ᐃᓐᖏᕈᑎᑦ 39
39
ᓯᓚᑐᓂᕐᒥᒃ ᐱᑎᑕᐅᔪᒪᓂᖅ ᐃᓱᒪᒋᔪᓐᓁᕐᕕᐅᔪᒪᓂᕐᓗ ᔨᑐᑕᓐᑯᓐᓄᑦ
ᐃᓐᖏᕐᑏᑦ ᑲᒪᔨᖓᓐᓄᑦ ᔨᑐᑖᓐᒧᑦ ᑍᕕᑎᐅᑉ ᐃᓐᖏᕈᑖ
1ᐅᖃᓚᐅᕐᐳᖓ, “ᐱᓂᐊᕐᓂᒃᑲ ᐅᑦᔨᕐᑐᕈᒪᕙᒃᑲ,
ᐅᖃᕋ ᐱᐅᖏᑦᑐᓕᖁᓇᒍ;
ᖃᓂᕋ ᓂᓪᓕᕐᑎᑦᑍᓕᔪᒪᕙᕋ; ᐱᐅᖏᑦᑐᓕᔪᑦ ᓵᓐᓃᑎᓪᓗᒋᑦ.”
2ᓂᓪᓕᐊᓚᐅᖏᓐᓇᒪ ᓂᐱᖃᕐᓇᖓᓗ,
ᓂᐱᖃᓚᐅᖏᓐᓇᒪ ᐱᐅᔪᓂᒡᓘᓐᓃᑦ ᐅᖃᓚᐅᕐᓇᖓ;
ᕿᒃᓵᖕᓂᕋᓕ ᐊᖏᓂᕐᓴᐅᓕᓚᐅᕐᐳᖅ.
3ᐆᒻᒪᑎᒐ ᐆᓇᕐᓯᓚᐅᕐᐳᖅ ᐃᓗᓐᓂ;
ᐃᓱᒪᒃᓴᕐᓯᐅᕐᑎᓪᓗᖓᓕ, ᐃᓗᒐ ᐆᓇᕐᓯᓚᐅᕐᐳᖅ.
ᑕᕝᕙ ᐅᖃᓕᓚᐅᕐᐳᖓ:
4“ᐊᑕᓃᖅ, ᐃᓅᓯᕐᒪ ᐃᓱᐊᓂᒃ ᖃᐅᔨᑎᓚᐅᓐᖓ
ᐃᓅᓯᕐᒪᓗ ᐅᓪᓗᖏᑕ ᐅᓄᕐᓂᖏᓐᓂᒃ,
ᖃᐅᔨᖁᓪᓗᖓ ᓱᓇᐅᖏᓐᓂᓐᓂᒃ.
5ᐅᓪᓗᒃᑲ ᐊᒡᒐᐅᑉ ᐃᓵᒃᑕᖓᑐᑦ ᑕᑭᑎᒋᕗᑦ!
ᐊᕐᕌᒍᐃᓪᓗ ᐃᓅᓂᐊᕐᑕᒃᑲ ᓱᓇᐅᓐᖏᓚᑦ ᓵᖕᓂ;
ᐊᕐᕌᒍᒃᑲᓗ ᓱᓇᐅᓐᖏᓚᑦ ᐃᓕᖕᓄᑦ
ᐃᓄᐃᓪᓗ ᐃᓅᓯᕐᒥ ᐊᔪᖏᓐᓂᖓᑦ ᐳᔪᑐᐃᓐᓇᐅᕗᖅ! ᓰᓚ
6ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ;
ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ
ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ,
ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.
7ᒫᓐᓇᓕ ᐊᑕᓃᖅ ᓱᓇᒥᒃ ᐅᑕᖅᑭᕗᖔ?
ᐃᓕᖕᓂᓪᓕ ᓂᕆᐅᒃᐳᖓ.
8ᓴᐳᑎᓚᐅᓐᖓ ᑕᒻᒪᕐᓂᓐᓂᑦ ᑕᒤᓐᓂᑦ;
ᓯᓔᑦᑐᓄᑦ ᒥᑕᐅᑎᒃᓴᐅᖁᓇᖓ.
9ᓂᐰᑦᑑᓚᐅᕐᐳᖓ, ᖃᓂᕋᓘᓐᓃᑦ ᐂᑦᑕᓚᐅᓐᖏᓚᕋ
ᐃᕝᕕᑦ ᑍᒤᑎᓚᐅᕋᕕᖓ.
10ᓱᒋᐊᕐᓯᓃᑦ ᓄᖅᑲᕐᑎᓕᕈᒃ ᐅᕙᓐᓂᑦ;
ᐅᕐᕈᖓᓕᕋᒪ ᐊᒡᒐᕕᑦ ᐱᒋᐊᖃᑦᑕᕐᓂᖏᓐᓄᑦ.
11ᓱᐊᒃᑲᕕᒋᑦ ᐋᖅᑭᒋᐊᕐᓗᒋᓪᓗ ᐃᓄᐃᑦ ᐊᔪᕐᓂᖏᑦ ᐱᓪᓗᒋᑦ,
ᐱᐅᒋᔭᖏᓪᓗ ᐊᐅᒃᑎᑉᐸᑎᑦ ᐅᖁᒃᑎᑐᑦ;
ᓱᓕᔪᒥᒃ ᐃᓄᐃᑦ ᐳᔪᑐᐃᓐᓇᐅᕗᑦ. ᓰᓚ
12ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ,
ᓂᓪᓕᐊᓂᕋᓗ ᓯᐅᑎᖕᓄᑦ ᐱᓕ;
ᓂᐰᑦᑑᓂᐊᕐᓇᒃ ᖁᕝᕕᐅᕐᓂᒃᑲ ᐱᓪᓗᒋᑦ.
ᐃᓕᖕᓂ ᐃᓂᖃᕋᒪ ᓄᓇᖃᕐᑐᑐᖃᐅᓇᖓ,
ᑕᒫᓂᕐᒥᐅᑕᑐᖃᐅᖏᓐᓇᒪ, ᓯᕗᓕᕕᓂᑦᑐᑦ.
13ᐃᔨᒋᔪᓐᓃᓚᐅᓐᖓ, ᓄᑭᒃᑲ ᐅᑎᖁᓪᓗᒋᑦ ᐅᕙᓐᓄᑦ,
ᕿᒪᕉᑎᖅᑳᕐᑎᓐᓇᖓ ᐱᑕᖃᕈᓐᓃᖅᑳᕐᑎᓐᓇᖓᓗ.”
Currently Selected:
ᐃᓐᖏᕈᑎᑦ 39: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
