ᐃᓐᖏᕈᑎᑦ 32
32
ᐃᓱᒪᒋᔪᓐᓁᕐᕕᐅᓂᕐᒥᒃ ᖁᕕᐊᓱᒍᑎᖃᕐᓂᖅ
ᑍᕕᑎᐅᑉ ᐃᓐᖏᕈᑖ
1 #
ᕉᒪᒥᐅᓄᑦ 4:7,8. ᐃᓄᒃ ᓮᒻᒪᕐᑎᑕᐅᕗᖅ ᑕᒻᒪᓂᖏᓐᓂᑦ ᐃᓱᒪᒋᔪᓐᓃᕐᕕᐅᔪᖅ,
ᐊᔪᕐᓂᖏᓪᓗ ᐅᓕᒃᑕᐅᔪᑦ.
2ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ,
ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.
3ᓂᐱᖃᕐᑎᓐᓇᖓ, ᓴᐅᓂᒃᑲ ᐊᔪᓕᕐᐸᓪᓕᐊᓚᐅᕐᐳᑦ,
ᐅᓪᓗᖅ ᓈᓪᓗᒍ ᓂᐹᕐᓂᓐᓄᑦ.
4ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐊᒡᒐᑎᑦ ᐅᖁᒤᓚᐅᕐᐳᑦ ᐅᕙᓐᓄᑦ;
ᑎᒥᒪ ᐃᑦᓯᖓ ᓴᓗᐊᕐᓯᒪᓕᓚᐅᕐᐳᖅ ᐊᐅᔭᑐᑦ
ᓯᓚᓗᒃᑕᐅᓚᐅᕐᓯᒪᖏᑦᑐᑐᑦ. ᓰᓚ
5ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ,
ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ.
ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,”
ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ
6ᑍᒤᒻᒪᑦ ᒎᑎᖃᕐᑐᓕᒫᑦ ᑐᒃᓯᐊᕐᕕᒋᓛᑎᑦ
ᐱᕕᖃᕐᓂᖓᓂ ᓇᓂᔭᐅᔪᓐᓇᕐᓂᕐᓂ;
ᓱᓕᑦᓯᐊᕐᐳᖅ, ᐃᒪᕐᔪᐃᑦ ᖄᒥᑦᓯᓕᕐᐸᑕ,
ᑍᒤᓕᐅᕐᑐᖅ ᑎᑭᑕᐅᓂᐊᓐᖏᓚᖅ.
7ᐃᕝᕕᑦ ᐃᔨᕆᐊᕐᑐᕐᕕᒃᓴᕆᕙᒋᑦ; ᐃᓱᐊᖏᑦᑐᓂᑦ ᓴᐳᑎᕙᕐᒪ;
ᐊᕙᓗᔪᒫᕐᐸᕐᒪᓗ ᐃᓐᖏᕈᓯᕐᓂᒃ ᓴᐳᑦᔭᐅᓂᕐᓂᒃ. ᓰᓚ
8ᐊᔪᕆᕐᑐᕐᓂᐊᕐᐸᒋᑦ ᐃᓕᓐᓂᐊᕐᑎᓪᓗᑎᓪᓗ
ᐊᖅᑯᑎᒃᑯᑦ ᓇᐅᒃᑰᕆᐊᖃᕐᒪᖔᕐᐱᑦ;
ᐃᓱᒻᒥᕐᑐᕐᓂᐊᕐᐸᒋᑦ ᐃᔨᓐᓄᑦ ᑕᑯᓐᓇᕐᓗᑎᑦ.
9ᕿᒧᒃᓯᐅᑎᑎᑐᑦ ᑍᒤᓐᓂᐊᕋᓯ, ᒥᐅᓪᑎᑐᓪᓘᓐᓃᑦ,#32:9 ᒥᐅᓪ ᕿᒻᒥᕐᔪᐊᑉ ᓯᐅᑎᖅᑯᕐᑐᔫᓪᓗ ᕿᑐᕐᖓᖏᑦ
ᕿᒧᒃᓯᐅᑎᐅᔮᕐᑐᑎᑐᑦ, ᑐᑭᓯᐊᖏᑦᑐᑎᑐᑦ
ᐊᐅᓚᑕᐅᔭᕆᐊᖃᕐᑐᑎᑐᑦ ᖃᓂᖓᓄᑦ ᐃᓕᓯᒪᔪᒧᑦ,
ᑍᒤᓕᖓᖏᑉᐸᑕ ᐃᓕᖕᓄᑦ ᕾᔪᓐᓇᕋᔭᖏᒻᒪᑕ.
10ᑲᑉᐱᐊᓇᕐᑐᑦ ᐅᓄᕐᑐᑦ ᐱᔪᒫᕐᐳᑦ ᐱᐅᖏᑦᑐᓕᔪᓄᑦ;
ᐊᑕᓂᕐᒥᒡᓕ ᑕᑎᖃᕐᑐᖅ, ᓂᑲᒋᔭᐅᓂᕐᒥᒃ ᐊᕙᓗᔭᐅᓯᒪᔪᒫᕐᐳᖅ.
11ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ;
ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!
Currently Selected:
ᐃᓐᖏᕈᑎᑦ 32: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
