ᐃᓐᖏᕈᑎᑦ 144
144
ᐊᖓᔪᖅᑳᕐᔪᐊᑉ ᒎᑎᒥᒃ ᖁᔭᓕᓂᖓ ᓵᓚᑲᕐᑎᑕᐅᒐᒥ
ᑍᕕᑎᐅᑉ ᐃᓐᖏᕈᑖ
1ᐊᑕᓂᖅ ᓂᕐᑐᕐᑕᐅᓕ ᕾᕐᑐᕆᔭᕋ,
ᐊᒡᒐᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᓇᑕᕐᓂᕐᒧᑦ,
ᐊᑐᐃᓐᓇᕈᕐᑎᓯᒪᓪᓗᓂᖓᓗ ᐅᓇᑕᕆᐊᕐᓂᕐᒧᑦ.
2ᕾᕐᑐᕆᔭᕋ ᐊᐅᓚᔪᓐᓇᖏᑦᑐᖁᑎᒋᓪᓗᒍᓗ,
ᓲᖑᔪᖁᑎᒐ ᓴᐳᑦᔨᔨᒋᓪᓗᒍᓗ, ᓴᐴᓗᑕᕆᔭᕋ ᕿᒫᕕᒋᔭᕋᓗ,
ᐃᓅᖃᑎᒌᓂᒃ ᓵᓚᖃᕐᑐᖅ ᐅᕙᓐᓄᑦ ᐊᐅᓚᑕᐅᓕᖁᓪᓗᒋᑦ.
3 #
ᔫᐱ 7:17,18; ᐃᓐᖏᕈᑦ 8:4. ᐊᑕᓃᖅ, ᐃᓄᒃ ᓱᓇᐅᕚ ᑍᒫᒃ ᑲᒪᒋᒐᕕᐅᒃ?
ᐅᕝᕙᓗ ᐃᓅᑉ ᐃᕐᓂᖓ ᑍᒫᒃ ᐃᓱᒪᒋᒐᕕᐅᒃ?
4ᐃᓄᒃ ᐊᓂᕐᓂᓕᔮᕐᓇᕐᑐᒥ ᐊᓂᕐᓂᕐᑎᑐᑦ ᑍᒤᑉᐳᖅ,
ᐅᓪᓗᖏᓪᓗ ᓄᓇᐅᑉ ᑕᕐᕋᓕᓂᖓᑕ ᐃᖏᕐᕋᓂᖓᑐᑦ ᑍᒤᓪᓗᑎᒃ.
5ᐊᑕᓃᖅ, ᕿᓚᖁᑏᑦ ᐳᒃᑭᓕᑎᓪᓗᒍ ᐊᖅᑲᓚᐅᕆᑦ!
ᖃᖅᑬᑦ ᐊᒃᑐᓚᐅᒃᑭᑦ ᑕᕝᕙ ᐳᔫᓕᕐᓂᐊᕐᐳᑦ.
6ᖃᐅᒻᒫᓪᓚᒃᑎᑦᓯᓗᑎᑦ ᓯᐊᒻᒪᕐᑎᓚᐅᒃᑭᑦ;
ᖃᕐᔪᕐᓄᑦ ᐱᑎᒃᓴᕐᓗᒋᑦ ᑐᖁᓚᐅᒃᑭᑦ.
7ᐊᒡᒐᑎᑦ ᐃᓴᒃᑭᑦ ᖁᑦᓯᒃᑐᒥᑦ,
ᐱᐅᓕᓚᐅᓐᖓ ᓴᐳᑎᓗᖓᓗ ᐃᒪᕐᔪᐊᕐᒥᑦ,
ᓄᓇᖃᑎᒋᓐᖏᑕᑦᑕ ᐱᔪᓐᓇᕐᓂᖏᓐᓂᑦ.
8ᖃᓂᖏᑦ ᐅᖃᓪᓚᖃᑦᑕᕐᐳᑦ ᓴᒡᓗᓪᓗᑎᒃ,
ᑕᓕᕐᐱᖏᓪᓗ ᐊᒡᒐᖏᑦ ᓱᓕᖏᑦᑐᒦᑉᐳᑦ.
9ᐃᓕᖕᓄᑦ ᒎᑏ, ᐃᓐᖏᕈᓯᕐᒥᒃ ᓄᑖᒥᒃ ᐃᓐᖏᕐᓂᐊᕐᐳᖓ;
ᑯᑭᑦᑕᐸᐅᑎᐅᔭᓂᒃ ᖁᓕᓂᒃ ᓄᖃᕐᑎᓕᖕᓂᒃ ᐊᑐᕐᓗᖓ
ᐃᓐᖏᕐᕕᒋᓂᐊᕐᐸᒋᑦ ᓂᕐᑐᕐᓗᑎᑦ.
10ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ,
ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.
11ᐱᐅᓕᓚᐅᓐᖓ ᓴᐳᑎᓗᖓᓗ ᓄᓇᖃᑎᒋᓐᖏᑕᑦᑕ ᐱᔪᓐᓇᕐᓂᖏᓐᓂᑦ,
ᖃᓂᖏᑦ ᐅᖃᓪᓚᖃᑦᑕᕐᐳᑦ ᓴᒡᓗᓪᓗᑎᒃ,
ᑕᓕᕐᐱᖏᓪᓗ ᐊᒡᒐᖏᑦ ᓱᓕᖏᑦᑐᒦᑉᐳᑦ.
12ᐃᕐᓂᕗᑦ ᐱᕈᕇᑦᓯᐊᖁᓪᓗᒋᑦ ᐱᕈᕐᑐᑎᑐᑦ ᐃᓅᓱᖕᓂᕐᒥᖕᓂ;
ᐸᓂᕗᓪᓗ ᐃᒡᓘᑉ ᑎᕆᖅᑯᖏᑎᑐᑦ ᓱᑲᕆᔭᐅᓕᖁᓪᓗᒋᑦ,
ᐋᖅᑭᒃᓯᒪᑦᓯᐊᕐᓗᑎᒃ ᐊᖓᔪᖅᑳᕐᔪᐊᖃᕐᕕᐅᑉ ᑕᑯᒥᓇᕐᓂᖏᑎᑐᑦ.
13ᓯᕐᓗᐊᕗᓪᓗ ᑕᑕᑦᓯᐊᖁᓪᓗᒋᑦ,
ᓱᓇᓕᒫᑦᓯᐊᓂᒃ ᑭᓐᖒᒪᓇᕐᑐᓂᒃ ᐃᓗᓕᖃᕐᓗᑎᒃ;
ᓰᐱᖁᑎᕗᓪᓗ ᕿᑐᕐᖓᕐᑖᖁᓪᓗᒋᑦ 1,000ᓂᒃ
10,000ᐃᕐᓱᕐᑐᓂᒡᓗ ᐱᕈᕐᓰᕕᖁᑎᕗᑦ ᐱᕈᕐᕕᐅᖁᓪᓗᒋᑦ.
14ᐃᒻᒧᒃᓯᐅᒐᖁᑎᕗᓪᓗ ᐅᓄᕐᑐᓂᒃ ᕿᑐᕐᖓᕐᑖᖁᓪᓗᒋᑦ,
ᑕᒪᐅᓁᓐᓇᖅ ᐃᓄᕐᑐᓂᒃ ᕿᑐᕐᖓᕐᑖᖁᓇᒋᑦ ᐅᕝᕙᓗ ᑐᖁᔨᐊᖃᖁᓇᒋᑦ;
ᐊᒃᓱᕈᕐᓇᕐᑐᓂᒡᓗ ᓂᓪᓕᐊᔪᖃᖁᓇᒍ ᐊᖅᑯᑎᑦᑎᓐᓂ.
15ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᑍᒤᑦᑐᓄᑦ ᓮᒻᒪᕐᑎᑕᐅᔪᑦ!
ᐄᓛᒃ, ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᐊᑕᓂᕐᒥᒃ ᒎᑎᖃᕐᑐᑦ!
Currently Selected:
ᐃᓐᖏᕈᑎᑦ 144: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
