ᐃᓐᖏᕈᑎᑦ 146
146
ᖁᕕᐊᓲᑎᒃᓴᖃᕐᐳᑦ ᐊᑕᓂᕐᒧᑦ ᐃᑲᔪᕐᑕᐅᔪᑦ
1ᐊᑕᓂᖅ ᓂᕐᑐᕐᑕᐅᓕ! ᑕᕐᓃᒃ, ᐊᑕᓂᖅ ᓂᕐᑐᕈᒃ!
2ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ;
ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ.
3ᐊᖓᔪᖅᑳᕐᔪᐊᑦ ᑕᑎᑐᐊᕆᓂᐊᕐᓇᒋᑦ,
ᐃᓄᑐᐃᓐᓁᓪᓗ, ᑖᒃᑯᐊ ᐃᑲᔪᕈᓐᓇᖏᒻᒪᑕ.
4ᐊᓂᕐᓂᖓᑕ ᕿᒪᖕᒪᒍ ᑕᕝᕙ ᓄᓇᒧᑦ ᐅᑎᕐᐳᖅ;
ᐅᓪᓗᒥᓗ ᑕᕝᕙᓂᑦᓴᐅᑎᒋ ᐸᕐᓇᒃᓯᒪᔭᖏᑦ ᐃᓱᓕᑉᐳᑦ.
5ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ,
ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.
6 #
ᐋᐴᓯᑕᓖᑦ 4:24; 14:15. ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ,
ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ;
ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ.
7ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ,
ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ.
ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ.
8ᐊᑕᓂᖅ ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᕗᖅ.
ᐊᑕᓂᐅᑉ ᒥᑭᒡᓕᑎᕐᑐᑦ ᒪᑭᑎᑉᐰᑦ;
ᐊᑕᓂᐅᑉ ᓇᓛᒎᕐᑐᑦ ᓇᒡᓕᒋᕔᑦ.
9ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ,
ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ;
ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ.
10ᐊᑕᓂᖅ ᐊᐅᓚᑦᓯᔨᐅᓂᐊᕐᐳᖅ ᐃᓱᖃᖏᑦᑐᒧᑦ,
ᒎᑎᒋᔧᑦ, ᓮᐅᓂᐅᕗᖅ ᐃᓅᖃᑎᒌᒡᔪᐊᓕᒫᓄᑦ.
ᐊᑕᓂᖅ ᓂᕐᑐᕐᑕᐅᓕ!
Currently Selected:
ᐃᓐᖏᕈᑎᑦ 146: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
