ᐃᓐᖏᕈᑎᑦ 81
81
ᓇᓪᓕᐅᓐᓂᕐᓯᐅᕐᓂᕐᒧᑦ ᐃᓐᖏᕈᓯᖅ
ᐊᓴᐸᐅᑉ ᐃᓐᖏᕈᑖ
1ᓂᐱᖅᑯᕐᑐᓗᓯ ᒎᑎ ᐃᓐᖏᕐᕕᒋᓯᐅᒃ ᐱᔪᓐᓇᕐᑎᑦᓯᔨᒋᔭᕗᑦ;
ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᓂᕐᑐᕐᓗᒍ ᔧᑰᑉ ᒎᑎᖓ!
2ᐃᓐᖏᕐᓂᖅ ᐱᒋᐊᕐᓕ, ᓯᕙᓂᕋᐅᑏᑦ ᐱᒋᐊᕐᑎᓪᓗᒋᑦ,
ᑯᑭᑦᑕᐸᐅᑎᐅᔧᑦ ᕼᐋᕐᐱᑦ ᑐᓴᕐᓂᕐᑐᑦ, ᑯᑭᑦᑕᐸᐅᑏᓪᓗ ᒥᑭᔪᑦ.
3 #
ᒨᓯᓯ ᓯᑕᒪᖏᑦ 10:10. ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ,
ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.
4ᑕᒪᓐᓇ ᐃᓴᕆᐊᓕᒥᐅᑦ ᐱᐅᓯᕆᔭᒃᓴᕆᕚᑦ,
ᔧᑰᑉ ᒎᑎᖓᑕ ᐱᖁᔨᑦᔪᑎᒋᔭᖓ.
5ᑍᒤᑦᑐᒥᒃ ᐱᖁᔨᓚᐅᕐᐳᖅ ᔫᓯᐱᒃᑯᓐᓄᑦ ᓇᓗᓁᕐᓯᑦᔪᑎᒋᔪᒪᓪᓗᓂᐅᒃ,
ᓄᓇᒧᑦ ᐄᑦᔨᑉᑎᓂᒧᑦ ᐃᖏᕐᕋᓕᕐᑎᓪᓗᒍ.
ᓂᐱᒥᒃ ᑐᓴᓚᐅᕐᐳᖓ ᑐᓴᓚᐅᕐᓯᒪᓐᖏᑕᓐᓂᒃ ᐅᖃᕐᑐᒥᒃ:
6“ᓇᖕᒪᒃᑕᑎᑦ ᐅᖁᒤᑦᑐᑦ ᐲᕐᐸᒃᑲ;
ᐊᒡᒐᑎᓪᓗ ᖃᑦᑕᕐᒥᒃ ᐅᖁᒤᑦᑐᒥᒃ ᑎᒍᒥᐊᕈᓐᓃᕐᑎᑉᐸᒃᑲ.
7 #
ᒨᓯᓯ ᐂᑉᐸᖏᑦ 17:7; ᒨᓯᓯ ᓯᑕᒪᖏᑦ 20:13. ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ;
ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ;
ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ
8ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ;
ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ!
9 #
ᒨᓯᓯ ᐂᑉᐸᖏᑦ 20:2,3; ᒨᓯᓯ ᑕᓪᓕᒪᖏᑦ 5:6,7. ᐊᑯᓐᓇᑦᓯᓐᓂ ᐊᑦᔨᐅᖏᑦᑐᓂᒃ ᒎᑎᖃᕐᑐᖃᕐᑐᒃᓴᐅᓐᖏᓚᖅ;
ᔫᑎᐅᖏᑦᑐᑦ ᒎᑎᒋᔭᖏᓐᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ.
10ᐅᕙᖓ ᐊᑕᓂᐅᕗᖓ ᒎᑏᑦ,
ᐃᓕᖕᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐄᑦᔨᑉᑎᒥᑦ;
ᐂᑦᑕᕖᓐᖓᓚᐅᕆᑦ, ᑕᕝᕙ ᖃᓃᑦ ᑕᑕᑎᓐᓂᐊᕐᐸᕋ.
11ᐃᓄᖁᑎᒪᓕ ᓂᐱᒐ ᓈᓚᓐᖏᓛᑦ;
ᐃᓴᕆᐊᓕᑎᑦ ᐅᕙᓐᓂᒃ ᑲᒪᔪᒪᓐᖏᓚᑦ.
12ᑍᒤᒻᒪᑦ ᐃᓱᒤᓐᓇᕐᕆᑎᓕᕐᐸᒃᑲ ᑐᓴᕈᓐᓇᖏᒻᒪᑕ,
ᐱᔪᒪᔭᒥᖕᓂᒃ ᒪᓕᖕᓂᐊᓕᕐᒪᑕ.
13ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ,
ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!
14ᑕᕝᕙ ᐊᑭᕋᕐᑐᕐᑎᖏᑦ ᓵᓚᒋᑦᓴᐅᑎᒋᒐᔭᕐᐸᒃᑲ,
ᐱᔪᓐᓇᕐᓂᓐᓄᓪᓗ ᐊᑭᕋᕐᑐᕐᑎᖏᑦ ᐱᔪᓐᓇᕐᓃᕈᑎᓂᐊᕐᐸᒃᑲ.
15ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ,
ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ.
16ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ,
ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ
ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.”
Currently Selected:
ᐃᓐᖏᕈᑎᑦ 81: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
