ᔪᐊᓇᓯᐅᑉ ᑕᑯᑎᑕᐅᓂᖏᑦ 12

ᐊᕐᓇᕐᓗ ᑐᕌᒎᓂᓗ

1ᕿᓚᖕᒥᓗ ᑕᑯᓕᒪᓇᖏᓪᓚᕆᒃᑐᒥᒃ ᓴᖅᑭᑦᑐᖃᕐᐳᖅ, ᐊᕐᓇᒥᒃ ᐊᓐᓄᕌᕐᓯᒪᔪᒥᒃ ᓯᕿᓂᕐᒥᒃ, ᐃᑎᒐᖏᓪᓗ ᐊᑎᒥᐅᑕᖃᕐᐳᑦ ᑕᖅᑭᕐᒥᒃ, ᓂᐊᖂᑎᖃᕐᓗᓂᓗ ᐅᓪᓗᕆᐊᓂᒃ 12ᓂᒃ. 2ᑖᓐᓇᓗ ᓄᑕᕋᒃᓴᖃᕋᒥ ᐃᕐᓂᓱᓕᕐᐳᖅ, ᐃᕐᓂᓱᖕᓂᕐᒧᓪᓗ ᐋᓐᓂᐊᒧᑦ ᓂᐹᕗᖅ, ᐊᒃᓱᐊᓗᒡᓗ ᐋᓐᓂᐊᕗᖅ ᐃᕐᓂᓕᕋᒥ.

3 # ᑖᓂᐊᓕ 7:7. ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ. 4#ᑖᓂᐊᓕ 8:10.ᐅᓪᓗᕆᐊᓪᓗ ᐱᖓᓱᐃᓕᓪᓗᒋᑦ ᐱᖓᔪᖏᑦ ᐸᒥᐅᕐᒥᓄᑦ ᑏᒐᕐᐰᑦ ᕿᓚᖕᒥ, ᓄᓇᕐᔪᐊᕐᒧᓪᓗ ᑲᑕᒃᑎᓪᓗᒋᑦ. ᑐᕌᒎᓂᓗ ᐊᕐᓇᐅᑉ ᐃᕐᓂᓱᒃᑑᑉ ᓵᖓᓃᓕᕐᐳᖅ, ᐃᕐᓂᐊᕆᔭᖓᓂᒃ ᓂᕆᔪᒪᓪᓗᓂ ᐊᓂᑐᐊᕐᐸᑦ; 5#ᐂᓮᐊᓯ 66:7; ᐃᓐᖏᕈᑦ 2:9.ᐊᕐᓇᕐᓗ ᐃᕐᓂᕐᑖᕐᐳᖅ, ᐃᓄᖃᑎᒌᒡᔪᐊᓕᒫᓂᒃ ᐊᐅᓚᑦᓯᔪᒃᓴᒥᒃ ᐊᔭᐅᑉᐱᐊᖃᕐᓗᓂ ᓴᕕᕋᔭᖕᒥᒃ, ᓄᑕᕋᑯᓗᒡᓕ ᐊᕐᓇᐅᑉ ᕿᑐᖓᕐᑖᖓ ᐂᔭᐅᕗᖅ ᖁᒻᒧᐊᒃᑎᑕᐅᓪᓗᓂ ᒎᑎᒧᑦ ᐃᒃᓯᕙᐅᑕᕐᔪᐊᖓᓄᓪᓗ, 6ᐊᕐᓇᕐᓗ ᕿᒫᕗᖅ ᐃᓄᖃᔪᐃᑦᑐᒧᑦ, ᐃᓂᖃᓕᕐᐳᕐᓗ ᒎᑎᐅᑉ ᐊᑐᐃᓐᓇᕈᕐᓯᒪᔭᖓᓂ, ᑕᕝᕙᓂ ᑲᒪᒋᔭᐅᓂᐊᓕᕐᓗᓂ ᐅᓪᓗᓂᑦ 1,260ᓂᒃ.

7 # ᑖᓂᐊᓕ 10:13,21; 12:1; ᔫᑎᐅᑉ 1:9. ᑕᕝᕙ ᕿᓚᖕᒥ ᐅᓇᑕᕐᑐᖃᓕᕐᐳᖅ, ᒤᑯᓪ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ ᑐᕌᒎᓂᒧᑦ; ᑐᕌᒎᓂᓗ ᐂᖏᓕᖁᑎᖏᓪᓗ ᐅᓇᑕᓕᕐᐳᑦ; 8ᑐᕌᒎᓂᓕ ᓵᓚᒋᔭᐅᕗᖅ ᕿᓚᖕᒥᓗ ᐃᓂᒃᓴᖃᕈᓐᓃᕐᑎᑕᐅᓪᓗᑎᒃ. 9#ᒨᓯᓯ ᓯᕗᓪᓖᑦ 3:1; ᓘᑲᓯ 10:18.ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

10 # ᔫᐱ 1:9-11; ᓴᑲᕅᐊ 3:1. ᕿᓚᖕᒥ ᓂᐱᕐᔪᐊᕐᒥᒃ ᑐᓴᕐᐳᖓ, ᐅᖃᕐᑐᒥᒃ, “ᒫᓐᓇ ᒎᑎᐅᑉ ᐱᐅᓕᒃᓯᓂᖓ ᐱᔪᓐᓇᕐᓂᖓᓗ ᒎᑎᑦᑕᓗ ᐊᑕᓂᐅᕕᖓ ᙭ᔅᑑᓯᖓᑕᓗ ᐱᔪᓐᓇᕐᑎᑕᐅᓂᖓ ᑎᑭᑉᐳᑦ, ᐅᒃᐱᑑᖃᑎᑦᑎᓐᓂᒃ ᐸᓯᒡᓕᕐᑎ ᐃᒋᑕᐅᓯᒪᖕᒪᑦ, ᑍᒪᓐᖓᑦ ᐸᓯᒃᓯᐸᓚᐅᕐᑐᖅ ᐅᓪᓗᒃᑯᑦ ᐅᓐᓄᐊᒃᑯᓪᓗ ᒎᑎᑦᑕ ᓵᖓᓂ. 11ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ. 12ᑍᒤᒻᒪᑦ ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᑕᕝᕙᓂ ᐃᓂᖃᕐᑐᓯ! ᑲᑉᐱᐊᓐᓇᒦᒡᓕ, ᓄᓇᕐᔪᐊᕐᒥᐅᑕᐅᔪᓯ ᐃᒪᕐᕕᖕᒥᐅᑕᐅᔪᓯᓗ, ᓵᑖᓇᓯᐅᑉ ᑎᑭᕝᕕᒋᖕᒪᓯ ᓂᓐᖓᐅᒪᔪᕐᔪᐊᖑᓪᓗᓂ, ᖃᐅᔨᒪᒐᒥ ᐱᕕᒃᓴᑭᑦᑑᓕᕐᓂᕐᒥᓂᒃ!”

13ᑐᕌᒎᓂ ᖃᐅᔨᓕᕋᒥ ᐃᒋᑕᐅᓯᒪᓂᕐᒥᓂᒃ ᓄᓇᕐᔪᐊᕐᒧᑦ, ᐊᕐᓇᖅ ᕿᓂᓕᕐᐹ ᑖᓐᓇ ᐃᕐᓂᕐᑖᓚᐅᕐᑐᖅ. 14#ᑖᓂᐊᓕ 7:25; 12:7.ᐊᕐᓇᕐᓕ ᑐᓂᓯᕕᐅᕗᖅ ᓇᒃᑐᕋᓕᒡᔪᐊᑉ ᐃᓴᕈᖏᖕᓂᒃ ᑎᖏᓗᓂ ᕿᒫᔪᓐᓇᖁᓪᓗᒍ ᐃᓄᖃᔪᐃᑦᑐᒧᑦ, ᑕᕝᕙᓂ ᑲᒪᒋᔭᐅᖁᓪᓗᒍ ᐱᕕᒃᓴᖓ ᓈᓚᐅᖏᓐᓂᖓᓂ, ᐊᕐᕌᒍᓂᒃ ᐱᖓᓱᓂᒃ ᓇᑉᐸᕐᒥᒡᓗ. 15ᑕᕝᕙ ᑐᕌᒎᓂ ᖃᓂᕐᒥᒍᑦ ᐃᒪᕐᒥᒃ ᐊᓂᑎᑦᓯᕗᖅ ᑰᒃᑐᑎᑐᑦ, ᐊᕐᓇᖅ ᐃᒪᕐᒧᑦ ᓴᕐᕙᐅᖁᓪᓗᒍ. 16ᐊᕐᓇᕐᓕ ᓄᓇᕐᔪᐊᕐᒧᑦ ᐃᑲᔪᕐᑕᐅᕗᖅ, ᓄᓇᕐᔪᐊᑉ ᖃᓂᓂ ᐂᑦᑕᕐᓗᒍ ᐃᒫᕐᔪᐊᖅ ᑐᕌᒎᓂᐅᑉ ᖃᓂᖓᓂᓐᖔᕐᑐᖅ ᐃᒥᕐᐹ. 17ᑐᕌᒎᓂᓗ ᓂᓐᖓᒃᐳᖅ ᐊᕐᓇᒧᑦ, ᐊᕐᓇᐅᓪᓗ ᑭᖑᕚᖏᑕ ᐊᒥᐊᒃᑯᖏᓐᓂᒃ ᐅᓇᑕᕆᐊᕐᐳᖅ, ᑕᒤᓐᓂᒃ ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᓂᒃ ᓱᓕᓂᕐᒥᒡᓗ ᔩᓱᓯᐅᑉ ᓴᖅᑭᑎᓚᐅᕐᑕᖓᓂᒃ ᒪᓕᒃᑐᓂᒃ. 18ᑐᕌᒎᓂᓗ ᓇᖏᕐᐳᖅ ᓯᐅᕋᕐᒥ ᐃᒪᕐᕕᐅᑉ ᓯᓈᓂ.

Currently Selected:

ᔪᐊᓇᓯᐅᑉ ᑕᑯᑎᑕᐅᓂᖏᑦ 12: EAIB

Highlight

Copy