑕᑯᑎ 8:5; 11:13,19.ᖃᐅᒻᒪᓪᓚᒃᑐᖃᕐᐳᕐᓗ ᓇᐅᒃᑯᑐᐃᓐᓇᖅ, ᐃᒃᑐᓚᐅᕐᑐᖃᕐᓗᓂᓗ, ᑲᓪᓕᕐᓗ ᑭᖑᓕᕇᒃᑕᕐᓗᓂ ᑐᓴᕐᓴᐅᕗᖅ, ᓄᓇᓗ ᓴᔪᒃᐱᓪᓚᒃᑐᐊᓘᕗᖅ ᑍᒫᒃ ᐊᖏᑎᒋᔪᒥᒃ ᓴᔪᒃᐱᓪᓚᒃᑐᖃᓚᐅᕐᓯᒪᓐᖏᓚᖅ ᓄᓇᕐᔪᐊᕐᒥ ᑍᒪᓐᖓᑦ ᐃᓄᖃᓕᓚᐅᕐᓂᕐᒪᑦ, ᓄᓇᐅᓪᓗ ᓴᔪᒃᐱᓪᓚᖕᓂᖓ ᐊᖏᓂᕐᐹᖑᕗᖅ. 19#ᐂᓮᐊᓯ 51:17.ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ. 20#ᑕᑯᑎ 6:14.ᕿᑭᕐᑕᓕᒫᓪᓗ ᐊᓯᐅᕗᑦ, ᖃᖅᑳᓗᐃᑦᑕᐅᖅ ᐱᑕᖃᕈᓐᓃᕆᕗᑦ. 21#ᒨᓯᓯ ᐂᑉᐸᖏᑦ 9:23; ᑕᑯᑎ 11:19.ᓇᑕᖅᑯᕐᓇᕐᔪᐊᓪᓗ ᐊᑐᓂᑦ ᐅᖁᒤᓐᓂᖃᕐᑐᑦ 100ᓂᒃ, ᐃᓄᖕᓄᑦ ᑲᑕᒐᕐᐳᑦ ᕿᓚᖕᒥᑦ, ᑕᕝᕙ ᐃᓄᐃᑦ ᒎᑎ ᐅᖃᕐᓂᕐᓗᒡᕕᒋᓕᕐᐹᑦ ᓇᑕᖅᑯᕐᓁᑦ ᐋᓐᓂᕐᓇᕐᑐᐊᓘᓂᖏᑦ ᐱᑦᔪᑎᒋᓪᓗᒋᑦ, ᑕᒪᓐᓇ ᐊᖏᔪᒥᒃ ᐋᓐᓂᐊᓇᕐᑐᕐᔪᐊᖑᖕᒪᑦ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 16: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
