ᐃᓐᖏᕈᑎᑦ 80
80
ᑐᒃᓯᐊᕐᓂᖅ ᐃᓅᖃᑎᒌᒡᔪᐊᑦ ᐋᖅᑭᒃᑕᐅᖁᓪᓗᒋᑦ
ᐊᓴᐸᐅᑉ ᐃᓐᖏᕈᑖ
1 #
ᒨᓯᓯ ᐂᑉᐸᖏᑦ 25:22. ᐃᓴᕆᐊᓕᒥᐅᑦ ᐰᕆᔨᖓᑦ ᑐᓵᓚᐅᕆᑦ,
ᔫᓯᐱᒃᑯᓐᓂᒃ ᑕᓯᐅᕐᓯᓚᐅᕐᑐᑎᑦ ᓰᐱᑎᑐᑦ;
ᓴᖅᑭᓚᐅᕆᑦ, ᐃᒃᓯᕙᐅᑕᕐᔪᐊᖃᕐᑐᑎᑦ ᓯᕈᐲᒻ ᖄᖏᓐᓂ.
2ᐃᕗᕅᒥᒃᑯᑦ ᐱᓐᔭᒥᓂᒃᑯᑦ ᒫᓇᓯᒃᑯᓪᓗ ᐃᓅᖃᑎᒌᖕᓂᖏᑦ ᖃᐅᔨᑎᓪᓗᒋᑦ,
ᐱᔪᓐᓇᕐᓃᑦ ᓴᖅᑭᑎᓪᓗᒍ, ᕾᓗᑎᑦ ᐱᐅᓕᓚᐅᕐᑎᒍᑦ!
3ᒎᑏ, ᐋᖅᑭᓚᐅᕐᑎᒍᑦ;
ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!
4ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ,
ᖃᓄᖅ ᐊᑯᓂᐅᑎᒋᔪᖅ ᓂᓐᖓᐅᒪᑦᔪᑎᖃᕐᓂᐊᕐᐲᑦ?
ᐃᓄᖁᑎᕕᑦ ᑐᒃᓯᐊᕐᓂᖏᓐᓂᒃ?
5ᓂᕆᑎᑉᐸᑎᑦ ᓂᐊᖂᔭᓂᒃ ᖁᕝᕕᐅᕐᓂᓕᖕᓂᒃ,
ᖁᕝᕕᐅᕐᓂᖏᓐᓂᒡᓗ ᐃᒥᕐᑎᑉᐸᑎᑦ ᖃᓪᓗᑎᒧᑦ ᐊᖏᔪᒧᑦ.
6ᖁᕕᐊᓱᖏᑦᔪᑕᐅᓕᕐᑎᑉᐸᑦᑎᒍᑦ ᐃᓅᖃᑎᑦᑎᓐᓄᑦ;
ᐊᑭᕋᕐᑐᕐᑎᑦᑕᓗ ᒥᑕᐅᑎᒋᓕᕐᐹᑎᒍᑦ.
7ᐋᖅᑭᓚᐅᕐᒥᑎᒍᑦ, ᒎᑏ ᖁᑦᓯᒃᑐᒦᑦᑐᑎᑦ;
ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ, ᑕᕝᕙ ᐱᐅᓕᔭᐅᓂᐊᕐᐳᒍᑦ!
8ᓇᐹᕐᑐᖅ ᕔᓂᓕᒃᓴᖅ ᐂᓚᐅᕐᐸᑦ ᐄᑦᔨᑉᑎᒥᑦ;
ᐃᓅᖃᑎᒌᒡᔪᐊᑦ ᓄᓇᖏᓐᓂᑦ ᐊᐅᓪᓚᐅᑎᓪᓗᒍ
ᓄᓇᖏᓐᓄᑦ ᐃᓕᖔᓚᐅᕐᐸᑦ.
9ᐃᓂᒃᓴᖓᓂᒃ ᐋᖅᑭᒃᓱᐃᓯᒪᓚᐅᕋᕕᑦ;
ᓄᓇᐅᑉ ᐃᓗᐊᓄᑦ ᐊᒫᖏᑦ ᐳᓚᒪᑦᓯᐊᕐᑎᑉᐸᑎᑦ
ᓄᓇᓕᒫᒥᓗ ᓈᔨᓯᒪᑎᓪᓗᒋᑦ.
10ᖃᖅᑬᑦ ᐅᓕᒃᑕᐅᓯᒪᕗᑦ ᑕᕐᕋᖏᓐᓄᑦ,
ᐊᕙᓚᖓᔪᖏᓐᓄᑦ ᓇᐹᕐᑐᕐᔪᐊᑦ#80:10 ᓇᐹᕐᑐᕐᔪᐊᑦ ᐃᓚᖏᓐᓂᑦ ᑍᔭᐅᔪᑦ ᒎᑎᐅᑉ ᓇᐹᕐᑐᖁᑎᖏᑦ ᓰᑕᕆᒥᒃ ᐊᑎᓖᑦ ᑖᓪᓕᕐᑕᐅᕗᑦ;
11ᐊᕙᓚᖓᔪᓂ ᐃᒪᕐᕕᖕᒧᑦ ᑎᑭᐅᑎᑎᑉᐰᑦ,
ᐱᕈᕐᑐᓂᓗ ᑰᖕᒧᑦ ᐃᕗᕅᑎᒧᑦ ᑎᑭᑎᑉᐰᑦ.
12ᓱᖕᒪᓪᓕ ᐊᕙᓗᕐᔪᐊᖏᑦ ᓯᖁᑦᑎᓚᐅᕐᐱᒌᑦ,
ᓴᓂᖅᑯᑦᑐᓄᑦ ᑕᒤᓐᓄᑦ ᐱᕈᕐᑐᖏᑦ ᓄᓱᒃᑕᐅᔪᓐᓇᖁᓪᓗᒌᑦ?
13ᑰᒃᑰᓰᑦ ᓄᔪᐊᕐᑐᑦ ᑖᒃᑯᓂᖓ ᑐᓪᓕᕋᕐᐳᑦ,
ᐱᕈᕐᓰᕖᓪᓗ ᐆᒪᔪᖏᑦ ᓄᔪᐊᕐᑐᑦ ᑕᒪᒃᑯᓂᖓ ᓂᕆᕗᑦ.
14ᒎᑏ ᐊᔪᒐᖃᖏᑦᑐᑎᑦ, ᕿᕕᐊᓚᐅᕆᑦ ᐅᕙᑦᑎᓐᓄᑦ;
ᕿᓚᖕᒥᑦ ᑕᑯᓴᕐᓗᑎᑦ ᑕᑯᓚᐅᕐᑎᒍᑦ,
ᓇᐹᕐᑐᖅ ᑖᓐᓇ ᕔᓂᒃᓴᓕᒃ ᐅᐸᓚᐅᕈᒃ.
15ᑕᓕᕐᐱᖕᓄᑦ ᓇᑉᐸᕐᑎᓚᐅᕐᑍᑦ,
ᑖᓐᓇ ᕔᓂᒃᓴᓕᒃ ᓴᓐᖏᔪᕈᕐᑎᓚᐅᕋᕕᐅᒃ ᐱᓪᓗᑎᑦ.
16ᐃᑯᒪᒧᑦ ᐃᑭᑎᑕᐅᓯᒪᕗᖅ, ᓇᑲᓪᓗᒍᓗ ᐅᕐᕈᑎᑕᐅᕗᖅ;
ᓄᖑᑕᐅᓕᕐᐳᑦ ᑮᓇᕐᐱᑦ ᓱᐊᖓᓂᖓᓄᑦ.
17ᐊᒡᒐᒃᐱᑦ ᖁᓚᖏᐊᕐᓕᐅᒃ ᓂᕈᐊᕐᓯᒪᔧᑦ,
ᐃᓅᑉ ᐃᕐᓂᖓ ᑖᓐᓇ ᓲᖑᓯᑎᓚᐅᕐᑍᑦ ᐱᓪᓗᑎᑦ.
18ᑕᕝᕙ ᐃᓕᖕᓂᒃ ᑐᓄᐃᓂᐊᓐᖏᓚᒍᑦ;
ᐃᓅᑎᓚᐅᕐᑎᒍᑦ, ᑕᕝᕙ ᐊᑏᑦ ᓂᕐᑐᕐᓂᐊᕐᐸᕗᑦ.
19ᐋᖅᑭᓚᐅᕐᒥᑎᒍᑦ, ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ;
ᑮᓁᑦ ᖃᐅᒪᑎᓚᐅᕈᒃ ᐅᕙᑦᑎᓐᓄᑦ,
ᑕᕝᕙ ᐱᐅᓕᔭᐅᓂᐊᕐᐳᒍᑦ!
Currently Selected:
ᐃᓐᖏᕈᑎᑦ 80: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
