ᐃᓐᖏᕈᑎᑦ 145
145
ᐃᓐᖏᕐᓂᖅ ᓂᕐᑐᐃᓂᕐᒧᑦ
ᐃᓐᖏᕈᓯᖅ ᓂᕐᑐᐃᓂᕐᒧᑦ ᑍᕕᑎᐅᑉ ᐃᓐᖏᕈᑖ
1ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ;
ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
2ᖃᐅᑕᒫᑦ ᓂᕐᑐᕐᓂᐊᕐᐸᒋᑦ,
ᐊᑏᓪᓗ ᓂᕐᑐᕐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
3ᐊᑕᓂᖅ ᐊᖏᔪᕐᔪᐊᖑᕗᖅ, ᐊᖏᔪᒥᒡᓗ ᓂᕐᑐᕐᑕᐅᔪᒃᓴᐅᕗᖅ,
ᑖᑦᓱᒪᓗ ᐊᖏᓂᖓ ᑐᑭᓯᔭᐅᔪᓐᓇᓐᖏᓚᖅ.
4ᑭᖑᕚᕇᑦ ᐱᓂᐊᕐᓂᑎᑦ ᓂᕐᑐᕈᒫᕐᐰᑦ
ᑭᖑᕚᕇᖑᔪᑦ ᑭᖑᓪᓕᖏᓐᓄᑦ ᑎᑭᓪᓗᒋᑦ,
ᓇᓗᓁᕐᓯᔪᒫᕐᐳᓪᓗ ᐱᓂᐊᕐᓂᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ.
5ᐃᓱᒪᒃᓴᕐᓯᐅᕈᑎᖃᕐᓂᐊᕐᐳᖓ ᓂᕐᑐᕐᓇᕐᑐᕐᔪᐊᖑᓂᕐᓂᒃ
ᐊᖓᔪᖅᑳᕐᔪᐊᖑᓂᕐᐱᓪᓗ ᑕᑯᒥᓇᕐᑐᕐᔪᐊᖑᓂᖓᓂᒃ,
ᐱᓂᐊᕐᓂᕐᐱᓪᓗ ᑲᒪᓇᕐᑐᐊᓘᓂᖏᓐᓂᒃ.
6ᐃᓄᐃᑦ ᐅᖃᐅᓯᖃᕐᓂᐊᕐᐳᑦ ᐱᓂᐊᕐᓯᒪᔭᕐᐱᑦ
ᑲᒪᓇᕐᑐᕐᔪᐊᖑᓂᖏᓐᓂᒃ ᐊᖏᔪᕐᔪᐊᖑᓂᖏᓐᓂᒡᓗ,
ᐅᕙᖓᓕ ᐊᖏᔪᕐᔪᐊᖑᓃᑦ ᐅᓂᒃᑲᐅᑎᒋᔪᒪᕙᕋ.
7ᐃᖅᑲᐅᒪᔭᐅᓗᑎᑦ ᐅᖃᐅᓯᕆᔭᐅᔪᒫᕐᐳᑎᑦ
ᑍᒪᓐᖓᑦ ᐊᖏᔪᕐᔪᐊᒥᒃ ᐱᑦᓯᐊᖏᓐᓇᕐᓃᑦ,
ᓇᓛᒎᕐᓃᓪᓗ ᓂᐱᖅᑯᕐᑐᓗᑎᒃ ᐃᓐᖏᕈᑎᒋᔭᐅᔪᒫᕐᐳᖅ.
8ᐊᑕᓂᖅ ᐱᑦᓯᐊᕐᓂᖃᕐᒪᑦ ᐊᖏᔪᒥᒃ
ᓂᑲᒍᓱᖕᓂᖃᕐᓗᓂᓗ,
ᓂᓐᖓᒃᓴᕅᖏᑦᑐᖅ ᓇᒡᓕᖕᓂᕐᔪᐊᖃᕐᓗᓂᓗ.
9ᐊᑕᓂᖅ ᐱᑦᓯᐊᕐᕕᖃᕐᐳᖅ ᑕᒤᓐᓄᑦ,
ᓂᑲᒍᓱᒃᓗᓂᓗ ᓴᓇᓯᒪᔭᓕᒫᒥᓂᒃ.
10ᐊᑕᓃᖅ, ᓴᓇᓯᒪᔭᓕᒫᕕᑦ ᓂᕐᑐᒐᒃᓴᕆᕚᑎᑦ,
ᐃᑦᔪᕐᓁᑦᑐᖁᑎᕕᓪᓗ ᓂᕐᑐᒐᒃᓴᕆᕚᑎᑦ.
11ᐊᑕᓂᐅᕕᒃᐱᑦ ᓂᕐᑐᕐᓇᕐᓂᖓ ᐅᖃᐅᓯᕆᔪᒫᕐᐹᑦ,
ᐱᔪᓐᓇᕐᓃᓪᓗ ᐅᖃᐅᑎᒋᓗᒍ,
12ᐃᓄᐃᑦ ᕿᑐᕐᖓᖏᑦ ᐱᔪᓐᓇᕐᓂᕐᓄᑦ
ᐱᓇᓱᐊᕐᓂᕐᓂᒃ ᖃᐅᔨᑎᑕᐅᖁᓪᓗᒋᑦ,
ᐊᑕᓂᐅᕕᒃᐱᓪᓗ ᐃᓂᖁᓇᕐᑐᕐᔪᐊᖑᓂᖓᑕ ᓂᕐᑐᕐᓇᕐᓂᖓᓂᒃ.
13ᐊᑕᓂᐅᕖᑦ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ,
ᐊᖓᔪᖅᑲᐅᕖᓪᓗ ᓱᖁᓯᔪᐃᑦᑑᓪᓗᓂ ᑭᖑᕚᕇᒃᐸᓪᓕᐊᔪᓕᒫᓂ.
ᐊᑕᓂᖅ ᐅᖃᐅᓯᕆᔭᓕᒫᒥᓂᒃ ᑲᔪᓯᑎᑦᓯᓲᖑᕗᖅ,
ᓂᑲᒍᓱᓲᖑᓪᓗᓂᓗ ᐱᓇᓱᐊᕐᑕᓕᒫᒥᓂᒃ.
14ᐊᑕᓂᐅᑉ ᐹᓪᓚᒃᑐᓕᒫᑦ ᓇᔪᒻᒥᕔᑦ, ᒥᑭᒡᓕᑎᕐᑐᓕᒫᓪᓗ ᒪᑭᑎᑉᐰᑦ.
15ᐃᔩᑦ ᐃᓕᖕᓄᑦ ᑕᑯᓴᕐᑐᓕᒫᑦ,
ᓂᕿᒃᓴᕐᑖᕐᑎᑉᐸᑎᑦ ᓇᓪᓕᐅᓐᓂᖏᑦ ᓈᒻᒪᓈᕐᑎᓪᓗᒋᑦ.
16ᐊᒡᒐᑎᑦ ᐃᓴᒃᓗᒋᑦ, ᐃᓅᔪᓕᒫᑦ ᐱᔪᒪᔭᖏᓐᓂᒃ ᓈᒻᒪᒃᓯᑎᑉᐸᑎᑦ.
17ᐊᑕᓂᖅ ᓈᒻᒪᓈᑦᓯᐊᕐᐳᖅ ᑕᒤᑎᒍᑦ ᐱᓇᓱᐊᕐᓂᕐᒥᒍᑦ,
ᐱᑦᓯᐊᕐᓂᖃᕐᓗᓂᓗ ᑕᒤᑎᒍᑦ ᐱᓂᐊᕐᓂᕐᒥᒍᑦ.
18ᐊᑕᓂᖅ ᖃᓂᑉᐳᖅ ᑕᒤᓐᓄᑦ ᓂᓪᓕᐊᕕᒋᔨᒥᓄᑦ,
ᐃᓗᖏᕐᑐᕐᓗᑎᒃ ᓱᓕᔪᒥᒃ ᓂᓪᓕᐊᔪᓄᑦ ᑖᑦᓱᒧᖓ.
19ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ,
ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.
20ᐊᑕᓂᐅᑉ ᓇᒡᓕᒋᔨᓕᒫᓂ ᓴᐳᑎᓯᒪᕔᑦ;
ᐱᐅᖏᑦᑐᓕᒫᓪᓕ ᓄᖑᑎᓐᓂᐊᕐᐰᑦ.
21ᖃᓂᕋ ᐅᖃᓪᓚᖕᓂᐊᕐᐳᖅ ᐊᑕᓂᖅ ᓂᕐᑐᕐᓗᒍ,
ᑎᒥᖃᕐᑐᓕᒫᓪᓗ ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓕᑦᔪᒃ
ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
Currently Selected:
ᐃᓐᖏᕈᑎᑦ 145: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
