ᐃᓐᖏᕈᑎᑦ 36
36
ᐃᓅᑉ ᐱᐅᖏᑦᑐᐊᓘᓂᖓ ᒎᑎᐅᓪᓗ ᓈᒻᒤᓐᓇᕐᓂᖓ
ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ ᐊᑕᓂᐅᑉ ᐱᔨᖓᑕ
1 #
ᕉᒪᒥᐅᓄᑦ 3:18. ᖃᐅᔨᑎᑕᐅᑦᔪᑎᒐ ᐆᒻᒪᑎᓐᓂ ᐱᐅᖏᑦᑐᓕᔪᑦ ᐱᐅᖏᑦᑐᐊᓘᓂᖏᓐᓂᒃ:
ᒎᑎᒥᒃ ᓯᕘᕋᓐᖏᓚᑦ ᐃᔨᖏᑕ ᓵᖓᓂ.
2ᓇᖕᒥᓂᖅ ᑕᐅᑐᒃᑕᒥᒍᑦ ᐃᒻᒥᖕᓂᒃ ᐱᐅᔪᐊᓘᑎᓐᓇᓱᐊᕐᐳᑦ
ᑍᒤᓕᐅᕐᓂᕐᒧᑦ ᐊᔪᕐᓂᕐᒥᒃ ᖃᐅᔨᓐᖏᓚᑦ ᐱᑦᑍᓕᓇᑎᒡᓗ.
3ᐅᖃᐅᓯᖏᑦ ᖃᓂᖏᓐᓂᑦ ᐱᔪᑦ ᐱᐅᖏᑦᑐᐊᓘᕗᑦ ᐅᐃᕕᕐᕆᒃᓯᓂᐅᓪᓗᑎᒡᓗ
ᓯᓚᑐᔪᓐᓃᕐᐳᑦ ᐱᐅᔪᒥᒡᓗ ᐱᓇᓱᐊᕐᑎᐅᓇᑎᒃ.
4ᐃᓐᓇᖓᕕᖕᒥᓂ ᐊᒡᓛᑦ ᐱᐅᖏᑦᑐᓕᑦᔪᑎᒃᓴᓂᒃ ᐃᓱᒪᒃᓴᕐᓯᐅᕐᐳᑦ;
ᐱᐅᓯᕐᒥᒡᓗ ᐱᐅᖏᑦᑐᒥᒃ ᐊᑐᕈᒪᕗᑦ.
ᐱᐅᖏᑦᑐᓕᓂᕐᒥᒡᓗ ᐆᒥᓱᓐᖏᓚᑦ.
ᒎᑎᐅᑉ ᐱᑦᓯᐊᕐᓂᕐᔪᐊᖓ
5ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ;
ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.
6ᐃᓱᐊᕐᑐᓕᓃᑦ ᐊᑦᔨᖃᕐᐳᖅ ᒎᑎᐅᑉ ᖃᖅᑲᓂᒃ ᐳᕐᑐᔪᕐᔪᐊᓂᒃ;
ᐃᖅᑲᕐᑐᐃᑦᓯᐊᕐᓃᓪᓗ ᐊᑦᔨᖃᕆᕗᖅ ᐃᒪᕐᔪᐊᓂᒃ ᐃᑎᔪᓂᒃ;
ᐊᑕᓃᖅ, ᐃᑲᔪᕐᐸᑎᑦ ᑕᒪᕐᒥᒃ ᐃᓄᐃᓪᓗ ᐆᒪᔪᓪᓗ.
7ᒎᑏ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᓐᓂᕐᓇᕐᑐᐊᓘᕗᖅ!
ᑍᒤᒻᒪᑦ ᐃᓄᐃᑦ ᕿᑐᕐᖓᖏᑦ ᐃᓴᕈᕐᐱᑦ ᑕᕐᕋᓕᓂᖓᑕ ᐊᑖᓂᒃ ᑕᑎᖃᕐᐳᑦ.
8ᐊᖏᓗᐊᕐᑐᒥᒡᓗ ᓈᒻᒪᒃᓯᕗᑦ ᐃᒡᓗᕕᑦ ᓈᒻᒪᑦᓯᐊᕐᓂᖓᓂᒃ,
ᐃᒥᕐᑎᑉᐸᑎᓪᓗ ᖁᕕᐊᒋᔭᕕᑦ ᑰᖓᓂᑦ.
9ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ;
ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.
10ᑲᔪᓯᑎᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓕᖕᓂᒃ ᖃᐅᔨᒪᔪᓄᑦ,
ᐃᓱᐊᕐᑐᓕᓃᓪᓗ ᐆᒻᒪᑎᒥᒍᑦ ᓱᓕᑦᓯᐊᕐᑐᓄᑦ.
11ᐱᐅᔪᕆᔪᑦ ᐃᑎᒐᖏᑦ ᐅᕙᓐᓄᑦ ᐊᑭᕋᕐᑐᕐᓗᑎᒃ ᑎᑭᑦᑍᓕᓕᑦ,
ᐱᐅᖏᑦᑐᓕᔪᓪᓗ ᐊᒡᒐᖏᑕ ᐊᐅᓪᓚᕐᑎᓐᓂᐊᕐᓇᖓ.
12ᑍᑲᓂ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑐᑦ ᐅᕐᕈᓯᒪᕗᑦ;
ᐃᒋᑕᐅᓯᒪᒐᒥᒃ ᒪᑭᓐᓂᖅ ᐊᔪᕐᐳᑦ.
Currently Selected:
ᐃᓐᖏᕈᑎᑦ 36: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
