ᐃᓐᖏᕈᑎᑦ 33
33
ᖁᕕᐊᓱᖕᓂᖅ ᐃᓱᒪᒋᔪᓐᓁᕐᕕᐅᓂᖅ ᐱᓪᓗᒍ
ᑍᕕᑎᐅᑉ ᐃᓐᖏᕈᑖ
1ᐊᑕᓂᕐᒥᒃ ᖁᕕᐊᓲᑎᖃᕆᑦᓯ, ᐃᓕᑦᓯ ᐃᓱᐊᕐᑐᓕᔪᓯ!
ᓂᕐᑐᐃᓂᖅ ᓱᓕᑦᓯᐊᕐᑐᓂᑦ ᐱᔪᖅ ᐱᐅᔪᐊᓘᖕᒪᑦ.
2ᐊᑕᓂᖅ ᓂᕐᑐᕐᓯᐅᒃ ᓂᓪᓕᐊᑦᔪᑎᓄᑦ ᕼᐊᕐᐱᓄᑦ;
ᑐᓴᕐᓂᕋᕕᒋᓯᐅᒃ ᓂᓪᓕᐊᑎᑦᓯᑦᔪᑎᓄᑦ ᖁᓕᓂᒃ ᓄᖃᕐᑎᓕᖕᓄᑦ.
3ᐃᓐᖏᐅᑎᒥᒃ ᐊᑕᓂᖅ ᓄᑖᒥᒃ ᐃᓐᖏᕐᕕᒋᓯᐅᒃ;
ᐊᔪᖏᑦᓯᐊᕐᓗᓯ ᓂᑦᔭᐅᓯᔭᕆᑦᓯ ᕾᒐᓛᕐᓗᓯ ᖁᕕᐊᓱᖕᓂᕐᒧᑦ.
4ᐊᑕᓂᐅᑉ ᐅᖃᐅᓯᖓ ᓇᓛᒎᑦᓯᐊᕐᒪᑦ,
ᐱᓂᐊᕐᓂᓕᒫᖏᓪᓗ ᓱᓕᑦᓯᐊᕐᓂᒃᑯᑦ ᐱᓂᐊᕐᓯᒪᕗᑦ.
5ᖁᕕᐊᒋᔭᖃᕐᒪᑦ ᐃᓱᐊᕐᑐᓕᓂᕐᒥᒃ ᐃᖅᑲᕐᑐᐃᑦᓯᐊᕐᓂᕐᒥᒡᓗ;
ᓄᓇᕐᔪᐊᕐᓗ ᓈᓯᒪᕗᖅ ᐊᑕᓂᐅᑉ ᓇᒡᓕᕐᓂᕐᔪᐊᖓᓂᒃ ᓄᖑᓱᐃᑦᑐᒥᒃ.
6ᐊᑕᓂᐅᑉ ᐅᖃᐅᓯᖓᒍᑦ ᕿᓔᑦ ᓴᓇᔭᐅᓚᐅᕐᐳᑦ,
ᑕᒪᕐᒥᒡᓗ ᕿᓚᖕᒥ ᑕᑯᒃᓴᐅᔪᑦ ᐅᓪᓗᕆᐊᑦ
ᖃᓂᖓᑕ ᐊᓂᕐᓂᖓᓄᑦ ᓴᖅᑭᓚᐅᕐᐳᑦ.
7ᐃᒪᕐᔪᐃᑦ ᐃᒪᖏᑦ ᑲᑎᕐᓱᕐᐰᑦ ᐊᑕᐅᓯᕐᒧᑦ;
ᐃᑎᔪᕐᔪᐊᓪᓗ ᐱᖁᑎᖃᕐᕕᖕᓄᑦ ᐃᓕᕔᑦ.
8ᓄᓇᕐᔪᐊᕐᒥᐅᑦ ᐊᑕᓂᖅ ᓯᕘᕋᒋᓕᑦᔪᒃ;
ᓯᓚᕐᔪᐊᕐᒥ ᐃᓂᖃᕐᑐᑦ ᑕᒪᕐᒥᒃ ᓇᖏᕐᓕᑦ ᑲᒪᓂᐊᕐᓗᑎᒡᓗ.
9ᐅᖃᕐᒪᑦ, ᓱᓇᑐᐃᓐᓁᑦ ᐱᔭᕇᓚᐅᕐᐳᑦ;
ᐱᖁᔨᖕᒪᓪᓗ, ᐱᑕᖃᓕᓚᐅᕐᐳᑦ.
10ᐊᑕᓂᐅᑉ ᐃᓅᖃᑎᒌᒡᔪᐊᑦ ᐃᓱᒪᓕᐅᖃᑎᒌᖕᓂᖏᑦ ᐊᓯᐅᑎᑉᐰᑦ;
ᐃᓄᐃᓪᓗ ᓯᕗᓂᕐᒧᑦ ᐃᓱᒪᓕᐅᕈᑎᒋᔭᖏᑦ ᐊᑐᕈᓐᓃᕐᑎᑉᐰᑦ.
11ᐊᑕᓂᐅᓪᓕ ᓯᕗᓂᕐᒧᑦ ᐋᖅᑭᒃᓯᒪᔭᖏᑦ ᐃᓱᖃᖏᑦᑐᒧᑦ ᑲᔪᓯᕗᑦ,
ᐆᒻᒪᑎᒥᒍᑦ ᓯᕗᒧᑦ ᐋᖅᑭᒃᓱᕐᓯᒪᔭᖏᑦ ᑭᖑᕚᖑᖃᑎᒌᓄᑦ ᑕᒤᓐᓄᑦ.
12ᓮᒪᓇᕐᑐᒦᑉᐳᑦ ᐃᓅᖃᑎᒌᒡᔪᐊᑦ ᐊᑕᓂᕐᒥᒃ ᒎᑎᖃᕐᑐᑦ,
ᐃᓄᐃᑦ ᓂᕈᐊᕐᓯᒪᔭᖏᑦ ᓇᖕᒥᓂᖅ ᐱᒃᓴᕆᔪᒪᓪᓗᒋᑦ.
13ᐊᑕᓂᖅ ᑕᑯᓐᓇᕐᐳᖅ ᕿᓚᖕᒥᑦ;
ᐃᓄᐃᓪᓗ ᑕᐅᑐᒃᐰᑦ ᑕᒪᕐᒥᑦᓯᐊᖅ.
14ᐃᓂᒋᔭᒥᓂᑦ ᓇᔪᕐᑕᒥᓂᑦ ᑕᑯᓐᓇᕐᐳᖅ
ᑕᒤᓐᓂᒃ ᓄᓇᕐᔪᐊᕐᒥ ᐃᓂᖃᕐᑐᓂᒃ.
15ᐆᒻᒪᑎᖏᑦ ᐊᑐᓂᑦ ᐋᖅᑭᒃᓱᕐᐰᑦ;
ᐱᓂᐊᕐᓂᓕᒫᖏᓪᓗ ᐃᓱᒪᒋᕔᑦ.
16ᐊᖓᔪᖅᑳᕐᔪᐊᑦ ᓇᓪᓕᐊᓪᓘᓐᓃᑦ ᓴᐳᑎᔭᐅᓐᖏᓚᑦ
ᐅᓇᑕᕐᑐᒃᓴᖁᑎᖏᑕ ᐅᓄᕐᓂᖏᓐᓄᑦ;
ᐅᓇᑕᕐᑐᒃᓴᓪᓘᓐᓃᑦ ᓇᓪᓕᐊᑦ ᐊᔪᖏᑦᑐᑦ
ᓴᐳᑎᔭᐅᓐᖏᓚᑦ ᓴᓐᖏᓂᕐᒥᖕᓄᑦ.
17ᕿᒧᒃᓯᐅᑎ ᓴᐳᑎᔭᐅᑦᔪᑎᒋᓇᓱᐊᕐᓗᒍ ᓱᕙᓕᑭᐊᖑᕗᖅ;
ᓴᐳᑦᔨᓂᐊᓐᖏᓚᕐᓗ ᑭᓇᒥᒡᓘᓐᓃᑦ ᓴᓐᖏᔪᕐᔪᐊᖑᓂᕐᒥᓄᑦ.
18ᐊᑕᓂᐅᓪᓕ ᑕᑯᓐᓇᕐᐰᑦ ᑖᑦᓱᒥᖓ ᓯᕗᕋᔪᑦ,
ᑍᒃᑯᐊ ᓂᑲᒋᔭᐅᓂᕐᒥᒃ ᑖᑦᓱᒪᓐᖓᑦ ᓂᕆᐅᒃᑐᑦ,
19ᑕᕐᓂᕐᒥᖕᓂᒃ ᓴᐳᑎᔭᐅᖁᔨᔪᑦ ᑐᖁᒥᑦ,
ᑖᑦᓱᒧᖓᓗ ᐃᓅᑎᑕᐅᔪᒪᓪᓗᑎᒃ ᑳᖕᓇᕐᑐᕐᔪᐊᒥ.
20ᑕᕐᓂᕗᑦ ᐅᑕᖅᑭᕗᑦ ᐊᑕᓂᕐᒥᒃ;
ᐃᑲᔪᕐᑎᒋᒐᑦᑎᒍ ᓴᐴᓗᑕᕆᓪᓗᒍᓗ.
21ᐃᓛᒃ, ᐆᒻᒪᑎᕗᑦ ᖁᕕᐊᓲᑎᖃᕐᐳᑦ ᑖᑦᓱᒥᖓ,
ᐊᑎᖓ ᐃᑦᔪᕐᓁᑦᑐᖅ ᑕᑎᒋᓚᐅᕋᑦᑎᒍ.
22ᐊᑕᓃᖅ, ᓇᒡᓕᖕᓂᕕᑦ ᓱᖁᓯᔪᐃᑦᑐᑉ ᓇᔪᕐᓕᑎᒍᑦ,
ᐃᓕᖕᓂᒃ ᓂᕆᐅᒃᕕᖃᕐᓂᕗᑦ ᒪᓕᒡᓗᒍ.
Currently Selected:
ᐃᓐᖏᕈᑎᑦ 33: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
