ᐃᓐᖏᕈᑎᑦ 140
140
ᑐᒃᓯᐊᕐᓂᖅ ᓴᐳᑎᔭᐅᓯᒪᔪᒪᓂᕐᒧᑦ
ᐃᓐᖏᕐᑏᑦ ᑲᒪᔨᖓᓄᑦ ᑍᕕᑎᐅᑉ ᐃᓐᖏᕈᑖ
1ᐊᑕᓃᖅ, ᓴᐳᑎᓚᐅᓐᖓ, ᐃᓄᖕᓂᑦ ᐱᐅᖏᑦᑐᓂᑦ;
ᓴᐳᑎᓗᖓᓗ ᐃᓄᖕᓂᑦ ᑲᑉᐱᐊᓵᕆᔪᓂᑦ,
2ᑖᒃᑯᐊ ᐱᑦᓯᐊᖏᓐᓂᕐᒥᒃ ᐸᕐᓇᒐᓱᐊᕐᐳᑦ ᐃᓱᒪᒥᒃᑎᒍᑦ,
ᑍᒪᓐᖓᓪᓗ ᐅᓇᑕᕐᓂᕐᒥᒃ ᐊᐅᓚᑦᔧᖃᑦᑕᕐᓗᑎᒃ.
3 #
ᕉᒪᒥᐅᓄᑦ 3:13. ᐅᖃᑎᒃ ᐃᐱᒃᓯᑎᑉᐰᑦ ᖁᒡᓗᒋᐊᑎᑐᑦ,
ᖃᓂᖏᑕᓗ ᐃᓗᐊᓂ ᑐᖁᓐᓇᕐᑐᖃᕐᐳᑦ ᖁᒡᓗᒋᐊᑎᑐᑦ. ᓰᓚ
4ᐊᑕᓃᖅ, ᑲᒪᒋᑦᓯᐊᓐᖓ ᐱᐅᖏᑦᑐᑦ ᐊᒡᒐᖏᓐᓂᑦ;
ᓴᐳᑎᓗᖓᓗ ᐃᓄᖕᓂᑦ ᑲᑉᐱᐊᓵᕆᔪᓂᑦ,
ᐃᓅᓯᓐᓂᒃ ᑐᖁᑦᓯᓇᓱᐊᕐᑐᓂᑦ.
5ᐱᐅᔪᕆᔪᑦ ᐃᔨᕐᓯᒪᔪᒥᒃ ᐊᒃᓱᓈᓂᒃ ᓂᒐᕐᕕᒃᓴᓐᓂᒃ ᓴᓇᓯᒪᕗᑦ,
ᐊᒃᓱᓈᖃᕐᓗᑎᒃ ᐃᓯᕕᑦᓯᓯᒪᕗᑦ ᓄᓗᐊᓂᒃ ᐊᖅᑯᑎᐅᑉ ᓴᓂᐊᓄᑦ,
ᒥᑭᒋᐊᕐᕕᒃᓴᓐᓂᒡᓗ ᐋᖅᑭᒃᓱᐃᓯᒪᕗᑦ. ᓰᓚ
6ᐊᑕᓂᕐᒧᓪᓕ ᐅᖃᕐᐳᖓ, “ᐃᕝᕕᑦ ᒎᑎᒋᕙᒋᑦ.”
ᕿᓄᓂᕐᒧᑦ ᓂᐱᒐ ᑐᓴᓚᐅᕈᒃ, ᐊᑕᓃᖅ!
7ᐊᑕᓃᖅ, ᐊᑕᓂᕋ, ᓴᐳᑦᔨᔨᒐ ᓲᖑᔪᕐᔪᐊᖑᔪᖅ,
ᓂᐊᖁᕋ ᐅᓕᒃᓯᒪᓚᐅᕐᐸᑦ ᐅᓇᑕᕐᓂᐅᑉ ᓇᓪᓕᐅᓐᓂᖓᓂ.
8ᐊᑕᓃᖅ, ᐱᐅᖏᑦᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᑦᑍᓕᒃᑭᑦ;
ᐱᐅᖏᑦᑑᓪᓗ ᐱᓕᕆᐊᕆᓇᓱᐊᕐᑕᖏᑦ ᑲᔪᓯᑎᑦᑍᓕᒃᑭᑦ! ᓰᓚ
9ᐊᑭᕋᕐᑐᕐᑎᒃᑲ ᐅᕙᓐᓂᒃ ᓵᓚᖃᕐᑎᑦᑍᓕᒃᑭᑦ,
ᖃᓂᕐᒥ ᐅᓇᖕᒥᒃᓕᐅᑎᒋᔭᖏᓐᓄᑦ ᐅᑎᕐᕕᐅᖔᓚᐅᕐᓕᑦ.
10ᐃᑯᐊᓚᔫᑉ ᐊᐅᒪᖏᑦ ᑖᒃᑯᓄᖓ ᑲᑕᓚᐅᕐᓕᑦ!
ᑲᑕᓚᐅᕐᓕᑦ ᐃᑎᕐᓴᕐᔪᐊᕐᒧᑦ, ᒪᑭᒃᑲᓐᓂᕐᓂᐊᕈᓐᓃᕐᓗᑎᒃ.
11ᐊᓯᒥᓂᒃ ᓱᓕᖏᑦᑐᒥᒃ ᐅᖃᐅᓯᖃᓲᑦ ᓄᓇᒥ ᐋᖅᑭᒃᓯᑎᑦᑍᓕᒃᑭᑦ;
ᐱᐅᖏᑦᑐᖅ ᐱᓇᓱᐊᓚᐅᕐᓕ ᑲᑉᐱᐊᓵᕆᔪᓂᒃ ᑐᖁᓪᓗᒋᓪᓗ.
12ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ
ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ,
ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.
13ᐃᓛᒃ, ᐃᓱᐊᕐᑐᑦ ᖁᔭᓕᓕᕈᒫᕐᐳᑦ ᐊᑎᕐᓄᑦ;
ᐃᓱᐊᕐᑐᓕᔪᓪᓗ ᓇᔪᕐᑕᕐᓂ ᐃᓂᖃᕈᒫᕐᓗᑎᒃ.
Currently Selected:
ᐃᓐᖏᕈᑎᑦ 140: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
