ᐃᓐᖏᕈᑎᑦ 34
34
ᒎᑎᒥᒃ ᑕᑎᖃᕐᑐᑦ ᖁᕕᐊᓱᖕᓂᖓᑦ
ᑍᕕᑎᐅᑉ ᐃᓐᖏᕈᑖ ᐃᓱᒤᕈᑎᓯᒪᓐᖑᐊᕋᒥ ᐊᐱᒥᓕᒃᒧᑦ, ᑖᑦᓱᒪᓗ ᐊᐅᓪᓚᕐᑎᒻᒪᒍ
1ᐊᑕᓂᖅ ᖃᖓᓕᒫᖅ ᓂᕐᑐᕈᒪᕙᕋ;
ᓂᕐᑐᐃᓂᕐᓗ ᑖᑦᓱᒥᖓ ᖃᓂᓐᓃᑦᓮᓐᓇᕐᓂᐊᕐᐳᖅ.
2ᑕᕐᓂᕐᒪ ᐊᑕᓂᖅ ᓂᕐᑐᕈᑎᒋᓂᐊᕐᐹ;
ᒥᑭᒡᓕᑎᕐᓯᒪᔪᑦ ᑕᒪᑐᒥᖓ ᑐᓴᕈᒫᕐᐳᑦ ᖁᕕᐊᓱᒡᓗᑎᒡᓗ.
3ᐃᓚᒋᓗᖓ ᐊᑕᓂᖅ ᐊᖏᔪᕈᕐᑎᓯᐅᒃ,
ᐊᑎᖓ ᐊᑕᐅᑦᓯᒃᑯᑦ ᐊᖏᔪᕈᕐᑎᓪᓚᕗᑦ.
4ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ,
ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.
5ᑕᕝᕗᖓ ᑕᑯᓴᕐᒪᑕ ᑮᓇᖏᑦ ᖃᐅᒻᒪᒃᐳᑦ,
ᑮᓇᖏᓪᓗ ᑲᓐᖑᓱᒃᑎᑕᐅᓚᐅᓐᖏᓚᑦ.
6ᐅᓇ ᐊᖑᑦ ᐊᔪᕐᑐᖅ ᓂᓪᓕᐊᖕᒪᑦ, ᐊᑕᓂᐅᑉ ᑐᓴᓚᐅᕐᐹ,
ᓴᐳᑎᓪᓗᒍᓗ ᐅᖁᒤᒃᓴᐅᑎᖏᓐᓂᑦ ᑕᒤᓐᓂᑦ.
7ᐊᑕᓂᐅᑉ ᐂᖏᓕᖓᑕ ᐊᕙᓗᓯᒪᕔᑦ
ᑖᑦᓱᒥᖓ ᓯᕘᕋᔪᓕᒫᑦ, ᓴᐳᑎᓪᓗᒋᓪᓗ.
8 #
1 ᐲᑦᑐᕉᓯ 2:3. ᐆᒃᓯᐅᒃ ᖃᐅᔨᓗᓯᓗ ᐊᑕᓂᖅ ᒪᒪᕐᑑᖕᒪᑦ;
ᓮᒪᓇᕐᑐᒦᑉᐳᖅ ᐃᓄᒃ ᑖᑦᓱᒥᖓ ᑕᑎᖃᕐᑐᖅ!
9ᐊᑕᓂᖅ ᓯᕘᕋᒋᓯᐅᒃ, ᐃᓕᑦᓯ ᑖᑦᓱᒧᖓ ᐃᑦᔪᕐᓁᑦᑐᖁᑕᐅᔪᓯ,
ᑖᑦᓱᒥᖓ ᑕᑎᖃᕐᑐᑦ ᓱᓇᒥᒃ ᑭᓐᖒᒪᔭᖃᖏᒻᒪᑕ.
10ᓛᔧᑦ ᐃᓐᓇᐅᖏᑦᑐᑦ ᐊᔪᕐᓴᕈᓐᓇᕐᐳᑦ, ᑳᒡᓗᑎᒡᓗ
ᐊᑕᓂᕐᒥᒡᓕ ᕿᓂᕐᑐᑦ ᓱᓇᒥᒡᓘᓐᓃᑦ ᐱᐅᔪᒥᒃ ᑭᓐᖒᒪᔭᖃᓐᖏᓚᑦ.
11ᕾᒋᑦᓯ, ᕿᑐᕐᖓᐅᔪᓯ, ᓈᓚᓚᐅᕐᓯᓐᖓ;
ᓯᕘᕋᓂᕐᒥᒃ ᐊᑕᓂᕐᒥᒃ ᐊᔪᕆᕐᑐᕐᓂᐊᕋᑦᓯ.
12 #
1 ᐲᑦᑐᕉᓯ 3:10-12. ᑭᓇ ᐃᓄᒃ ᐃᓅᔪᒪᓂᕐᒥᒃ ᐱᔪᒪᔭᖃᕐᐸ,
ᐊᑯᓂ ᐃᓅᔪᒪᓪᓗᓂ, ᐱᐅᔪᓂᒡᓗ ᑕᑯᔪᒪᓪᓗᓂ?
13ᑕᕝᕙ ᐅᕾᑦ ᓴᐳᑎᓯᒪᔭᒃᓴᕆᕙᑦ ᐱᐅᖏᑦᑐᓂᑦ,
ᖃᓃᓪᓗ ᐅᖃᐅᓯᖃᕐᑐᒃᓴᐅᓐᖏᓚᖅ ᓱᓕᖏᑦᑐᓂᒃ,
14ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ;
ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.
15ᐊᑕᓂᐅᑉ ᐃᔨᖏᒃᑕ ᐱᓇᓱᐊᑦᓯᐊᕐᑐᑦ ᑕᑯᓐᓇᕐᐰᑦ,
ᓯᐅᑎᖏᒡᓗ ᑐᓵᕗᒃ ᓂᓪᓕᐊᓂᖏᓐᓂᒃ.
16ᐊᑕᓂᐅᓪᓕ ᑮᓇᖓᑕ ᐱᐅᖏᑦᑐᓕᔪᑦ ᐊᑭᕋᕐᑐᕐᐰᑦ,
ᓄᓇᕐᔪᐊᒥᑦ ᐃᖅᑲᐅᒪᔭᐅᓂᖏᑦ ᐲᔭᕈᒪᓪᓗᒋᑦ.
17ᐃᓱᐊᕐᑐᑦ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᓕᕐᐸᑕ,
ᑕᕝᕙ ᐊᑕᓂᐅᑉ ᑐᓴᕐᐰᑦ;
ᓴᐳᑎᓗᒋᓪᓗ ᑕᒤᓐᓂᑦ ᐊᑲᐅᓐᖏᓕᐅᕈᑎᒋᔭᖏᓐᓂᑦ.
18ᐊᑕᓂᖅ ᖃᓂᑉᐳᖅ ᓯᖁᒥᓯᒪᔪᓂᒃ ᐆᒻᒪᑎᓕᖕᓄᑦ,
ᐱᐅᓕᕔᓪᓗ ᐊᓂᕐᓂᒥᒍᑦ ᑲᑉᐱᐊᓱᒃᑐᑦ.
19ᐃᓱᐊᕐᑐᑦ ᐅᓄᕐᑐᓂᒃ ᐅᖁᒤᒃᓴᕈᑎᖃᕈᓐᓇᕐᒪᑕ,
ᐊᑕᓂᐅᓪᓕ ᓴᐳᑎᕔᑦ ᑕᒤᓐᓂᑦ.
20 #
ᔪᐊᓇᓯ 19:36. ᓴᐅᓂᖏᓪᓗ ᓴᐳᑎᕔᑦ, ᓇᓪᓕᐊᓪᓘᓐᓃᑦ ᓯᖁᒥᑕᐅᓂᐊᓐᖏᓚᑦ.
21ᐱᐅᖏᑦᑑᑉ ᐱᐅᖏᑦᑐᓕᔪᖅ ᑐᖁᓐᓂᐊᕐᐹ;
ᐱᓇᓱᐊᑦᓯᐊᕐᑑᑉ ᐊᑭᕋᕐᑐᕐᑎᖏᑦ ᑐᖁᑕᒃᓴᓐᖑᕐᑎᑕᐅᓂᐊᕐᐳᑦ.
22ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.
Currently Selected:
ᐃᓐᖏᕈᑎᑦ 34: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
