ᐃᓐᖏᕈᑎᑦ 141
141
ᐅᓐᓄᒃᑯᑦ ᑐᒃᓯᐊᕐᓂᖅ
ᑍᕕᑎᐅᑉ ᐃᓐᖏᕈᑖ
1ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ; ᕾᓵᓚᐅᕆᑦ ᐅᕙᓐᓄᑦ!
ᓂᐱᒐ ᑐᓴᓚᐅᕈᒃ, ᑐᒃᓯᐊᕐᕕᒋᓕᑐᐊᕈᒃᑭᑦ.
2 #
ᑕᑯᑎ 5:8. ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ,
ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.
3ᐊᑕᓃᖅ, ᖃᓂᕋ ᖃᐅᔨᓴᕐᑎᑖᕐᑎᓚᐅᕈᒃ,
ᖃᓂᕐᒪ ᓯᓈᖓᑕ ᐅᒃᑯᐊᖓ ᖃᐅᔨᓴᕐᑕᐅᖏᓐᓇᖁᓪᓗᒍ.
4ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ,
ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ;
ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.
5ᐃᓱᐊᕐᑐᓕᔪᒧᑦ ᐊᓇᐅᔭᐅᑎᓚᐅᓐᖓ ᐱᑦᓯᐊᕐᓂᐅᒐᔭᕐᒪᑦ
ᓱᐊᒃᑕᐅᓗᖓᓘᓐᓃᑦ ᑕᒪᓐᓇ ᐅᕐᓱᑦᓯᐊᕚᓘᖕᒪᑦ;
ᐱᐅᖏᑦᑐᓄᓪᓕ ᓂᐊᖁᕋ ᐅᕐᓱᕐᑎᕐᑕᐅᑎᓚᐅᕐᓯᒪᓐᓂᐊᕐᓇᒍ;
ᓱᓕ ᑐᒃᓯᐊᕐᐳᖓ ᐱᐅᖏᑦᑐᑦ ᐱᓂᐊᕐᓂᖏᑦ ᐊᑭᕋᕐᑐᕐᓗᒋᑦ.
6ᐊᖓᔪᖅᑳᖏᑦ ᕾᕐᓱᒥ ᐃᔪᒃᑲᕐᑎᑕᐅᒃᐸᑕ ᐃᓐᓈᕈᒃᑯᑦ,
ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᖃᐅᔨᔭᐅᔪᒫᕐᐳᑦ ᓱᓕᓂᖏᓐᓂᒃ.
7ᓲᕐᓗ ᓄᓇ ᒪᒃᐱᕐᑎᕐᑕᐅᓪᓗᓂ ᐅᔭᕅᑦ ᓯᐊᒻᒪᕐᑎᕐᑕᐅᕙᖕᒪᑕ,
ᑍᒫᒃᑕᐅᖅ ᑖᒃᑯᐊ ᓴᐅᓂᖏᑦ ᓯᐊᒻᒪᕐᑎᑕᐅᓂᐊᕆᕗᑦ ᑕᒫᓃᕐᕆᓕᕐᓗᑎᒃ
ᐃᓗᕕᖃᕐᕕᐅᑉ ᖃᓂᖓᑕ ᓴᓂᐊᓂ.
8ᐃᓕᖕᓄᓪᓕ ᐊᑕᓃᖅ ᒎᑏ ᑕᑯᓐᓇᕐᐳᖓ;
ᐃᓕᖕᓄᑦ ᕿᒫᕗᖓ ᓴᐳᑎᔭᐅᔪᒪᓪᓗᖓ;
ᑕᕐᓂᕋ ᕿᒤᓐᓇᕐᓗᒍ ᑐᖁᑕᐅᑎᑦᑍᓕᒍᒃ!
9ᓴᐳᑎᓚᐅᓐᖓ ᑖᒃᑯᐊ ᓂᒐᕐᑎᑦᓯᑦᔪᑎᒋᓇᓱᐊᕐᑕᖏᓐᓂᑦ,
ᐱᐅᖏᑦᑐᓕᔪᓪᓗ ᒥᑭᒋᐊᕐᑎᑦᓯᑦᔪᑎᒋᓇᓱᐊᕐᑕᖏᓐᓂᑦ.
10ᐱᐅᖏᑦᑐᓕᒫᑦ ᐊᑕᐅᑦᓯᒃᑯᑦ ᓄᓗᑦᔨᐊᕆᓯᒪᔭᒥᖕᓄᑦ ᓇᖕᒥᓂᖅ ᑲᑕᓚᐅᕐᓕᑦ,
ᐅᕙᖓ ᑖᒃᑯᓇᓐᖓᑦ ᐊᓐᓇᒃᑎᓪᓗᖓ.
Currently Selected:
ᐃᓐᖏᕈᑎᑦ 141: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
