ᔪᐊᓇᓯᐅᑉ ᑕᑯᑎᑕᐅᓂᖏᑦ 11
11
ᓇᓗᓁᕐᓯᔩᒃ ᒪᕐᕉᒃ
1 #
ᐃᓯᑭᐊᓕ 40:3; ᓴᑲᕅᐊ 2:1,2. ᕿᔪᖕᒥᒡᓗ ᐆᒃᑑᑎᐅᔮᕐᑐᒥᒃ ᑐᓂᓯᕕᐅᕗᖓ ᐊᔭᐅᑉᐱᐊᑎᑐᑦ ᑍᒤᑦᑐᒥᒃ, ᐅᖃᐅᑦᔭᐅᓪᓗᖓᓗ: “ᐂᓕᕆᑦ ᒎᑎᐅᓪᓗ ᑐᒃᓯᐊᕐᕕᒡᔪᐊᖁᑎᖓ ᐆᒃᑐᕋᕆᐊᕐᑐᕈᒃ ᑐᓂᕐᕈᓯᕐᕕᒡᓗ ᑐᒃᓯᐊᕐᕕᒡᔪᐊᕐᒥᓗ ᑐᒃᓯᐊᕐᑐᑦ ᓈᓴᕐᓗᒋᑦ. 2#ᓘᑲᓯ 21:24.ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ. 3ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”
4 #
ᓴᑲᕅᐊ 4:3,11-14. ᑖᒃᑯᐊᒡᓗ ᒪᕐᕉᒃ ᓇᓗᓁᕐᓯᔩᒃ ᓇᐹᕐᑑᕘᒃ ᐅᕐᓱᒃᓴᓕᖕᓂᒃ ᐸᐅᕐᖓᓖᒃ ᓇᓂᕈᐊᓪᓗ ᑐᓐᖓᕕᖏᒃ ᒪᕐᕉᒃ ᓄᓇᕐᔪᐊᓕᒫᑉ ᐊᑕᓂᖓᑕ ᓵᖓᓃᑦᑑᒃ. 5ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ. 6#ᐊᑕᓃᑦ ᓯᕗᓪᓖᑦ 17:1; ᒨᓯᓯ ᐂᑉᐸᖏᑦ 7:17-19; ᓴᒧᐃᓕ ᓯᕗᓪᓖᑦ 4:8.ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.
7 #
ᑖᓂᐊᓕ 7:7; ᑕᑯᑎ 13:5-7; 17:8;
ᑖᓂᐊᓕ 7:21. ᐅᖃᐅᓯᕆᔭᕆᐊᓕᖕᒥᖕᓂᒡᓗ ᐅᖃᓪᓚᒌᕐᓯᒪᓕᕐᐸᑎᒃ, ᐆᒪᔪᕐᔪᐊᑉ ᐃᑎᕐᓵᓗᖕᒥᑦ ᓇᑎᖃᖏᑦᑐᒥᑦ ᐱᔫᑉ ᐅᓇᑕᕈᒫᕐᐰᑦ ᓵᓚᒋᓗᒋᒡᓗ ᑐᖁᑕᐅᔪᒫᕐᐴᒃ, 8#ᐂᓮᐊᓯ 1:9,10.ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ. 9ᐃᓄᒋᐊᒃᑐᕐᔪᐊᓪᓗ ᓇᑭᑐᐃᓐᓇᖅ ᓄᓇᓂ ᑭᖑᕚᕇᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ ᐃᓕᖅᑯᓯᖃᖃᑎᒌᖏᑦᑐᓂᓪᓗ ᐱᓯᒪᔪᑦ ᑐᖁᑕᐅᓯᒪᔫᒃ ᑎᒥᕕᓂᖏᖕᓂᒃ ᑕᑯᔭᕐᑐᖃᑦᑕᕈᒫᕐᐳᑦ ᐅᓪᓗᑦ ᐱᖓᓱᑦ ᓇᑉᐸᕐᓗ ᓈᓗᒋᑦ, ᐃᓗᕕᕐᑕᐅᖁᔭᐅᓂᐊᓐᖏᓚᒡᓗ, 10ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ. 11#ᐃᓯᑭᐊᓕ 37:10.ᐅᓪᓗᓪᓕ ᐱᖓᓱᑦ ᓇᑉᐸᕐᓗ ᓈᒃᐸᑕ ᐊᓂᕐᓂᕐᒥᒃ ᐃᓅᓯᖃᕐᓇᕐᑐᒥᒃ ᒎᑎᒥᑦ ᐱᔪᒥᒃ ᐃᑎᕐᕕᐅᔪᒫᕐᐴᒃ ᐆᒻᒪᕐᓗᑎᒡᓗ ᓂᑯᕕᑦᓱᒫᕐᐴᒃ, ᑕᑯᓐᓇᕐᑐᓕᒫᓪᓗ ᐊᖏᔪᒥᒃ ᑲᑉᐱᐊᓱᓕᕈᒫᕐᐳᑦ. 12#ᐊᑕᓃᑦ ᐂᑉᐸᖏᑦ 2:11.ᓇᓚᐅᑦᑍᔫᒃ ᑐᓴᕐᐴᒃ ᐅᖃᐅᑦᔨᔨᒥᖕᓂᒃ ᕿᓚᖕᒥᑦ ᐱᔪᒥᒃ, ᐅᖃᕐᑐᒥᒃ, “ᒪᐅᖓ ᕾᒋᑦᑎᒃ!” ᐊᑭᕋᕐᑐᕐᑎᖏᓪᓗ ᑕᑯᓐᓇᕐᑎᓪᓗᒋᑦ ᓄᕗᔭᑎᒍᑦ ᕿᓚᖕᒧᑦ ᖁᒻᒧᐊᒃᐳᒃ. 13#ᑕᑯᑎ 6:12; 16:18.ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.
14ᑕᕝᕙ ᑲᑉᐱᐊᓇᕐᑐᕐᔪᐊᑉ ᐂᑉᐸᖓ ᐱᔭᕇᕋᓗᐊᕐᐳᖅ; ᑕᑯᒋᓪᓕ ᑲᑉᐱᐊᓇᕐᑐᕐᔪᐊᑉ ᓱᓕ ᐱᖓᔪᖓ ᐊᑯᓂᐅᖏᑦᑐᖅ ᓇᓪᓕᐅᑎᓂᐊᕐᐳᖅ.
ᑎᑦᑐᓚᐅᑏᑦ 7ᖓᑦᑕ ᓂᓪᓕᕐᑎᑕᐅᓂᖓ
15 #
ᒨᓯᓯ ᐂᑉᐸᖏᑦ 15:18; ᑖᓂᐊᓕ 2:44; 7:14,27. ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.” 16ᑕᕝᕙ ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᒥᖕᓂ ᐃᒃᓯᕙᔪᑦ ᒎᑎᐅᑉ ᓵᖓᓂ ᐹᒻᒪᒃᐳᑦ ᒎᑎ ᑐᒃᓯᐊᕐᕕᒋᓪᓗᒍ, 17ᐅᖃᕐᓗᑎᒃ:
“ᖁᔭᒋᕙᑦᑎᒋᑦ, ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᑍᒤᑦᑑᔪᑎᑦ ᑍᒤᑦᑑᓚᐅᕐᑐᑎᓪᓗ,
ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐊᐅᓚᑦᓯᑦᔪᑎᒋᓕᕋᕕᐅᒃ.
18 #
ᐃᓐᖏᕈᑦ 2:5; 110:5;
ᐃᓐᖏᕈᑦ 115:13. ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ,
ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ,
ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ,
ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ,
ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ.#11:18 ᐅᕝᕙᓗ ᐊᖏᔫᒃᐸᑕ ᒥᑭᔫᒃᐸᑕᓘᓐᓃᑦ
ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”
19 #
ᑕᑯᑎ 8:5; 16:18;
ᑕᑯᑎ 16:21. ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.
Currently Selected:
ᔪᐊᓇᓯᐅᑉ ᑕᑯᑎᑕᐅᓂᖏᑦ 11: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
