ᐃᓐᖏᕈᑎᑦ 26
26
ᑐᒃᓯᐊᕐᓂᖅ ᒎᑎᒧᑦ ᕿᓂᕐᕕᐅᔪᒪᓂᖅ ᐱᐅᓕᔭᐅᔪᒪᓂᕐᓗ
ᑍᕕᑎᐅᑉ ᐃᓐᖏᕈᑖ
1ᐃᖅᑲᕐᑐᓚᐅᓐᖓ, ᐊᑕᓃᖅ; ᐸᓯᔭᒃᓴᐅᓇᖓ ᐃᓅᓚᐅᕋᒪ;
ᐊᑕᓂᕐᒥᒡᓗ ᑕᑎᖃᓚᐅᕋᒪ ᓴᖑᓚᐅᕐᓇᖓᓗ.
2ᖃᐅᔨᓴᓚᐅᓐᖓ, ᐊᑕᓃᖅ, ᐆᒃᑐᕐᓗᖓᓗ,
ᐆᒻᒪᑎᒐ ᐃᓱᒪᒐᓗ ᐅᑦᔨᕐᓱᓚᐅᒃᑭᒃ.
3ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᔨᒪ ᓵᖓᓃᑦᓮᓐᓇᕐᐳᖅ:
ᑍᒪᓐᖓᓪᓗ ᐱᓱᒃᐳᖓ ᓱᓕᑦᓯᐊᕐᓂᕐᓂ.
4ᐃᒃᓯᕙᖃᑎᖃᕐᓯᒪᓐᖏᓚᖓ ᓴᒡᓗᕿᑦᓯᔪᓂᒃ,
ᑕᒃᑯᕐᒨᕐᑐᓂᓗ ᐃᓚᖃᕐᓂᐊᕐᓇᖓ.
5ᐱᐅᖏᑦᑐᒥᒃ ᐱᓇᓱᐊᕐᑎᑦ ᑲᑎᒪᓂᖏᑦ ᐱᐅᒋᓐᖏᓚᒃᑲ;
ᐱᐅᖏᑦᑐᓕᔪᑦ ᐃᒃᓯᕙᖃᑎᒋᓂᐊᓐᖏᓚᒃᑲ.
6ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ;
ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.
7ᓂᐱᖅᑯᕐᑐᓗᖓ ᓂᓪᓕᐊᑦᔪᑎᒋᓪᓗᒍ ᓂᕐᑐᕐᓇᕐᓃᑦ,
ᐱᓂᐊᕐᓂᑎᓪᓗ ᑲᒪᓇᕐᑐᑦ ᐅᓂᒃᑲᐅᓯᕆᓗᒋᑦ.
8ᐊᑕᓃᖅ, ᐃᒡᓗ ᐃᓂᒋᔧᑦ ᐅᖓᒋᕙᕋ,
ᐱᓇᕐᓇᕐᓂᕐᔪᐊᕕᓪᓗ ᐃᓂᒋᔭᖓ.
9ᑕᕐᓂᕋ ᐊᖑᐊᖃᓯᐅᑎᓂᐊᕐᓇᒍ ᐱᐅᖏᑦᑐᓕᔪᓄᑦ,
ᐃᓅᓯᕋᓘᓐᓃᑦ ᐊᐅᖕᒥᒃ ᑯᕕᓯᔪᒪᔪᑦ ᐃᓚᒋᓗᒋᑦ.
10ᑖᒃᑯᐊ ᐊᒡᒐᖏᓐᓂ ᐱᐅᖏᑦᑐᐊᓗᖕᓂᒃ ᐃᓱᒪᓕᐅᖃᑎᒌᒃᐳᑦ,
ᐊᒡᒐᖏᑕᓗ ᑕᓕᕐᐱᖏᓐᓂ ᓯᓔᕐᕆᒃᓯᓂᒃᑯᑦ ᑮᓇᐅᔭᓂᒃ ᐱᓇᓱᐊᕐᐳᑦ.
11ᐅᕙᖓᓕ ᐸᓯᔭᒃᓴᐅᖏᑦᑐᒥᒃ ᐃᓅᓂᐊᕐᐳᖓ;
ᐱᐅᓕᓚᐅᓐᖓ, ᓂᑲᒋᓗᖓᓗ.
12ᒪᓂᕋᑦᓯᐊᒥᓕ ᓇᓕᕆᒃᑐᒥ ᓇᖏᕐᐳᖓ:
ᐃᓄᒋᐊᒃᑐᕐᔪᐊᑦ ᑐᒃᓯᐊᕆᐊᕐᐸᒃᑐᑦ ᐃᓚᒋᓗᒋᑦ ᐊᑕᓂᖅ ᓂᕐᑐᕈᒪᕙᕋ.
Currently Selected:
ᐃᓐᖏᕈᑎᑦ 26: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
