ᐃᓐᖏᕈᑎᑦ 79
79
ᑐᒃᓯᐊᕐᓂᖅ ᐃᓅᖃᑎᒌᒡᔪᐊᑦ ᓴᐳᑎᔭᐅᖁᓪᓗᒋᑦ
ᐊᓴᐸᐅᑉ ᐃᓐᖏᕈᑖ
1 #
ᐊᑕᓃᑦ ᐂᑉᐸᖏᑦ 25:8-10; ᑯᕉᓂᑲ ᐂᑉᐸᖏᑦ 36:17-19; ᔨᕆᒤᐊ 52:12-14. ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ;
ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ;
ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.
2ᐱᔨᕕᑦ ᑎᒥᖏᑦ ᕿᒤᓐᓇᕐᐰᑦ ᑎᖕᒥᐊᓄᑦ ᓂᕿᒃᓴᐅᖁᓪᓗᒋᑦ,
ᐃᑦᔪᕐᓁᑦᑐᖁᑎᕕᓪᓗ ᑎᒥᖏᑦ ᐆᒪᔪᓄᑦ ᓄᔪᐊᕐᑐᓄᑦ ᓂᕿᒃᓴᕈᕐᑎᑉᐰᑦ.
3ᑖᒃᑯᐊ ᐊᐅᖏᑦ ᑯᕕᓚᐅᕐᐰᑦ ᐃᒥᕐᑎᑐᑦ ᔨᕉᓴᓕᐅᑉ ᖃᓂᒋᔭᓕᒫᖓᓂ,
ᐊᒥᐊᒃᑯᑕᖃᓐᖏᓚᕐᓗ ᑖᒃᑯᓂᖓ ᐃᓗᕕᕐᓯᔪᒃᓴᓂᒃ.
4ᐃᓅᖃᑎᑦᑎᓐᓄᑦ ᐅᐱᓐᓇᕈᓐᓃᕐᐳᒍᑦ;
ᐃᔪᕿᑕᐅᑎᒋᔭᐅᓪᓗᑕ ᒥᑕᐅᑎᒋᔭᐅᓕᕐᐳᒍᑦ ᖃᓂᒋᔭᑦᑎᓐᓃᑦᑐᓄᑦ.
5ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ?
ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?
6ᓂᓐᖓᐅᒪᖔᓚᐅᕆᑦ ᐃᓅᖃᑎᒌᒡᔪᐊᓄᑦ ᐃᓕᖕᓂᒃ ᖃᐅᔨᒪᖏᑦᑐᓄᑦ;
ᐊᖓᔪᖅᑲᐅᕕᖕᓄᓪᓗ ᐃᓕᖕᓂᒃ ᑐᒃᓯᐊᕐᕕᖃᕐᐸᖏᑦᑐᓄᑦ.
7ᐃᓄᖁᑎᑎᑦ ᔧᑯᒃᑯᑦ ᓄᖑᓚᐅᕐᐰᑦ; ᐃᒡᓗᖏᓪᓗ ᓯᖁᑦᑎᒻᒪᕆᒃᓗᒋᑦ.
8ᓯᕗᓕᑦᑕ ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓱᒋᐊᕐᑍᓕᑎᒍᑦ;
ᓂᑲᒍᓱᖕᓂᕐᔪᐊᕐᓄᑦ ᑎᑭᕝᕕᒋᓵᓚᐅᕐᑎᒍᑦ, ᓱᓇᐅᔪᓐᓃᑦᓯᐊᓕᕋᑦᑕ.
9ᐃᑲᔪᓚᐅᕐᑎᒍᑦ, ᒎᑏ ᐱᐅᓕᔨᒋᔭᕗᑦ,
ᐊᑎᕐᐱᑦ ᓂᕐᑐᕐᑕᐅᑦᔪᑎᒃᓴᖓᓄᑦ;
ᓴᐳᑎᓚᐅᕐᑎᒍᑦ, ᐃᓱᒪᒋᔪᓐᓁᕐᕕᒋᓗᑕᓗ ᐊᔪᕐᓂᑦᑎᓐᓂᒃ,
ᐊᑏᑦ ᐱᑦᔪᑎᒋᓗᒍ!
10ᓱᖕᒪᑦ ᐃᓅᖃᑎᒌᑦ ᐅᖃᕐᑐᒃᓴᐅᕚᑦ, “ᒎᑎᖓᓪᓕ ᓇᐅᒃ?”
ᐃᓅᖃᑎᒌᒡᔪᐊᓂᑦ ᖃᐅᔨᓚᐅᕐᓕ ᐱᔨᕕᑦ ᐊᐅᖏᑕ ᑯᕕᔭᐅᓯᒪᓂᖏᓐᓄᑦ
ᐊᑭᓂᐊᕐᑕᐅᓕᕐᓂᖏᓐᓂᒃ ᐅᕙᒍᑦ ᑕᑯᓐᓇᓪᓚᕆᒃᑎᓪᓗᑕ!
11ᑎᒍᔭᐅᓯᒪᔪᑦ ᓂᐹᓂᖏᑦ ᐃᓕᖕᓄᑦ ᑎᑭᐅᑎᓚᐅᕐᓕᑦ;
ᐱᔪᓐᓇᕐᓂᕐᔪᐊᑦ ᒪᓕᒡᓗᒍ ᑐᖁᑕᒃᓴᕈᕐᑎᑕᐅᓯᒪᔪᑦ ᓴᐳᑎᓚᐅᒃᑭᑦ!
12ᐃᓅᖃᑎᕗᑦ ᐊᑭᓂᐊᕐᕕᒋᒃᑭᑦ 7ᐃᕐᑐᓪᓗᐊᕐᑐᒥᒃ ᐅᑎᕐᑎᑦᓯᕕᒋᓗᒋᑦ,
ᐃᓕᖕᓂᒃ ᐊᑕᓃᖅ ᒥᑕᐅᑎᒃᓴᕐᓂᕆᓚᐅᕐᑕᖏᓐᓄᑦ ᒥᑕᐅᑎᒋᓗᒋᑦ!
13ᐅᕙᒍᓪᓕ, ᐃᓄᖁᑎᒋᔭᑎᑦ, ᐰᕐᓯᓂᕐᓄᑦ ᓰᐱᖁᑎᒋᔭᑎᑦ,
ᑕᕝᕙ ᖁᔭᒋᓂᐊᕐᐸᑦᑎᒋᑦ ᐃᓱᖃᖏᑦᑐᒧᑦ;
ᓂᕐᑐᕐᓇᕐᓃᓪᓗ ᐅᖃᐅᓯᕆᔪᒪᕙᕗᑦ ᐃᓅᖃᑎᒌᒡᔪᐊᓕᒫᓄᑦ.
Currently Selected:
ᐃᓐᖏᕈᑎᑦ 79: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
