ᐃᓐᖏᕈᑎᑦ 38
38
ᑐᒃᓯᐊᕐᓂᖅ ᐊᒃᓱᕈᕐᓇᕐᑐᒃᑰᕐᓂᖅ ᐱᓪᓗᒍ
ᑍᕕᑎᐅᑉ ᐃᓐᖏᕈᑖ, ᑐᓂᕐᕈᓯᕐᑐᓂᒃ ᐃᖅᑲᐅᒪᒃᓯᓂᖅ
1ᐊᑕᓃᖅ ᓱᐊᖕᓂᐊᕐᓇᖓ ᓂᓐᖓᐅᒪᓗᑎᑦ
ᐋᖅᑭᒋᐊᕐᓂᐊᕐᓇᖓᓗ ᓈᒻᒪᒃᓴᓐᖏᕕᒡᔪᐊᕐᓗᑎᑦ!
2ᖃᕐᔪᕕᑦ ᑭᓪᓕᖕᒪᖓ ᐃᑎᔪᒧᑦ, ᐊᒡᒐᒃᐱᓪᓗ ᐊᒻᒧᑦ ᓇᕿᒻᒪᖓ.
3ᐅᕕᓂᒐ ᖃᓄᐃᖏᑦᑐᖃᓐᖏᓚᖅ, ᓂᓐᖓᐅᒪᓃᑦ ᐱᑦᔪᑎᒋᓪᓗᒍ;
ᓴᐅᓂᒃᑲᓗ ᖃᓄᐃᖏᑦᑑᓐᖏᓚᑦ, ᐊᔪᕐᓂᒃᑲ ᐱᑦᔪᑎᒋᓪᓗᒋᑦ.
4ᐸᓯᔭᒃᓴᐅᓂᕐᒪ ᓵᓚᒋᓯᒪᖕᒪᖓ ᐊᒡᔭᒐᒃᓴᑐᑦ ᐅᖁᒤᓗᐊᕐᑐᑎᑐᑦ.
5ᐃᑭᒃᑲ ᑎᐱᓗᓕᕐᐳᑦ, ᒪᕿᓪᓗᑎᒡᓗ,
ᓯᓔᓐᓂᕐᒧᑦ ᐊᔪᕐᓂᖅ ᐱᑦᔪᑎᒋᓪᓗᒍ.
6ᐅᖁᒤᒃᓴᕐᑐᐊᓘᕗᖓ ᐊᒃᓱᒻᒪᕆᐊᓗᒡᓗ ᐅᑯᖓᓪᓗᖓ;
ᕿᒃᓵᒃᑐᐊᓘᓪᓗᖓᓗ ᐅᓪᓗᖅ ᓈᓪᓗᒍ.
7ᕿᑎᕋᓗ ᐊᖏᔪᒥᒃ ᐋᓂᐊᔪᐊᓘᕗᖅ;
ᐅᕕᓂᒐᓗ ᖃᓄᐃᖏᑦᑑᓂᖃᓐᖏᓚᖅ.
8ᐱᒡᒐᕐᑐᐊᓘᓕᕐᐳᖓ, ᓯᖁᒥᓯᒪᓕᕐᓗᖓᓗ;
ᐋᓐᓂᐊᓂᕐᒧᓪᓗ ᓂᓪᓕᐊᕗᖓ ᐆᒻᒪᑎᒪ ᐅᖁᒤᒃᓴᓗᐊᕐᓂᖓᓄᑦ.
9ᐊᑕᓃᖅ, ᐱᔪᒪᔭᓕᒫᒃᑲ ᓵᖕᓃᑉᐳᑦ;
ᐊᓂᕐᓴᐅᒥᓂᒃᑲᓘᓐᓃᑦ ᐃᓕᖕᓄᑦ ᐃᔨᕐᓯᒪᓐᖏᓚᑦ.
10ᐆᒻᒪᑎᒐ ᑎᒡᓕᕐᐳᖅ, ᓄᑮᕈᑎᓯᒪᓪᓗᖓᓗ;
ᐃᔨᓐᓄᓪᓗ ᖃᐅᒪᑦᓯᐊᕐᑐᒥᒃ ᑕᑯᓐᓇᕈᓐᓃᕐᐳᖓ.
11ᐱᖃᓐᓇᕆᔭᒪ ᐃᓚᒋᕙᒃᑕᒪᓗ ᐃᑭᓕᕐᑕᐅᓯᒪᓂᒃᑲ ᐱᓪᓗᒋᑦ ᓂᒍᕐᐹᖓ,
ᓇᖕᒥᓂᒃᑲᓗ ᐅᖓᓯᒃᑐᒥ ᓇᖏᕐᐳᑦ.
12ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ;
ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.
13ᐃᓄᒃᑐᑦ ᑐᓵᖏᑦᑐᑐᑦ ᑍᒤᑉᐳᖓ, ᑐᓴᕈᓐᓇᖏᑦᑐᑐᑦ,
ᐅᖃᕈᓐᓇᖏᑦᑐᑐᓪᓗ ᑍᒤᑉᐳᖓ ᖃᓂᕐᒥᓂᒃ ᐂᑦᑕᕈᓐᓇᖏᑦᑐᑐᑦ.
14ᑐᓵᖏᑦᑐᑐᑦ ᑍᒤᓕᕐᐳᖓ, ᖃᓂᕐᒥᓄᓪᓗ ᑭᐅᔪᓐᓇᖏᑦᑐᑐᑦ.
15ᐊᑕᓃᖅ, ᐅᑕᖅᑭᕙᒋᑦ; ᑭᐅᓂᐊᕐᐳᑎᓪᓗ, ᐊᑕᓃᖅ ᒎᑎᒐ.
16ᐅᖃᓚᐅᕋᒪ, “ᑐᓴᓚᐅᓐᖓ, ᐅᕙᓐᓂᒃ ᖁᕕᐊᓲᑎᖃᓕᖁᓇᒋᑦ,
ᓯᐊᕐᕆᒍᒪᓗ ᐃᒻᒥᖕᓂᒃ ᓂᕐᑑᑎᖃᕐᓂᐊᕐᒪᑕ ᐊᑭᕋᕐᑐᕐᓗᖓ.”
17ᐅᕐᕈᔭᕆᐊᑭᑦᑑᓕᕋᒪ, ᑍᒪᓐᖓᓕᒫᕐᓗ ᐋᓐᓂᐊᕐᑐᐊᓘᒐᒪ.
18ᐊᔪᕐᑐᓕᓂᒃᑲ ᐅᖃᐅᓯᕆᒍᒃᑭᑦ; ᐱᐅᖏᑦᑐᓕᓂᒃᑲᓗ ᐋᓐᓂᐊᕈᑎᒋᓂᐊᕐᐸᒃᑲ.
19ᐊᑭᕋᕐᑐᕐᑎᒃᑲ ᐊᔪᖏᑦᑑᕗᑦ ᓴᓐᖏᔫᓪᓗᑎᒡᓗ;
ᐅᕙᓐᓂᒡᓗ ᓱᓕᖏᑦᑐᒧᑦ ᐆᒥᓱᒃᑐᑦ ᐅᓄᕐᑐᐊᓘᓕᕐᐳᑦ.
20ᐱᐅᖏᑦᑐᒧᓪᓗ ᐊᑭᓂᐊᕐᐸᒃᑐᑦ ᐅᕙᓐᓂᒃ ᐱᐅᔪᒥᒃ ᐱᓇᓱᐊᕐᑎᓪᓗᖓ
ᐅᖃᕐᓂᕐᓘᑎᒋᕚᖓ ᐱᐅᔪᓂᒃ ᐱᓇᓱᐊᕐᓂᕋ ᐱᓪᓗᒍ.
21ᐊᑕᓃᖅ, ᕿᒪᖕᓂᐊᕐᓇᖓ; ᒎᑏᒃ, ᐅᖓᓯᖕᓂᐊᕐᓇᒃ ᐅᕙᓐᓂᑦ.
22ᑐᐊᕕᕐᓗᑎᑦ ᐱᐅᓕᓐᖓ, ᐊᑕᓃᖅ, ᐱᐅᓕᔨᒐ!
Currently Selected:
ᐃᓐᖏᕈᑎᑦ 38: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
